موضوع جديد : متعودين سنوياً بعد كل #مؤتمر_ابل تتشخصن الامور ويتجه الاشخاص بين مستغل للفرصة بالمسابقات او لل #ريتويت او اثبات ان #ابل افضل او الشركات الاخرى افضل وتعيش كل مواقع التواصل انتعاش تقني ماله مثيل على مر السنين، ليه طيب ؟! خلونا نحلل ونشوف وهالامر وجهة نظر شخصية ..
من وجهة نظري #مؤتمر_ابل حدث لتوليد الأرقام بكل مكان، التقني يزيد تأثيره، المستخدم يزيد تعبيره، اللي ماله دخل يدخل نفسه بالموضوع لزيادة أرقامه، اليوتيوبرز يتسابقون لعمل فيديو ?❌? ونظره حزينه لزيادة المشاهدات، واتس اب تركيب صور وذب واستهبال، انستقرام وهكذا ؟! ليه ليه ليه ..
شركة #ابل اذا قالت احسن كاميرا وافضل معالج ..الخ لو بنجيبها بالورق اكيد بتعتقد ان منتجات ابل ( ارقامها اقل بكثير ) لكن لو شفناها كنتيجة مستخدم واختبارات وغير ذلك بتحصل الارقام الاقل افضل انتاجية وكفاءة ليه ؟! هي نفس اسلوب #مؤتمر_ابل مافيه بربقنده زايده بس شف التأثير !
#مؤتمر_ابل مايشكل خطر لأصحاب المتاجر بل يزيد ارقامهم، مايشكل خطر لمتاجر المستعمل لأن منتجات ابل تمسك سعرها سواء جديدة قديمة عتيقة ..الخ الطلب عليها عالي وهذا كله ليه ليه كذا حظ ونصيب ولا لأن النتيجة تحكم بعيداً عن الارقام ؟!
طيب فكر فيها، توليد الارقام والنتائج ..الخ اللي يسببه #مؤتمر_ابل في العالم بدون اضطرار الشركة لتزويد الحضور بالاجهزة بس تخليهم يجربون، ماخفضت اسعار المنتجات، ماسوت عرض خاص مع سماعة اير بودز لو حجزت مسبق، بالمختصر ماحطت شي اضافي لتحفيز لأن الامر محفز اصلاً ونرجع نسأل ليه ؟!
#مؤتمر_ابل ينعش سوق الاكسسوارات وهناك شركات كبيره قائمة فقط على هذا الشي، مع تيم كوك فتح المجال للمطورين لين اصبحنا نشوف منتجات وتطبيقات خارقة تستغل قدرات النظام والجهاز من تفاعل وانترنت الاشياء وهذا بدون دعم الجيل الخامس !
طيب ليه #ابل ماتدعم التقنيات ( الوليده ) ومع ذلك اجهزتها بقدراتها وتوافقيتها بعيداً عن الحشو من خلال المطورين تكون ممكنه ؟! #مؤتمر_ابل حتى للمطورين قد يغير حالهم الى حال ( لو قلنا من فقط فتح خاصية ) وهناك الفرق ياجماعة الخير اللي يكون ممكن في #ابل يحقق نتيجة مدهشة مقارنه بغيره !
في موضوعي البسيط ذكرت اكثر من مجال وتوجه وقطاع واشخاص ومتخصصين وغير متخصصين تسوي في شركة وحده في مؤتمر واحد مدته ماتجي ساعتين، ثم يلومونا البعض اذا انبسطنا على مستقبلنا كمستخدمين هالشركة وكالعادهزعطني اجوبه لهذا الموضوع وبغيرها !
بالمختصر كنا نقول كمستخدمين هذا مايعنيه لنا #مؤتمر_ابل والان العالم كله يقول هذا مايعنيه لنا #مؤتمر_ابل ومايحتاج نثبته لأنه مثبت والتغريدات السابقة دليل على ذلك، الكل يركز يتحرك يجهز قبله واثناءه وبعده لانها فرصة من ذهب قد تغير حال من حال وهكذا، بختم رايي بالشركة هالسنة وبقول ..
اعتذر عن الاطاله، اتمنى مايتشخصن الموضوع مفي حال علقت خليك عالمضمون لأن كل حرف بتكتبه بذمتك. ❤️❤️
جاري تحميل الاقتراحات...