عارفين مين أول واحد سجد لإبليس و إتعلم السحر على ايده شخصياً ؟
" النمرود " تابعوا الثريد ...
" النمرود " تابعوا الثريد ...
ربنا سبحانه و تعالى مكّن و سخّر الأرض واللي عليها لأربع ملوك و هما: ذو القرنين، سليمان عليه السلام، بختنصر، و النمرود زي ما ورد عن النبي صلى الله عليه وسلم «ملك الدنيا أربعة مؤمنان وكافران أما المؤمنان فسليمان وذو القرنين والكافران النمرود وبختنصر وسيملكها خامس من أهل بيتي»
" النمرود"أسطوره اتخلدت في كل الحضارات و الديانات كـ أول شخصيه اتعاونت مع الشيطان لحكم العالم وأول من إدعى الألوهيه !! فـ مين هو النمرود و ليه اتقال انو أعظم من حكم الأرض ؟
هو النمرود بن كنعان بن كوش بن سام بن نوح عليه السلام، ونشأته كانت فـ أرض بابل واللي تعبتر من أعظم الحاضرات الموجوده فـ التاريخ، إستمر مُلك النمرود ٤٠٠ سنه وكان حاكم شعبه بالحديد و النار وكان عصره معروف بالأزدهار والرخاء فـ كان عنده مُلك عظيم و جيش جبار بتخاف منه باقي الجيوش !
كان العالم كله فـ ايده و كان بيتحكم فـ كل حاجه بإشاره واحده بس! ، و أول من وضع التاج على رأسه كان النمرود ! ربنا انعم عليه بكل النعم بس ده زود جبروته و فساده و من كتر ما النعم كانت مغرقاه اتكبر و اتدعى الألوهيه و ادى نفسه حق الربوبيه !
كان شعب بابل فـ الفتره دي بيعبد الكواكب و الشمس و "النمرود" كان بيعبد الأصنام و أزر أبو سيدنا إبراهيم عليه السلام كان هو المسؤول عن صناعه الأصنام فـ الفتره دي و " النمرود طلب منه إنه يصنع له تمثال علشان الناس تعبده و تكتمل ألوهيته !
أزاي بدأت علاقه النمرود و إبليس ؟
.
قبل مايحكم النمرود الأرض كان فـ عصر أبوه بيتمتع بكل وسايل الترف و المال، بس كان كل تفكيره في أزاي يحكم الأرض ؟ لحد ما فـ يوم النمرود كان بيغتسل و حواليه مجموعه من الجواري و فجأه دخل عليهم راجل عجوز أحدب الضهر !
.
قبل مايحكم النمرود الأرض كان فـ عصر أبوه بيتمتع بكل وسايل الترف و المال، بس كان كل تفكيره في أزاي يحكم الأرض ؟ لحد ما فـ يوم النمرود كان بيغتسل و حواليه مجموعه من الجواري و فجأه دخل عليهم راجل عجوز أحدب الضهر !
استغرب النمرود !! ازاي دخل الراجل ده عليا ومين سمحله !!رد الراجل بسخريه وقاله " أأنت الذي ستحكم الأرض ومن عليها و تقوم النساء بغسلك!" فغضب النمرود و أمر بقتله فوراً و أمر بقتل كل الجواري اللي كانو موجودين لانهم سمعوا الكلام اللي قاله الراجل الأحدب !
طلع النمرود فوراً اوضته واتفاجئ بوجود الراجل الأحدب فيها! إزاي! أنا أمرت بقتلك! إنت مين !رد عليه الأحدب "أنا أميرُ النور يوم خُلقَ النور فإذا أردت أن تحكم الأرض ومن عليها يجب أن تراني على هيئتي الحقيقيه"فظهر بصورته الحقيقيه!كان الشعر مغطي جسمه وعظيم البنيه!فكان الأحدب هو "إبليس"!
أمَر النمرود يسجدله مقابل القوه و السلطه و النفوذ ! و كان ده أول لقاء يتعهد فيه انس ببيع روحه لجن في تاريخ البشريه ! ومن هنا بدأ إبليس يعلم النمرود السحر و ازاي يسحر الناس ويحكم الأرض ! وكان أول قرار خده النمرود بتحريض من إبليس هو قتل ابوه علشان يقعد على العرش و يحكم البلاد !
وفعلاً قتل النمرود ابوه علشان يتحول بعد كده لملك جبار متسلط و ساحر جشع .. ولما حط التاج اللي استوحى فكرته من ملوك الجن على رأسه قال " نحن ملوك الدنيا المالكون لما فيها " وكلمه نحن مقصود بيها هو و إبليس ! وقعد يهاجم الممالك لحد ما بقى ملك الأقاليم السبعه !
" إزاي بدأت علاقه النمرود بـ سيدنا إبراهيم"
.
"النمرود"كان مالك الأكل الموجود ف البلاد وكان بيمر هو خدمه على الناس يأكلهم ويسألهم "من هو ربكم"فـ مر بسيدنا ابراهيم فسأله النمرود"من ربك" ف رد عليه "ربي هو الذي يحي و يميت "
!!
.
"النمرود"كان مالك الأكل الموجود ف البلاد وكان بيمر هو خدمه على الناس يأكلهم ويسألهم "من هو ربكم"فـ مر بسيدنا ابراهيم فسأله النمرود"من ربك" ف رد عليه "ربي هو الذي يحي و يميت "
!!
قاله النمرود"أنا احيي وأميت فأقتُل من شئت وأستحيي من شئت" وأمر النمرود بشخصين قتل واحد واطلق سراح التاني و قاله " أرأيت ! أنا ايضاً أُحيي و أُميت" رد عليه سيدنا إبراهيم " فإحيي الذي قتلت إن كنت من الصادقين"! اتلهوج النمرود ف الكلام و معرفش يرد عل سيدنا ابراهيم و غيّر الموضوع !
سأله النمرود ربك بيعمل ايه تاني ؟! سيدنا ابراهيم مارضيش يجادل معاه لفطنته و جاب له حجه تانيه قاله" إن الله يأتي الشمس من المشرق فأتي بها من المغرب " بهت وش النمرود و اتجمد مكانه لقله حيلته ! ومأمرش بقتل سيدنا ابراهيم ساعتها علشان مايبانش ضعيف قدامه !
لحد ماحصل حادثه الأصنام اللي كسرها سيدنا إبراهيم و اللي كان من ضمنهم تمثال النمرود ! طبعاً ماصدق النمرود و قرر وقتها يصفي حسابه القديم مع سيدنا إبراهيم و أمر فوراً بحفر حفره عظيمه جداً علشان تبقى أكبر محرقه اتعملت ف تاريخ البشريه علشان يحط فيها سيدنا ابراهيم عليه السلام
وفعلا عملوها و رموا سيدنا إبراهيم فيها ٣ ليالي و من كبر المحرقه و عظمتها اتقال انك لو كنت ف أول المدينه هتشوف نورها ولما ربنا نفذ امره و نجّى سيدنا إبراهيم منها النمرود كان هيتجنن ! إزاي ده حصل !!! ازاي النار مامستش إبراهيم !
{ قَالُوا حَرِّقُوهُ وَانصُرُوا آلِهَتَكُمْ إِن كُنتُمْ فَاعِلِينَ (68) قُلْنَا يَا نَارُ كُونِي بَرْدًا وَسَلَامًا عَلَىٰ إِبْرَاهِيمَ (69) وَأَرَادُوا بِهِ كَيْدًا فَجَعَلْنَاهُمُ الْأَخْسَرِينَ } و بدأت الناس تصدق سيدنا ابراهيم و عرش النمرود بدأ يتسحب من تحته
جري النمرود على إبليس لان المُلك بيضيع من ايده ويلوم عليه ويسأله أزاي نجّى إبراهيم وفين القوه اللي وعده بيها!وعلشان إبليس مايعترفش انه نبي الله قال للنمرود ان إبراهيم شيطان من الشياطين علشان كده مامستوش النار!غضب النمرود وأعلن تمرده على حليفه إبليس اللي علمه كل حاجه واتكبر عليه🤷🏻♀️
" نهايه النمرود "
بعت ربنا للنمرود ملك يدعيه للهدايه و الإيمان بالله و هيفضل فـ مُلكه ! رد النمرود بسخريه " وهل هناك ربٌ غيري !" و جاله الملك تاني و جاله مره تالته و فضل النمرود مستكبر و متمسك بجباروته على دعوه ربنا ! فـ قاله الملك إجمع جيوشك فـ ٣ أيام ! وبعدين !!!!
بعت ربنا للنمرود ملك يدعيه للهدايه و الإيمان بالله و هيفضل فـ مُلكه ! رد النمرود بسخريه " وهل هناك ربٌ غيري !" و جاله الملك تاني و جاله مره تالته و فضل النمرود مستكبر و متمسك بجباروته على دعوه ربنا ! فـ قاله الملك إجمع جيوشك فـ ٣ أيام ! وبعدين !!!!
فتح ربنا باب لجيش من البعوض و من كترهم كلوا لحمهم و شربوا دمهم !! ومتبقاش منهم غير بقايا عظامهم و النمرود !🤷🏻♀️ ربنا سلط عليه بعوضه دخلت من أنفه و استقرت في دماغه و ماكانش النمرود بيعرف ينام من طنينها الا لما يتضرب بالمطارق و الأحذيه علشان تهدا !!😅
وفضل النمرود عالحال ده ٤٠٠ سنه لحد ما مات بسبب الجنون من الكتر الضرب على راسه !! يعني زي ماربنا عيّشه فـ نعيم ٤٠٠ سنه عيّشه قدهم فـ عذاب و ذل من بعوضه بسبب جبروته و كفره !🤦🏻♀️
لو عجبكم الثريد حطولي رأيكم فـ ريبلاي🌸✨
محمد رمضان ايه بس يا جماعه 😂😂😂🤦🏻♀️
الكلام ده مصادره مش الإسرائليات ولا حاجه هو فعلاً النمرود مذكور فـ التوراه بس قصه النمرود اتحكت ف كتاب " تاريخ الطبري" و جزء منها اتذكر فـ كتاب " البدايه و النهايه" ده غير آيات القرآن اللي كانت بتتكلم عن النمرود برضو ...
جاري تحميل الاقتراحات...