أيه هو مُلك سُليمان ؟ و ليه ربنا أخفى موته عن الجن و الشياطين ؟
تابعوا الثريد ...
تابعوا الثريد ...
قبل مانبدأ الثريد ياريت تعمل لايك و ريتويت علشان يوصل لعدد أكبر و الكل يستفيد🌸
سُليمان عليه السلام هو من ضمن الأربع ملوك اللي مكنّهم ربنا الأرض واللي عليها وكان ترتيبه التالت ، بس سيدنا سليمان مُلكه كان مختلف تماماً عن الباقي و ده لأسباب كتير هنعرفها فـ الثريد ..
مبدئياً سليمان عليه السلام إبن داوود عليه السلام يعني نبي إبن نبي وكان نبي ل بني إسرائيل وجنب الملك والنبوه اللي ورثهم من أبوه، سليمان ورث الحكمه والذكاء من صغره لدرجه إن لما كان بيجي قوم لسيدنا داوود علشان يحكم بينهم فمشكله كان سيدنا سليمان هو اللي بيحلها بسبب فطنته رغم صغر سنه
بس مش النبوه هي اللي خلت مُلك سيدنا سليمان مختلف عن الباقي!اختلاف سيدنا سليمان كان بسبب الدعوه اللي دعى بيها ربنا {قَالَ رَبِّ ٱغْفِرْ لِى وَهَبْ لِى مُلْكًا لَّا يَنۢبَغِى لِأَحَدٍۢ مِّنۢ بَعْدِىٓ ۖإِنَّكَ أَنتَ ٱلْوَهَّابُ} يعني يارب ارزقني بمُلك مجاش لحد قبلي ولاهيجي لحد بعدي!
و الدعوه دي مكانتش بـ نيه الطمع ولا حاجه! سيدنا سليمان كان حابب يتأكد من مكانته عند ربنا و حبه له، وفعلاً ربنا حققله دعوته " و أتاهُ مُلكٌ لم يسبق لأحدٍ قط" !! تفتكروا إيه هو المُلك اللي اثبت ربنا بِه حبه لسيدنا سُليمان !🤔
ربنا ماسخرش البشر لسيدنا سُليمان بس! ده سخرله كمان الجن والشياطين!يعني الإنس والجن كانو بيتحركوا بإشاره واحده منه وكان الجن بيبني له القصور والمدن حتى القدور والأطباق اللي كان بياكل فيها هما اللي كانو بيصنعوها! لاء ده كمان الرياح اتسخرت لأمره وكانت بتنقله للمكان اللي يشاور عليه!!
معجزات ربنا لسيدنا سُليمان مخلصتش لحد هنا !! ربنا كمان علّم سيدنا سُليمان منطق الطير و الحيوانات و الحشرات فـ كان بيسمعهم و يتكلم معاهم كأنه بيتكلم مع بشر !! و القرآن حكالنا قصص كتير عن المعجزه دي من ضمنهم قصه سليمان و جيوشه لما مرّوا على وادي النمل
{ حَتَّىٰ إِذَا أَتَوْا عَلَىٰ وَادِ النَّمْلِ قَالَتْ نَمْلَةٌ يَا أَيُّهَا النَّمْلُ ادْخُلُوا مَسَاكِنَكُمْ لَا يَحْطِمَنَّكُمْ سُلَيْمَانُ وَجُنُودُهُ وَهُمْ لَا يَشْعُرُونَ } فـ إبتسم سيدنا سليمان من كلامها و شكر ربنا على النعمه اللي أنعم بيها عليه و على والده❤️
وجنب كل المعجزات دي سيدنا سليمان كانت عنده القوه اللي تخليه لو مسك حديد أو نحاس يدوب فـ إيده !! كل النعم دي استخدمها سيدنا سليمان فـ الإصلاح والتعمير، فَحكَمْ الأرض بالعدل وحارب الظلم و فرض الجزيه على المشركين وكان مسخر جيوشه من الإنس والجن والحيوانات لتحقيق هدفه فـ التعمير
فأمَر الجن بحفر الآبار فـ الصحرا وإصلاح المدن المجاوره وقطع الأحجار من الجبال علشان يبنوا مدن جديده أصلاً زي " مدينه النحاس"المدينه اللي حرفياً كل حاجه فيها مصنوعه من النحاس!!وأمَر الرياح بدفع السفن اللي محمله بضائع للبلاد النائيه،وعاش بني إسرائيل فنعيم ورخاء مشافوش زيه قبل كده..
" قصه سيدنا سليمان و ملكه سبأ "
فـ يوم سيدنا سُليمان جمع كل جيوشه علشان يتفقدهم واحد واحد وكلهم كانو موجودين ماعدا الهدهد! و لاحظ سيدناسليمان انه مش موجود ! وغضب لان محدش إتجرأ و عملها قبل كده ! وقرر يعذب الهدهد و يخليه عِبره إلا لو كان عنده سبب مقنع لغيابه !
فـ يوم سيدنا سُليمان جمع كل جيوشه علشان يتفقدهم واحد واحد وكلهم كانو موجودين ماعدا الهدهد! و لاحظ سيدناسليمان انه مش موجود ! وغضب لان محدش إتجرأ و عملها قبل كده ! وقرر يعذب الهدهد و يخليه عِبره إلا لو كان عنده سبب مقنع لغيابه !
{وَتَفَقَّدَ الطَّيْرَ فَقالَ ما لِيَ لا أَرَى الْهُدْهُدَ أَمْ كانَ مِنَ الْغائِبِينَ * لَأُعَذِّبَنَّهُ عَذابًا شَدِيدًا أَوْ لَأَذْبَحَنَّهُ أَوْ لَيَأْتِيَنِّي بِسُلْطانٍ مُبِينٍ} .. معداش وقت كتير و جه الهدهد لسيدنا سليمان علشان يقوله حجته وسبب غيابه عن الجيش !
قاله الهدهد "لقد أحطت بما لم تحط به خبراً" يعني انا عرفت حاجه انت مش عارفها ! أنا لاقيت قوم فـ مدينه إسمها سبأ "و هي اليمن دلوقتي" بيحكمهم وبيحكم جيشهم العظيم امرأه وشوفت عندها كل حاجه ممكن يحتاجها الملوك من فلوس وقوه وسلاح ،بس الخبر الأهم إن انا لاقيتها هي وقومها بيسجدوا للشمس !
كلام الهدهد كان منطقي جداً لسُليمان بس حب يتأكد أكتر ! فـ بعت الهدهد بمكتوب لـ بلقيس ملكه سبأ .. و بطريقه من الطرق عرف الهدهد يدخل جوا القصر لحد ما لقى بلقيس و رمى المكتوب فـ حجرها و طار بس مابعدش كتير و فضل واقف فـ مكان بعيد عن العين يراقب رده فعلها
فتحت بلقيس المكتوب و قرأته لشعبها و هي فـ حاله تعجب من جمال أسلوب المكتوب و حسن خطه {قَالَتْ يَا أَيُّهَا الْمَلَأُ إِنِّي أُلْقِيَ إِلَيَّ كِتَابٌ كَرِيمٌ * إِنَّهُ مِنْ سُلَيْمَانَ وَإِنَّهُ بِسْمِ اللَّهِ الرَّحْمَنِ الرَّحِيمِ * أَلَّا تَعْلُوا عَلَيَّ وَأْتُونِي مُسْلِمِينَ}
استشارت بلقيس شعبها ف مكتوب سليمان فقالولها إحنا أصحاب قوه و اسلحه وهندافع عن مُلكنا لو أمرتي بالحرب بس فالأول والأخر إنتي الملكه والقرار الأخير عندك !بلقيس حست بقوه سليمان من أسلوب المكتوب وخافت على شعبها فقررت تبعتله هديه علشان تشوف هل نيته فعلاً دعوتهم للايمان ولارغبه فـ المال
بعتت جنود بالهديه لانها كانت فخمه وكبيره جداً ! بس مكانتش تعرف إن سيدنا سُليمان مش هيبص عالهديه أصلاً !! لما جت الهديه سيدنا لسليمان غضب و اتضايق جداً و قالهم { أَتُمِدُّونَنِ بِمَالٍ فَمَا آَتَانِيَ اللَّهُ خَيْرٌ مِمَّا آَتَاكُمْ }
يعني انتو مقابل دعوتي ليكم بالتوحيد بتهدوني بالمال! أنا ربنا إداني اللي احسن منه وأضعاف اللي عندكم! إرجعوا زي ماجيتوا و بلغوا الملكه يا إما التوحيد يا إما السيف !! رجع الجنود لـ بلقيس و حكولها اللي حصل فـ قررت تروح بسيدنا سُليمان بنفسها !!
عرف سيدنا سليمان خبر قدومها وقرر يستقبلها بمعجزه وآيه تعرفها حجم مُلكه وصدق كلامه!فجمع جيوشه وقالهم مين أقوى واحد هيعرف يجيبلي عرش بلقيس من قصرها قبل وصولها!فقاله واحد قبل ماتقوم من مكانك هيكون عندك!يعني سُليمان كان بيقعد على عرشه من الصبح للمغرب ف قبل مايقوم من عليه هيلاقيه عنده
بس سُليمان حس إن الوقت طويل ! فـ اتقدم واحد تاني و قاله {أَنَا آتِيكَ بِهِ قَبْلَ أَنْ يَرْتَدَّ إِلَيْكَ طَرْفُكَ} يعني قبل ما ترمش بعينك هتلاقيه عندك ! وفعلاً ده اللي حصل و وصل عرش بلقيس لـ قصر سُليمان قبل وصولها
سُليمان حب يختبر ذكاء بلقيس فأمر الجن أنهم يغيروا شويه فـ شكل العرش علشان يشوف بلقيس هتعرفه ولا لاء و أمرهم يبنوا جسر من زجاج على ماء جاري و يحطوا العرش على الجسر علشان يبان ان العرش مستوي على الماء ! ف لما وصلت بلقيس سألها سُليمان ده عرشك ؟ قالتله كأنه هو !!
{ فَلَمَّا جَاءَتْ قِيلَ أَهَكَذَا عَرْشُكِ قَالَتْ كَأَنَّهُ هُوَ وَأُوتِينَا الْعِلْمَ مِنْ قَبْلِهَا وَكُنَّا مُسْلِمِينَ }
فـ قالها إدخلي لعرشك ! مشافتش الجسر و افتكرت إنها هتعوم فـ كشفت عن ساقها فـ قالها سُليمان ماتخافيش على هدومك من البلل ده جسر من الزجاج الناعم !!
فـ قالها إدخلي لعرشك ! مشافتش الجسر و افتكرت إنها هتعوم فـ كشفت عن ساقها فـ قالها سُليمان ماتخافيش على هدومك من البلل ده جسر من الزجاج الناعم !!
عرفت بلقيس إن الحاجات دي كلها مش من صنع البشر و إن سُليمان صاحب قوه و وراه جيش عظيم بسبب إيمانه بالله فإعترفت إنها ظلمت نفسها و أعلنت ايمانها برب سُليمان ❤️
"موت سُليمان"
سُليمان النبي الوحيد اللي إتذكر موته فـ القرآن ! وده لان ربنا أخفى موته عن الجن سنه كامله !!لحد ماجت دابه من الأرض وكلت العصا اللي كان ساند عليها و وقع على الأرض ميت و الحكمه من إخفاء موته كانت علشان الأنس يتأكدوا إن الجن مايعرفوش الغيب والا كانو عرفوا بموت سُليمان
سُليمان النبي الوحيد اللي إتذكر موته فـ القرآن ! وده لان ربنا أخفى موته عن الجن سنه كامله !!لحد ماجت دابه من الأرض وكلت العصا اللي كان ساند عليها و وقع على الأرض ميت و الحكمه من إخفاء موته كانت علشان الأنس يتأكدوا إن الجن مايعرفوش الغيب والا كانو عرفوا بموت سُليمان
لو عجبك الثريد ماتنساش تسيبلي رأيك فـ ريبلاي♥️
👏🏻👏🏻👏🏻👏🏻👏🏻
🔥
جاري تحميل الاقتراحات...