الهيئة الهندسية بتشرف علي مشروعات بعشرات و يمكن مئات المليارات و مئات المهندسين بيتعاملوا مع مئات المقاولين و خمسة مليون عامل وفق كلام المتحدث العسكري
و زي ما في مقاولين بتعمل ملايين من الشغل دا, في ناس تانية بيتخرب بيتهم حرفياً
و زي ما في مقاولين بتعمل ملايين من الشغل دا, في ناس تانية بيتخرب بيتهم حرفياً
لانه شغل شأن اي شغل لو فرضنا سلامة النية و الضمير عند الطرفين, فظابط الهيئة عاوز يقلل المصروفات قدر الامكان و في نفس الوقت يؤدي المهمة الموكلة له
و المقاول عاوز يكسب اكبر قدر ممكن, امر طبيعي و شد و جذب مفهوم و صحي كمان, المشكلة فين بقي, ان القيادة فوق مابترحمش, و بالتالي اللي تحت مابيرحمش هو كمان
و بالتأكيد في ناس اتظلمت في الشغل, و ناس حسبتها غلط و محدش سمي عليها و شغلهم اتاخد لمقاولين تانيين علي حسابهم و اتخرب بيتهم
تفاصيل كتير و تحربة جديدة علي اغلب اطرافها و طبعاً محتاجة تصحيح و تصويب مستمر, مش عشان التجربة تستمر لانها ماينفعش تستمر, لكن عشان حرام نفرم ناس كان ممكن تجنب ظلمهم!
المشكلة فين بقي.... ان اسوأ نموذج هو اللي طلع للناس, المقاول الطماع اللي عمل ملايين و هرب و قلبها سياسة و اتركب من الاخوان و مراكبيهم, بدل ما تبقي الحكاية تصحيح مسار و ارجاع حقوق لصحابها, بقت شرارة ثورة تشيل ما تخلي!
بدل ما يبقي غلط ندرسه و نفهمه عشان يتصلح, بقت معركة صفرية.... و بقي حتي اللي عنده كلمتين لازمين لتصحيح المسار بيسكت خوفاً من استغلال كلامه!
اتمني الدولة تكون اوعي من الكل و ماتنساقش للخناقة الصفرية دي, و نراحع نفسنا و نشوف المقاولين و مستحقاتهم و دورة العمل و الفلوس و نشوف الخلل فين....
و الموضوع دا زي غيره من المواضيع, بيقول بوضوح ان وجود الاخوان في الحياة عموما غلط, اختطاف المعارضة بالشكل دا غلط و خطر, محتاجين معارضة يا جدعان!!!
جاري تحميل الاقتراحات...