من ضمن التبرعات اشتريت بالأمس قرطاسية كاملة لعائلة أعرفها من زمان فـ ما سألوني وأنا ما استفسرت .. شريت لأن كنت متأكد انهم بحاجتها "ويشهد الله إن سبب القصة مو ذكر خير أو تفاخر ومراءاة" ...
اليوم بعد صلاة الجمعة اتصلت على الأخ الكبير فيهم "عمره 14" فـ قلت له راح أمر عليكم معاي أغراض للعيال .. اللي نايم منهم خله يقعد .. كنت حاب أشوف فرحتهم لما نفتح الأغراض ونتفحها ....
لما شريت الأغراض أمس كان فيه شنطة يقول عنها البائع اسمها فورتنايت .. إذا حبيت الولد يطير من الفرح دوّرها .. طبعًا ما كانت عنده لأنها تخلص بسرعة فـ قعدت ساعتين من محل لمحل إلى أن لقيتها وكان سعرها غالي للأمانة .. ما أعرف بسبب جودتها أو استغلال زيادة الطلب عليها ....
المهم وصلت البيت والعيال كلهم بـ "مقلط" صغير عند الباب وسلموا علي بحرارة ويشوفون الأكياس كثيرة بإيدي .. الفرحة وكل واحد منهمك يفتح أغراضه ويتفحصهم شّقت السقف ووصلت إلى سابع سما .. كانت سعادتهم لا توصف .... قلت انتظروني دقايق أوصل السيارة وأرجع ............
هنا نزلت بشناط "الفورتنايت" وكان على كل وحدة صورة مختلفة عن الثانية .. ما عمري رأيت ولا راح أشوف بعمري كله فرحة مثل فرحتهم هذي .. من ضمنهم طفل هذي ثاني سنة له .. جلس حاضن خصري لستين ثانية تقريبًا وماكنت فاهم ولا عارف هل يبكي أو يعبّر عن امتنانه .. الحضن هذا ............
اللي يتابعون يعرفون ظروف كثيرة عني .. ما بكيت حتى على موتى أقرب لي من قلبي ذات نفسه .. شديد نوعا ما "أو هكذا أحب أشوف نفسي" ..
وبلا خجل منكم الطفل هذا وحضنه خلاني أبكي بالسيارة بطريقة ما كنت أتخيل اني ممكن بيوم أوصلها أو أسويها .. بكيت كثير ..... الخلاصة
وبلا خجل منكم الطفل هذا وحضنه خلاني أبكي بالسيارة بطريقة ما كنت أتخيل اني ممكن بيوم أوصلها أو أسويها .. بكيت كثير ..... الخلاصة
خلك من الدين .. العادات .. أشغال حياتك
"اقطع" حتة من عمرك خلها لغيرك .. للي أقل حظ منك بهالحياة
ساعده يقوم ويمشي "ولو كان ببطئ" بس خله يوصل
ما تدري .. يمكن هالإنسان يكون "جبل" لأهله يستندون عليه كلهم
أرجوكم حاولوا .. بس حاولوا
"اقطع" حتة من عمرك خلها لغيرك .. للي أقل حظ منك بهالحياة
ساعده يقوم ويمشي "ولو كان ببطئ" بس خله يوصل
ما تدري .. يمكن هالإنسان يكون "جبل" لأهله يستندون عليه كلهم
أرجوكم حاولوا .. بس حاولوا
جاري تحميل الاقتراحات...