فجأة استوعبت اني خضت ثمانية مقابلات وظيفية منذ أن تخرجت ٢٠١٦ حتى الآن، بعضها انا رفضت العمل وبعضها انرفضت، وبعدما خلصت ثامن مقابلة عمل ودي اتكلم عن تجربتي وودي نسولف عن مقابلاتكم وتجاربكم في البحث عن عمل ?️?️♀️ ثريد??
بالبداية ودي اشكر كل مسؤولة توظيف على الجهود الحثيثة المبذولة لإيجاد فتاة مخلصة خارقة، تستحق انها تتوظف في بيئة عملكم الرائعة، في كل مرة أجلس في مقابلة عمل أتأمل عبء وصداع مسؤولة التوظيف وهي تحاول تفلتر المتقدمات.. المكان مكتظ وكل وحده عيونها مليانة قلوب وفأل انهم ياخذونها???
اتذكر فجأة اكتشفت بودكاست اسمه "بصراحة" @BeSarahah وسمعت حلقة عن التوظيف مع زياد التويجري @Ziyadksa جداً استفدت واستوعبت أشياء ماقد انتبهت لها، اتذكر جيداً يوم قال:"أرجوك ســاعدني وانت تكتب الـcv حقك اني اتخذ قرار وأناديك للمقابلة!" كل وحده مهتمة بالـcv اسمعي هالحلقة??
اتصلت على غيداء بنت خالي عشان تساعدني نسوي الـcv حقي??️ طبعاً غيداء لو اتغزل فيها من الآن إلى الفجر مايسد حقها..غيداء باختصار: عقل كبير يمشي عالأرض+مهارات متعددة، شرحت لها اني ودي أكتب سيفي يخلي مسؤولة التوظيف تقول: يا الله هذي كائن بشري والا فضائي?? قالت اوكي انا أضبطك✌?
غيداء عندها لغة وطريقة صياغة للجمل وتصميم وشغل جميل فقررت استفيد منا، بنت خال بلاش؟?? قالت لي يلا علمين وش سويتي من يوم تخرجتي، كل شي حتى أبسط الأعمال اللي انجزتيها، بديت اتكلم وهي تكتب باحترافية عالية -قايله لكم خطيره هالبنت- وخلصنا السيفي مع بعض وصار جميل يبرد الكبد?.
قلت لها: ياغيداء أنا تخصصي IT والمنتظر مني اني اكتب سيفي يعزز تخصصي، لكن المشكلة اني أكره البرمجة واعشق الأطفال، وادري ان مكاني الصحيح مع الطفل وتعليمه وسرد القصص والتفاعل معه، وليس موظفة IT تجتهد ذهنيًا وتبرمج وجالسة على مكتب، وطوال دراستي الجامعة كنت اتخيل نفسي مع الأطفال?
بعدما خلصنا كتابة cv قالت لي: عندي فكرة تفتح النفس وهي انك تشترين بلونات بعدد الأماكن اللي بتقدمين عليها وتربطين السيفي عليها، ليش ياغيداء?؟ عشان انتي هدية ثمينة لهذا المكان! انتي تقدمين لهم السيفي حقك كهدية، له له له ياغيداء!??♀️ قالت بتعجبهم الفكرة لاتخافين،قلت توكلنا على الله
والحمدلله جتني مقابلات وتعلمت منها طبعاً، نخش بموضوع المقابلات? ودي اسأل مسؤولات التوظيف وش قصتكم مع:"تحدثي عن نفسك عزيزتي"؟ بحياتي ماسمعت إجابة لهالسؤال محبب سماعها، سؤال مبتذل جداً، وش تعني مبتذل؟ أي: فقد طعمه من كثرة الاستعمال،حاولي تشغلين مخك وتبتكرين سؤال أجمل من هذا أرجوك
اتذكر كنا نسولف أنا وزميلتي عن هالسؤال القبيح قالت انا سألوني سؤال اردى من هذا وماله أي علاقة بتخصصي، سألتني: لو تجيك طالبة تقولك يااستاذة انا اعشق ولد جيراننا وبس افكر فيه??? كيف تتصرفين معها?؟
تقول قلت بقلبي: بقولها اكتبي له بورقة "أحبك" وارسليها مع اخته لأن الحياة أقصر من دفن مشاعرك ياطالبتي? رديت عليها: بخليها تروح للمرشدة، انا تخصصي لغة عربية وليس مرشدة طلابية الله يسعدك? المسؤولة مااعجبها الرد الصادق هذا وأنهت المقابلة فوراً?.
خلونا من الأسئلة العجيبة الغريبة، كلنا نعرف انهم عادةً يقيمون ثقتك بنفسك وحماستك وقدرتك على الرد بثقة، مب ينتظرون منك أجوبة نموذجية? طيب عندي رسالة ودي أوصلها لكل مسؤولة توظيف: انطباعك عني يهمني كثير ويطورني، أتمنى اي مقابلة اطلع منها يرسلون لي انطباعهم عني والعيوب والملاحظات
، اعتقد هالشي جداً يطور الشخص ويخليه يفتح عيونه زين على العيوب ويحسّنها، مااظن هالشي "يتعّب" مسؤولة التوظيف، احتاج نقد صريح وملاحظات سريعة مب آخذه من من وقتك ٣ دقايق، تخيلي لو هذي تعطيك رأيها وهذي وهذي وهذي.. بتتحسن شخصيتك وأداءك أكيد، للأسف الغالب مايعطوني أي انطباع? هذا مثال:
بالنهاية الله يرزق كل شخص العمل اللي يناسب شخصيته ويستانس عليه ويستحمل عيوبه وضغوطه??والعقبى لافتتاح روضتي الخاصة -ان شاء الله- اللي أؤسس فيها القوانين اللي أحبها وبيئة وتصميم على مزاجي، والله يوفقنا جميعاً وطاب يومكم?️.
جاري تحميل الاقتراحات...