سبق وتحدثت طوال السنوات ان اجهزة الاندرويد مع الزمن من الاستخدام تصبح اضعف ككفاءة بسبب نظام ال #اندرويد علماً ان الجهاز فيه التطبيقات الأساسية + كم تطبيق للعمل ومزامن معه الكليندر وغيرها من الأمور العامة والأساسية اللي يستخدمها الفرد بكل هاتف ذكي ..
عند التشييك على التطبيقات بما اني شريك في @tellersksa وجعل الشاشة مفتوحة درماً ترتفع درجة حرارة الجهاز ويتعطل الهاردوير ( كالكاميرا ) وامور اخرى تتعطل بسبب حرارة الجهاز المرتفعه علماً اني ماوصلته بالشاحن فقط خليت الشاشة مفتوحة بدون استخدام لفترة طويلة ..
التطبيقات اللي استخدمها عال #ايفون حصلتها عالاندرويد كـ UI/UX مختلفة واغلبها اسوء وتجربة الاستخدام فيها تحدك عالخطأ هذا غير الـ GMAIL اللي مايستحمل ايميل فيه 100 رد وتعيش صراع للرد عالآيميل من الكراشات بما ان النظام مايرتب وضعه بالباك اند ويفرق بين الداون لود والاب لود.
حدثني عن البطارية ( ذا تكلمنا عن توافق الهاردوير والسوفت وير ) مثلاً بطاريتي ١٣٪ اذا وصلتها بالشاحن تصير النسبة ١٧٪ ! هذا غير ان الجهاز مايجلس معي بالكثير ٤ ساعات اذا انا شغال عليه وفاتح الشاشة وهذا غير درجة الحرارة اللي تزيد بشكل غريب واكرر استخدم التطبيقات الافتراضية مابربست.
نجي لمعاناة الكيبورد واللي هو فرق شاسع في الاستخدام، فعلياً ماقد كتبت شي خالي من الاخطاء علماً ان يدي صغيرة ومنطقية لكن حركة ظهور الكيبورد عند كل حقل عشوائية، هذا غير نوع الخط كحجم ماهو متناسق ومختلف من تطبيق الى تطبيق فعينك بصرياً تدخل من احجام الى احجام لين تصير حول !
حدثني عن الاب ستور اذا تركت جهازي يومين ماشغلته، تصدقون ماتقدر تثبت تطبيق جديد حتى يتم تحديث كافة التطبيقات والاشعارات ! نرجعرلنفس نقطة ان النظام مايفرق بين الداون لود والاب لود واعذر الشركات اذا جعلت اجهزتها كمواصفات مليئه بالارقام عشان تخفي هاللخبطه والتعليقات الغريبة !
معاناة الملتي تاسكنق والتنقل بين التطبيقات اللي اغلبها تعليق بمعنى اذا بتروح من تطبيق الى تطبيق ياان الانتقال يقطع او اذا دخلت التطبيق الثاني يكون محمد ثم يستوعب انك بداخله ( اتكلم عن اجزاء من الثانية ) وهذا الامر ماعمري شفته عال #ايفون وسبق وصورته سلو موشن ..
عشوائية الكتابة بين العربية والانجليزية والرموز واسوء شيء في التاريخ اني اسجل حساب جديد بأي خدمة من الخدمات بسبب الكيبورد اللي تضغط NEXT يوديك لمكان ماتشوف الحقل اللي قاعد اكتب فيه تفاصيلك ولازم تعدلها بأصبعك وتدخل فلم وهذا اللي يخلي تصفح الانترنت مهمة شاقه جداً ? ?
لنفترض مثلاً بتغير شي باعدادات النظام، بتدخل في دهاليز الحشو اللي ماتخلص عشان توصل للشي اللي تبي تعدله وتعيش افلام بين اعدادات النظام الاساسية واعدادات الشركة صاحبة الجهاز بخصائصها وتدخل في امور موب وقتها اللحين ومنت فاضي لها ..
حدثني عن الكاميرا، تفتح التطبيق تضغط تصوير يعلق اجزاء من الثانية تظهر لك صورة ميب نفس اللي شفتها بالشاشة بسبب معالجة الصورة المبالغ فيه من الشركة صاحبة الجهاز وروح عدلها بتطبيقات تعديل الصور تحس انها ماتحتاج تعديل فبالتالي تقفل التطبيق وتقول موب لازم !
نجي لجوجل ماب وبعض التطبيقات الاخرى اللي تستخدم نظام بيكتشر اند بيكتشر لتصغير الشاشة، ليه العشوائية ؟! مضيعة الوقت ؟! ماابيها فخلوها زيها زي غيرها اذا طلعت من التطبيق برجعة من تعدد المهام وخلصنا ..
طبعاً انقسام الشاشة ماعمري استخدمته، الوصول السريع للتطبيقات ..الخ كل هالحشو في اجزاء من الثانية ماتقدر او منت فاضي تفكر تفك دهاليزه عشان توصل للي تبي فبالتالي تستخدم الامر المنطقي التقليدي والطبيعي للوصول للشي اللي تبيه ..
شي ثاني هل نستخدم خدمات جهاز الشركة ام خدمات جوجل ؟! هل احفظ الارقام هنا ولا هناك ولا هناك ..الخ وهذا الامر بالكليندر كذلك، من كثرة الخيارات والحشو لازم توقف تفكر في هذي الدهاليز عشان تتخذ قرار ..
حتى الكنترول سينتر ( الاختصارات ) كثيره مرررررررررررررررررررررررررررررررررررررررررره مرررررررررررررررررررررررررررررررررررررررررره اروح للتطبيق اسرع لأن عشوائية التصميم وبما انها ايقونات احاديه اللون لو انك بومه ماراح تقدر تفتح جهازك وتلقائياً تشغل الكشاف !
حدثني عن ال #يوتيوب ومعاناة العمل على الخلفية والحل بالغالب بكتشر اند بكتشر لازم تشوف الشاشة قدامك، حدثني عن تحميل الميديا من التواصل الاجتماعي، حدثني عن مشاركة اي شي تطلع لك خيارات كثيره مررررررررررررررررررررررررررررررررررره مررررررررررررررررررررررررررررررررررره
حدثني عن الاشعارات وطريقة عرضها + كيف اذا فتحت جهازك وهو اصلاً متصل عالنت تحس انه كان معمى عليه فجأة القائمة العلوية فيها مصارعة من ايقونات التطبيقات اللي تتكاثر لتنبيهك انه فيه شي جديد ياخي حوسه وعشوائية ومشوار تشيك من خلالها وتحتاج تركيز ? ? ?
حدثني عن بكسبي تبع #سامسونج اللي فارضته فرض عليك حتى بهذي ماتدري تعتمد على بحث النظام الأساسي او تبع الشركة المصنعة للجهاز، ياخي مدري ملاحظ اني بكل تغريدة اعطيك خيارات كثير، هل المستخدم العادي فاضي لها ؟!
الويدجت تحمست اول ماشريت الجهاز ثم اصبحت قلق قدام وجهي دايم، كنت مستغرب تصرف #ابل سابقاً لكن الان حبيته لأن فعلياً مكانها بأنها ميب قدام وجهك افضل ويخلي لها قيمة اذا احتجتها خصوصاً انك تقدر تستخدمها بدون التوجه لها عن طريق المشاركة ..
اول ماكنت مركز مع هالامور لكن عندنا افتتاح مشروعين وكل واحد اقرب من الثاني فبالتالي ركزت والوقت بالنسبة لي ثمين وكذلك نسبة الخطأ فعشان كذا كتبت الموضوع من باب الفضفضة والعلم بالشيء ..
قعدت افكر مع نفسي هالحشو والخيارات الكثيره اللي يعتبرها البعض ميزه ماشاء الله كم تستهلك من طاقة مخك ؟! هل الهاتف الذكي هو ذكي لأنه معقد او العكس، من اعتمدت الجهاز وانا بطيء ومليء بالاخطاء حتى صرت اتعيجز اسوي مهمة ولازم اكون مركز بالكامل لاني لازم افكر مع كل خطوة !
قبل الختام جهازي عليه التطبيقات الافتراضية وكم تطبيق يخص الشغل وكلها حليله يعني لا ترهق موارد الجهاز ولا غيره وولا سويت روت وولا بربست وحملت تطبيقات من برا الستوري ومحدث النظام لآخر تحديث وكافة التطبيقات ..
جاري تحميل الاقتراحات...