تفاصيل التجربة بالتغريدات القادمة
من هنا كانت البداية بعد شهرين من عملنا على هذا التطبيق ونهاية المسابقة وعرض المشاريع والخ ، كانت لحظات رهيبة على بساطتها لكن بالنسبة لي على الاقل كانت نقلة نوعية وخلف هالتطبيق البسيط عمل كثير طور مني بالبرمجة ووسع مداركي بهالمجال وبديت استوعب اكثر
بعد كذا حطيت لي هدف اني اكمل من هالإنطلاقة البسيطة واستمر .. ومع نهاية الدوامات وتخرجي وبعد ماخلصت من التحصيلي وحوسته .. اخذت بريك وبعد العيد كنت ناوي اتوظف ولكن فجاءة مسكت معي اتدرب بهالمجال واطور من نفسي بدال وظيفة ماراح تضيف اي شي الا مدخول مادي ، قدمت على كذا شركة
ولافيه اي رد ، بديت اسال عن افضل مكان لتدريب ال IT وقالوا لي المستشفيات بحكم ان غالبا عندهم سيرفرات وأنظمة والخ..، يعني شغل حقيقي للقسم .. بديت اقدم ووقتها كنت اتمنى اني اتدرب بمستشفى الملك سلمان خصوصا بوجود المهندس طارق لاني سبق وان التقيت به بمؤتمر
قدمت هنا وهناك ، مستشفيات حكومية وخاصة وغيرها ، وكلمت المهندس طارق وتفاعل معي على تويتر وعلى اساس بيكلم مدير التدريب عندهم ويشوف الإمكانية ، وقتها جاني الرد من مستشفى خاص بالقبول وماتابعت الموضوع مع المهندس طارق لاني ماصدقت خبر القبول ، اتصل على مدير التدريب
واخذنا مايقارب ال ١٥ دقيقة بالحديث وكان كله بالجوال فقط ، وقال انتظر الرد هالاسبوع ، مر اسبوع ، اسبوعين ووقته كنت بروح للرياض فقلت خلني اسكت واذا رجعت اشوف الوضع عشان اقدر اروح بدون ما ارتبط معهم او او ، قبل إقلاع رحلة العودة واللي كانت بعد اسبوع وكم يوم من تقديمي
ارسلت ايميل لمدير التدريب استفسر عن الموضوع ، اخبرني انهم ماشين بالاجراءات وانتظر الرد باقرب وقت ، مر شهر بالضبط وارسلت ايميل اخر اسأل واخبرني ايضا بانهم يحاولون قدر المستطاع تدريبي بشكل نظامي ، صراحة بديت احس ان الموضوع طول ولكن ثقتي كانت كبيرة بمدير التدريب والحمد لله
ماخيب ظني ، بعد يومين ارسل ايميل وقال
وقته فرحت بشكل كبير وكان شعور رهيب ، ليلتها نمت بدري وقمت الصبح تكشخت وتوجهت للمستشفى ، بالضبط الساعة ١٠ كنت هناك ، اتصلت عليه وسألته وين اجيك وقال تعال عند الموارد البشرية .. دخلت وسالت رجل الامن اللي على الباب واشار لمكتبهم
وقته فرحت بشكل كبير وكان شعور رهيب ، ليلتها نمت بدري وقمت الصبح تكشخت وتوجهت للمستشفى ، بالضبط الساعة ١٠ كنت هناك ، اتصلت عليه وسألته وين اجيك وقال تعال عند الموارد البشرية .. دخلت وسالت رجل الامن اللي على الباب واشار لمكتبهم
طبعا ليلتها كنت ادور بحسابات المستشفى عشان اعرف اكثر وشفت فيديو له فعرفت وجهه فعلطول لما جيت عرفته ، دخلني على مديرة قسم الموارد البشرية ، وقعت العقد وهنا كانت اول صدمة خفيفة كان المسمى الوظيفي "مبرمج حاسب آلي " واللي يعكس لك الحقبة الزمنية "التقنية " اللي هم عايشينها
وقعت العقد البسيط جدا بدون اي مقابلة او غيره وطبعا قلت بنفسي المسمى مو فارق اهم شي الشغل ، وهنا قبل اكمل ودي اتكلم عن نقطة ، تاريخ ٢١-٧ اعلن مستشفى الملك سلمان استخدامهم لتقنية البلوكتشين وحضور نائب الامير والخ ، وقتها لا اخفيكم اني ندمت عشاني ما تابعت معهم ومن بكرا كانت مقابلتي
عموما بعد التوقيع ، طلعت مع مدير التدريب للقسم واول ماوقفنا على باب القسم كان الدخول فقط ببصمة او رقم سري ، انا هنا كنت متوقع داخل القسم سيرفر روم او شي زي الصور .. الصدمة الثانية كانت لحظة انتظارنا على الباب قال مدير التدريب طبعا موظفين القسم "٢ فقط" وكان واحد موظف والاخر مديره
اول مافُتح الباب كانت مكاتب عادية وهنا كانت تقريبا الصدمة الثالثة حتى قال مدير التدريب تعال من هنا ، لحظتها رجع لي الامل وقلت يمكن مكاتبهم داخل وفيه شي كويس .. مشيت خلفه وهنا كانت القشة التي قصمت ظهر البعير ماهي بس صدمة ، كان مدير القسم قاعد بوسط الارشيف بمكتب بدائي
يكسوه الغبار وكراسي باهتة رديئة النوع ، عرفني عليهم وخرج ، وكان هناك فني من خارج المستشفى لتوصيل خط شبكة جديد ولكم ان تتخيلوا انه سالني عن اخباري فقط ثم قال "روح وراه كدا شوف ازاي يأرج الاسلاك " .. دخلت معه وبداخلي كل مشاعر الحسرة والغبنة والحقد والقهر ، دخلنا غرفة بلا تكييف
حاست كشخة اول يوم ? ، وبدا يشتغل وانا ماني فاهم اي شي بلا مبالغة وداخلي كنت حاقد على المدير بشكل لايوصف وكل تفكيري عنه ، مرت تقريبا ٧-٥ دقائق حسيت انه سنين من الغبنة والحر ، وقال خلاص كذا خلصنا خرجت بسرعه ادور اي وسيلة تكييف والمدير مدري وينه ، دورت عليه مالقيته
جلست انتظره مايفوق ال ١٥ دقيقة وبعدها جاء حضرته ، تكلم معي عن عملهم ووو ، سالني عن دراستي ووش اعرف وغيره ، وهنا كانت الصدمة الرابعة لما قال "احنا شغلنا كدا زي الاسعاف بنروح نحل المشكلة ونرجع مكاننا تاني " ضحكت وبداخلي قاعد اصيح ، وصدمتي الخامسة كانت لما قال النظام جاهز
ومو احنا اللي سويناه وماعندنا السورس كود او اي شي والدعم الفني بجدة لو احتجنا شي نكلمه .. فقلت وش تسوون ؟ وقال سالفته الخايسة اللي قبل شوي ، قال لي انه عندهم شاشة مو شغالة وصلحها "يقال له اول مهمة يعني ?" عموما استاذنت وقلت ببدا دوامي من بكرا ، طبعا بما اني ما استلم شي منهم
فكنت اداوم ٤ ساعات فقط واخترت الفترة المسائية ٤:٣٠ - ٨:٣٠ عشان اشبع نوم ، عموما جيت ثاني يوم على الوقت ولا فيه احد بالمكتب .. انتظرت ١٥ - ٢٠ دقيقة وجاء المسوؤل عن تدريبي واللي هو الموظف مو المدير ، وراني شاشتهم والمشكلة وو ، كانت مشكلة تافهه جدا وتقريبا ساعتين وانتهت المشكلة
وقال "اه ما انا عارف ايه المشكلة بس ماكنتش فاضي " عموما خلصنا الموضوع وتقريبا الدوام على نهايته ، قعد معي وتكلم وووو وشرح لي وش عندهم ووش ماعندهم وانتهى الدوام ، جيت من بكرا وقال بنسلم الشاشات لقسم التسويق وابيك تشرح لهم كيف يشغلونها ، هي شاشات ذكية "تشتغل على نظام اندرويد "
نزلنا وكانت موظفة سعودية ، شرحت له كل شي وسلمتها الريموتات ? ، ورجعت القسم اطقطق بالجوال .. قعدت بعدها ب ٣ ايام كل يوم تسال عن شي بالشاشة واعلمها واروح .. وكنت افرح اذا طلبتني لاني كنت قاعد بدون اي فائدة .. عموما مرت اسبوعين كل يوم بمكتب جديد بحكم ان ماعندي اي مكتب
وتقريبا باول الايام طلبت منه اشوف السيرفر روم واعرف تخطيط الشبكة وقلت له ودي اشتغل عليها ونرفع الامان وكذا ، و نزلنا للسيرفر روم ، كانت غرفة فيها سيرفر واحد وعنده موظفة السنترال وجنبه اجهزة مفقعة وحوسة ? وراني شوي وطلعنا وشفت الباك اب سيرفر اللي كان مفتوح بدون اي قفل او احد حوله
ابدا ماهو اللي توقعته لكن الجانب الإيجابي انه عطاني وجه ووراني كل شي وكان شوي ويرسم مخطط الشبكة لي بعدين قال اصبر خل نحدد مهامك عشان ماينفع اعطيك "اسرار الشركة " ومن هنا بدا الوضع يصير زبالة ، بعد كذا المدير العام كان طالب مننا شغلة تخص الشبكة وجبت له الحل وعلى اساس بنشتغل عليها
واول ماطلبت بعض الباسوردات وغيره الخاصة بالشبكة وامور داخلية ، قال بصلي واجيك قلت تمام .. خلص صلاة وقال شوي واجيك وانتهى اليوم وهو منشغل ويعيط ونظام مصاريه ، جاء باخر الدوام وكلمته وقال انا صعب اعطيك عشان هذي اسرار مكان وكذا وانت متدرب بس خل نشوف مهامك اول وابشر الحين بنأجلها
جلست انتظر هالمهام تتحدد لمدة اسبوعين وكل اللي كنت اسويه اشياء بايخه وسخيفة نفس "تأريج الاسلاك " واللي كنت اعاني منه بحكم انه اي شي يخص الهاردوير او يدوي انا سيء فيه وسبق قلت لهم ابعدوني عنه ومسكوني السوفتوير ولكن تنفخ بقربة مشقوقة ، ٣ ساعات ويالله خلصت سلك واحد ونصه هو ضبطه
عموما بحكم اني اشتغلت مع التسويق قبل وكانت الموظفة رهييبة جدا وفاهمة وهي الوحيدة اللي اعطتني وجه خصوصا بالبدايات فقلت بشتغل معهم على تحليل البيانات والخ ، منها اطور نفسي ومنها هي الاقرب لمجال تخصصي ومايكون المصري على راسي ويشغلني باسرار الشركة عموما جيته وقلت له حدد مهامي وفكنا
فجلسنا وكانت المهام على النحو التالي :
- صيانة اعطال الحاسب
- الدعم الفني
قلت له الا غيره وش عندك ؟ هذي اي واحد يقدر يسويه لانه تافهه واقدر امسكه لحالي لو تبي .. قلت بما ان ماعندنا نظام خل اشتغل على الشبكات وقال لا اسرار العمل وحالة ، قلت خل الموظف الثاني يشرف علي ووافق
- صيانة اعطال الحاسب
- الدعم الفني
قلت له الا غيره وش عندك ؟ هذي اي واحد يقدر يسويه لانه تافهه واقدر امسكه لحالي لو تبي .. قلت بما ان ماعندنا نظام خل اشتغل على الشبكات وقال لا اسرار العمل وحالة ، قلت خل الموظف الثاني يشرف علي ووافق
عموما كل هذي ماكانت تهمني لان حتى الشبكات متوقع انه ماراح يعطيني وجه بس تسليك وهذا اللي صار والدعم الفني تافه ، قلت له ابي اشتغل مع التسويق على البيانات وتحليلها ، هنا شوي ويوقف قلبه ويصارخ شلون اعطيك بيانات المرضى لا ماينفع وروح شركات تدريب مو عندي الجلسة هذيك كنت بتركهم الا شوي
شاف اني انفعلت والاصوات بدت تزيد حدتها ، لطف الجو شوي وقلت خلاص انا اجيب بيانات من برا المستشفى واللي تكون موجودة على السوشل ميديا او غيره بس حطها لي ، وافق وارسل المهام لمدير التدريب .. كملت شغل عادي ومافيه اي شي جديد وبديت ارسم خطتي مع التسويق وافكاري ، مرت الايام
وقبل العيد باسبوع طاحت الشبكة بسبب الى الان ماعرفه وللاسف ما اقدر اذكر لكم التفاصيل اللي واضحه لي برضوه ، عموما هذيك كانت اول مره اطلع لمشكلة عشان احلها ونزلت للموافقات والنت عندها طافي جربت حلول بدائية زي فصلت السلك وشبكته واشتغل ورحت ، ربع ساعة ودقت ونفس المشكلة
جلست احاول وانا ماني مستوعب اي شي عشان اقدر احل المشكلة خصوصا اني مو فاهم شي عن شبكتنا ، جاء وكنت مزهرية جنبه وبرضوه مفعل مود مصاريه مايبي يعلمك ومسوي مشغول وحالته حاله .. حل المشكلة لهم بطريقة بسيطة بس بما انه ماكان معي اي بيانات او صلاحيات ماكنت اقدر اسويها
صارت مشكلة بالطابعة عند نفس القسم وكنت احتاج يوزر الادمن عشان اصلحها وبينما هو منشغل ومنفس ، قلت عطني قال خلاص انا اسويها .. قلت ياخوي هاته تراني معكم بالقسم وفيه عقد معكم وهالكلمة خلته يزعل وسمعته يتكلم ومشيت وخليته .. عموما جاء القسم بدون مايتكلم وقبل يطلع قال
انا ماعنديش مشكلة اديك بس كلم المدير واخذت معه بالكلام لين زعل وماصار يكلمني والمفترض انه يدربني ???♂️ .. وهنا كانت نقطة تحول بتدريبي فبما انه زعلان ولافيه احد بيدربني لازم ابادر بنفسي ، عموما مرت الايام وكنا متحاشرين على نفس الطاولة بدون مانكلم بعض او يعطيني اي مهام
وكل اللي اسويه اني جالس اشتغل على خطتي مع التسويق ، اخذ اجازة والى الان مارجع وهذا كان اجمل شي ، بعد ماراح صرت انا اللي ماسك القسم بما ان مديرنا اصلا مدير على ٤ اقسام واخر همه قسمنا الضايع ، مسكت امور الدعم الفني كامله من الى وبنفس الوقت مهتم بخطة التسويق ، وقبل العيد
طلبت كل البيانات اللي احتاجها بعد ماكملت خطتي عشان اقدر اشتغل عليها ، ورجعنا بعد إجازة العيد واستمريت وانا ماسك القسم لحالي واصلح بهالاجهزة المفقعة واحاول امشي الشغل على قد إمكانياتنا المعدومة فكنت اصادف اجهزة ماتشغل نتفليكس باقسام احتياج عالي والمدير يرفض بحجة يكفيهم جهاز واحد
فعادي جدا تحصل اجهزة عندنا ٩٧٥ رام او ١ جيجا ، تفاصيل كثيره ماودي اتعمق فيها بدون اي فائدة لكم ، عموما وبما انه الشغل كله علي بديت انعرف بالمستشفى واكون علاقات اكثر وافهم واعرف وش قاعد يصير داخل المستشفى وللاسف ما اقدر اذكر اي تفاصيل من هالناحية ، انعرفت لدرجة حتى المدير الاداري
عرفني وانا اصلا ما اداوم معه بنفس الوقت ، كانت ميزتي الوحيدة عن اللي طلع إجازة اني عادي اجي احل مشكلتي وانا اسولف واضحك معك واعطيك اللي صاير فعلا بدون اي تصريفات بينما حبيبنا دايم مفعل مود النفسيه ويعيط ، على كُل اكتشفت بعدين ان موظفة التسويق مو لحالها ومعها مديرة بس كانت اجازة
وتقريبا بنصف الاسبوع قبل الاخير كلمته عن البيانات اللي طلبتها وصدمتني وقالت "كلم المدير العام يعطيك انا ما اقدر " طبعا فصلت عليه وقلت وش دورك كمديرة قسم ووو المهم قالت ابد كلمه واذا وافق لك اللي تبي ، قريت ولارديت وهنا ما ادري وش اسوي ، الحاجة الوحيدة اللي قاعد عشانها
ماراح اقدر اسويها وبيكون تدريبي بدون اي فائدة .. كان معي اسبوع ونص افكر بشي ممكن يفيدني ، طبعا ببداية التدريب كانت موظفة التسويق الرهيبة تقول لي يامعاذ روح المدير الاداري واشرح له اللي عندك صدقني كويس وو بدال هالمرمطة وانا احس الوضع غبي يعني ماينفع وو ، المهم مارحت
وكملت على وضعي ، عموما لما قابلته وعرفني طلب مني اشيك جهازه ان به ثقل وو ، خلصت موضوعه وكان معه رقمي وطلب امور ثانية وتفاصيل مالكم به ، وبما ان اصبحت بيننا معرفة ، قررت اسوي خطة لتطوير القسم واعرضها عليه لانه كان المدير اللي الكل يتمنى يشتغل تحت إدارته ، وبأسبوع ونص
غيرت كل شي ببالي وسويت خطط جديد وحدة لتطوير القسم ووحدة لتطوير قسم التسويق باستخدام البيانات ، تفاصيل كثيرة وما اقدر اشاركها ولكن كنت بالداوم اخلص امور الدعم الفني وبالبيت اشتغل على مشاريعي ، ارسلت ايميل له بالخطة وايميل لموظفة التسويق ، حددت مواعيد معهم باخر يوم واجتمعت بكل واحد
منهم وعرضت كل شي عندي لهم وقعدت فترة ماتقارب ال ٣ ساعات بين هالاجتماعين وتمنيت لو سمعت كلامها وجيته من قبل ، مدير الكل يتمنى يشتغل تحت ادارته ، العمل معه ممتع وشيق .. الاجتماع كنا نقعد بالساعات بدون مانحس ، اتمنى لو اقدر امنشنه وامدح فيه بالف تغريدة ولكن ما ودي يشوف حسابي
داومت يوم اضافي وكملت اجتماع اخر معه وانهيت كل شي ، عرض علي الاستمرار ولكن صراحة صعب استمر بعقد رسمي خصوصا مع ضغط دوامي ، ولكن مع ذلك بإذن الله بيكون فيه تعاون معهم متى ماصار عندي إمكانية عشان نمشي بهالخطة ونطور اكثر ، خطة التسويق لاقت استحسان الموظفة والافكار اللي كنت بطبقها
اعجبتها وسالت عن تفاصيلها ، طبعا من بكرا جت مديرتها تسالني عن بعض التفاصيل عشان برضوه تبطق نفس الخطط اللي هي كانت سبب انها تخليها تفشل بالبداية ، صح انها شهر و٩ ايام الا انها كانت مليانة احداث ونقاط تحول ، تمنيت لو رحت للمدير الاداري من البداية ، ولكن الحمد لله بالنهاية
قدرت اطلع بشي انا استفدت منه ، حتى لو ماقدرت اطبقه على ارض الواقع وانفذه انا ، واثق انهم بيكملون فيه من بعدي بإذن الله ، حطيت ثقتي باثنين وعرضت كل شي عندي عليهم وكانوا قد الثقة ، طبعا كل اللي ذكرته هو شي بسيط جدا من هالتجربة الثرية والممتعة ، تفاصيل كثيرة ماذكرتها
عشان ماينفع ابدا تطلع هنا ، تعلمت بهالتجربة ان السعودي مهما كان زبالة يبقى غالبا افضل من الاجنبي .. تكاتف السعوديين شي رهيب صراحة وكان واضح بيننا بشكل كبير ، البيئة السيئة ماتعني انك ماتقدر تطور ، المهم مع مين تشتغل وبمين تثق .. المستشفى كان تقريبا اسوأ بيئة ممكن تشوفه بحياتك
ولكن فيه اسماء دامهم موجودين بإذن الله ماعلى المستشفى خوف ، العمل معهم كان متعة وشرف لي ، ودي امنشنهم واحد واحد ولكن برضوه ما ابي .. تفاصيل كثيرة ونقاط تعمدت اتركها حفاظا على سرية المعلومات ، حاولت اكتب الشي اللي ممكن يفيدك كقارئ سوا لك بالتقنية او لا وبطريقة ممتعة
اعتذر لو خلطت بين العربي الفصيح ولهجتنا واعتذر اذا كان فيه اخطأ املائية ، او كان التسلسل غبي او شي ماهو واضح ، بالنسبة لي كانت تجربة جميلة بما تحمله من سوء تعرفت على ناس اتشرف فيهم والشغل معهم متعة ، دائما كانوا معي ويساندوني باي شي احتاجه ، التكاتف بين السعوديين شي يُدرس
اعتذذذذر جدا لو اطلت او نسيت شي او او .. واعتقد ان اللي قالوا لي اكتب متحسفين الحين ??♂️? .. اتمنى تستمعون بالقراءة واي استفسار بالخدمة ?♥️
- انتهت
- انتهت
@Rattibha
رتبها
رتبها
جاري تحميل الاقتراحات...