ثريد:
قبل كم يوم لاقتني تويت فيها واحدة بتسأل وين ممكن تلقى بوالين هيليوم لحفلة عيد ميلاد أو شيء من هذا القبيل. المهم الموضوع عمل لي trigger و كنت عايزة أكتب ليها رد طويل اقول ليها ليه مفروض الناس تبطل تستعمل الهيليوم في التسلية و الزينة. بس الكلام كتر و ما حبيت احسسا...
قبل كم يوم لاقتني تويت فيها واحدة بتسأل وين ممكن تلقى بوالين هيليوم لحفلة عيد ميلاد أو شيء من هذا القبيل. المهم الموضوع عمل لي trigger و كنت عايزة أكتب ليها رد طويل اقول ليها ليه مفروض الناس تبطل تستعمل الهيليوم في التسلية و الزينة. بس الكلام كتر و ما حبيت احسسا...
انو بهاجم فيها شخصيا لأنو عارفة اغلب الناس هنا ما فرق معاهم كتير الموضوع امكن لانو ما عارفين الهيليوم دا بنجيبو من وين و كمية الهيليوم العندنا في الأرض قدر شنو و نحن محتاجينو في شنو بالزبط و ليه مفروض نحافظ عليهو. فقلت اكتب ثريد عن الحاجة دي و اكون عملت العلي حتى لو ما بيهم الناس
1. الهيليوم غاز خامل خفيف (بروتونين و نيوترونين في النواة) تاني اخف ذرة بعد الهيدروجين عشان كدة بوالين الهيليوم بتطير لانها اخف من الهوا. الهيدروجين غاز متوفر شديد و تصنيعو ما صعب لكن مشكلتو انو قابل للاشتعال بشدة عشان كده ما بنستعملو في البوالين.
2. الهيليوم في الفضاء اكتر حاجة متوفرة بعد الهيدروجين. جزو منو اتكون مع الانفجار العظيم و جزو قعد تصنعو النجوم بالاندماج النووي للهيدروجين.
»معلومة جانبية: الهيليوم مسمى على هيليوس (في الاساطير اليونانية اله الشمس) لانو اكتشفوهو بتحليل الضوء الجاي من الشمس.
»معلومة جانبية: الهيليوم مسمى على هيليوس (في الاساطير اليونانية اله الشمس) لانو اكتشفوهو بتحليل الضوء الجاي من الشمس.
الهيليوم ما بيقدر يجينا من الفضاء لانو خفيف. الارض ما حتجذبو. طيب العندنا في الأرض دا جا من وين؟
الهيليوم مصدرو الاساسي عندنا هو التحلل الاشعاعي لليورانيم و الثوريوم. اللي هم لمن يتحللو بيطلعو جزيئات اسمها الفا اللي هي عبارة عن نيوترونين و بروتونين...
الهيليوم مصدرو الاساسي عندنا هو التحلل الاشعاعي لليورانيم و الثوريوم. اللي هم لمن يتحللو بيطلعو جزيئات اسمها الفا اللي هي عبارة عن نيوترونين و بروتونين...
لمن تلم ليها الكترونين من البيئة الحولينا بتبقى ذرات هيليوم. المشكلة هنا انو العملية دي بطيئة بطريقة ما ممكن الزول يتخيلا.
Half-life of a uranium atom is 4.5 Bil. years! With a "B"!!
Half-life of a uranium atom is 4.5 Bil. years! With a "B"!!
يعني الهيليوم الفي الأرض أخد حرفيا عمرها كلو عشان تخزنو!
العملية دي تحصل في قلب الأرض و الغاز دا بيتجمع و بيطلع كزو بسيط من الغاز الطبيعي (0.3%) منو عشان نكون دقيقين. و بيحتاج بعد داك عمليات تنقية عشان يطلع لينا في النهاية غاز يكون 99% منو هيليوم.
الهيليوم ما بنقدر نصنعو في معامل
العملية دي تحصل في قلب الأرض و الغاز دا بيتجمع و بيطلع كزو بسيط من الغاز الطبيعي (0.3%) منو عشان نكون دقيقين. و بيحتاج بعد داك عمليات تنقية عشان يطلع لينا في النهاية غاز يكون 99% منو هيليوم.
الهيليوم ما بنقدر نصنعو في معامل
اذا هو من الموارد الغير متجددة. و لمن نستهلكو حيخلص. إلا اذا حبينا ننتظر 4 مليار سنة و نص تانية عشان الأرض تصنعو.
طيب نشوف مصير البوالين البتطير مننا و ما بنحصلا بيحصل عليها شنو:
طيب نشوف مصير البوالين البتطير مننا و ما بنحصلا بيحصل عليها شنو:
عارفين انو كلما ارتفعنا عن سطح الارض ضغط عمود الهوا بيقل، فكل ما يرتفع البالون الضغط البراهو بيخف و الضغط الجوا ثابت فبيصل مرحلة انو البالون بيتمدد (لانو مافي حاجه ضاغطة عليهو من برة) لحدي ما الماتيريال يصل حدو الاقصى للتمدد و ينفجر. الارتفاع البينفجر فيهو بيعتمد على...
قدرة المادة المصنوع منها البالون على التمدد. "ممكن يصل لحدي ارتفاع 9الف متر" بعدها ما بيعيش.
لمن ينفجر البالون المطاط حينزل تاني الأرض و الغاز حيطلع برة الغلاف الجوي و ما حيرجع الأرض.
لمن ينفجر البالون المطاط حينزل تاني الأرض و الغاز حيطلع برة الغلاف الجوي و ما حيرجع الأرض.
4. طيب معليش سؤال بالجنبة: كيف الهيليوم بيخلي صوتي رفيع؟
نحن عارفين انو الصوت عبارة عن ذبذبات في الهوا لمن الحبال الصوتية حقتنا تتحرك بتحرك الهوا الحولينا و بتصدر موجات بتتحرك بسرعة الصوت (في الهواء اللي هو اغلبو نيتروجين و اوكسجين= 344 متر في الثانية)...
نحن عارفين انو الصوت عبارة عن ذبذبات في الهوا لمن الحبال الصوتية حقتنا تتحرك بتحرك الهوا الحولينا و بتصدر موجات بتتحرك بسرعة الصوت (في الهواء اللي هو اغلبو نيتروجين و اوكسجين= 344 متر في الثانية)...
لمن استنشق الهيليوم الهواء الحولينا الحبال الصوتية حقتي بيكون اخف و الصوت بيمشي فيهو اسرع (927 متر في الثانية) فالموجات بتطلع ترددا اعلى (اللهي بتخلى الصوت بيظهر لينا ارفع)
"دي بس معلومة للداير يقفل الامتحان" ?
"دي بس معلومة للداير يقفل الامتحان" ?
5. آخر نقطة: ليه مفروض نحافظ على الهيليوم، أو بتستفيد منو في شنو؟ خلي الناس تتسلى ياخ.
الهيليوم السائل بيستعمل في تبريد اجهزة عملاقة كتيرة زي الLHC و اجهزة الرنين المغنطيسي، المعدات الفي الاقمار الصناعية و في تبريد الهيدروجين و الاوكسجين الفي وقود الصواريخ. ...
الهيليوم السائل بيستعمل في تبريد اجهزة عملاقة كتيرة زي الLHC و اجهزة الرنين المغنطيسي، المعدات الفي الاقمار الصناعية و في تبريد الهيدروجين و الاوكسجين الفي وقود الصواريخ. ...
بنستعملو برضو في مايكروسكوبات ادق من electron microscope بنستعمل ايونات الهيليوم.
الالياف الضوئية البنتقل لينا الانترنت بتتصنع في محيط بتاع هيليوم نقي، في صناعة اشباه الموصلات برضو للتبريد و المفاعلات النووية، انابيب الاوكسجين البيتنفسو بيها تحت الموية 80% منها هيليوم. في اللحام
الالياف الضوئية البنتقل لينا الانترنت بتتصنع في محيط بتاع هيليوم نقي، في صناعة اشباه الموصلات برضو للتبريد و المفاعلات النووية، انابيب الاوكسجين البيتنفسو بيها تحت الموية 80% منها هيليوم. في اللحام
و في و في و في حاجات كتيرة مفيدة.
اي ظريفة البوالين الخفيفة و الصوت الرفيع مضحك لكن في حاجات أهم منها محتاجين فيها الغاز دا فماف داعي نستهلكو في الفارغة.
اللهم قد بلغت فاشهد.
Have a lovely Sunday ❤️
اي ظريفة البوالين الخفيفة و الصوت الرفيع مضحك لكن في حاجات أهم منها محتاجين فيها الغاز دا فماف داعي نستهلكو في الفارغة.
اللهم قد بلغت فاشهد.
Have a lovely Sunday ❤️
جاري تحميل الاقتراحات...