عملية التخلص من مليشيا حميدتي الخاصة (الدعم السريع) بتمر عن طريق رفض شعبي لي اي دور ليها. حالياً الدعم السريع شغال بطريقة منظمة شراء للقلوب وعملية غسيل لوجهو وسمعتو.
سكان المدن الكبيرة (ثُلث السكان) مهمين في المظاهرات حيث الكاميرات لتبرز دا. لكن الانتخابات كل مواطن فيها بفرق.
+

الدعم السريع بتم ابرازو بصورة مستمرة كمنقذ وبأشكال متنوعة. للناس الضربتهم السيول والفيضانات. لأماكن فيها نزاعات قبلية. للمناطق الما فيها مراكز طبية بإرسال قوافل طبية... بإختصار اي فراغ وفَرقة بملاها.
القصة دي خطيرة جداً. مليشيا حميدتي مليشيا خاصة ولاءها ليهو شخصياً.
+

الناس البصلهم الدعم السريع لمن تجي الانتخابات حيدوا صوتهم لممثل الدعم السريع. حالياً عندو اموال كتيرة جداً موجها لتحسين صورتو وفي نفس الوقت عندو فريق منظم محاول يظهرو كرجل دولة حازم بقدر يحسم الفوضى ويوفر قفة الملاح والدواء والمويه. اي انقلاب تم ابراز قائدو بالطريقة دي.
+

فمحتاجين نشتغل بصورة منظمة لمنع اي دور لكل مليشيا (وحتى الجيش) خارج أُطر وظيفتهم. مثلاً العسكر حيصروا يظهروا سيطرتهم الكاملة على موضوع السلام.
الناس تقاوم اي قبول شعبي لمليشيا صعدها المعزول البشير عشان تكون درع حماية ليهو. ودا براهو كافي لكشف طبيعة حميدتي ومليشياتو.