إزاي تتحكم في مشاعرك .. ؟
شوف الـ Thread ده
شوف الـ Thread ده
- الـ Thread ده هيكون عن تجربة شخصية ، طبعاً كلنا عندنا مشاكل متعلقة بمشاعرنا اللي بتودينا في داهية ، لأن طبعاً زي ما إحنا عارفين إن المشاعر ملناش سيطرة عليها ، و مش معني إنك متحكم في مشاعرك إنك مسيطر عليها ١٠٠٪ ، لأن مفيش إنسان في العالم قادر يعمل ده
- مشكلة المشاعر مش في فكرة التعلق و العلاقات بس ، لكن المشاعر هي المسيطرة علي أفكارك ، بمعني إن لو مشاعرك سلبية هتلاقي أفكارك سلبية ، لو مشاعرك إيجابية هتلاقي أفكارك إيجابية ، فإنك تتحكم في مشاعرك ده بيخليك تقدر تسيطر علي أفكارك
- إزاي نتحكم في مشاعرنا ؟
——
عشان نعرف إزاي نتحكم فيها ؟ لازم نعرف الأول العقل شغال ازاي ، كنا إتكلمنا في ثريد [ قوانين العقل الباطن ] عن إزاي العقل الباطن بيشتغل ، و إن كل اللي موجود في عقلك الباطن هو الحاجات اللي بتعملها بشكل لا إرادي
——
عشان نعرف إزاي نتحكم فيها ؟ لازم نعرف الأول العقل شغال ازاي ، كنا إتكلمنا في ثريد [ قوانين العقل الباطن ] عن إزاي العقل الباطن بيشتغل ، و إن كل اللي موجود في عقلك الباطن هو الحاجات اللي بتعملها بشكل لا إرادي
- مثلاً : لما تتعلم حاجة جديدة زي السواقة ، الوقت اللي بتتعلم فيه ده أنت بتكون في أعلي درجات تركيزك ، بالتالي عقلك الواعي هو اللي متحكم فيك ، إتعلمتها في شهر ، شهرين .. هنا السواقة بتتخزن في عقلك الباطن و بقت حاجة عادية بالنسبالك ، إلا لو حصل موقف غير معتاد عقلك الواعي بيشتغل فيه
- فـ أنت لما تدخل في علاقة و تلاقي الطرف التاني بيهتم بيك ، ده بيخلي الـ Default بتاع عقلك الباطن إنه يتعلق بالشخص ده و بالتالي هتحبه ، و كل ده هيكون غصب عنك لأن عقلك الباطن مش متبرمج علي حاجة ، هو علي الـ Default بتاعه لسه
- إنك تتحكم في مشاعرك نفس إنك تتعلم السواقة ، فعشان تتحكم في مشاعرك لازم عقلك الواعي هو اللي يكون شغال ، يعني لو أنت في علاقة و حد بيهتم بيك ، لازم تكون مركز ، تقول لنفسك لا أكيد مش بيحبني ، خلي بالك ، متتعلقش ، ابعد .. الخ ، هتخلي عقلك الواعي هو المتحكم لحد ما تتقن ده
- بالنسبالي الكلام ده خد سنتين لحد ما أتقنته ، لما عقلك الباطن يتعود علي ده هتلاقي الـ Default بتاعه في أي علاقة إنه يكون حذر ، يعني لو حد مهتم بيك ، هتلاقي نفسك علي طول حذر و تحس إن في صوت من جواك كل شوية يقولك إبعد يسطا ، أو بيفكرك بالخازوق اللي فات .. الخ
- المشاعر عموماً عاملة زي الزوحليقة ، هتفضل متحكم في نفسك لحد ما توصل لنقطة فيها و تفقد السيطرة علي نفسك ، هو ده اللي بيحصل لو سبت قلبك يتحكم فيك ، هتلاقي نفسك لا إرادياً وقعت ، لكن لو إتحكمت فيها و عقلك هو اللي مسيطر هتعرف أنت عايز ايه ، و إمتي تسيب نفسك
- التحكم في المشاعر مش معناه أبداً إنك تتجاهلها ، إوعي تتجاهل مشاعرك عشان هيجيلك وقت و تنفجر من كتر ما تجاهلتها و تراكمت عليك ، إعرف بس أنت نقطة ضعفك ايه ، في اللي نقطة ضعفه [ الإهتمام أو الشكل أو النظرات ، .. الخ ] و بعد ما تعرفها برمج عقلك الباطن عليها
- مثلاً أنت نقطة ضعفك النظرات ، لما حد يبصلك برمج عقلك الباطن إنه لا أكيد مش بيبصلي ، ده سرحان ، لا مش معجب .. الخ ، واحدة واحدة و موقف ورا التاني هتلاقي عقلك الباطن هو اللي بيعلن حالة الطورائ لما يحصل الموقف ده
- في فرق بين إنك تتحكم في مشاعرك و إنك تحرم نفسك منها ، إنك تتحكم فيها معناه إنك تدخل علاقات عادي براحتك لكن بتعمل اللي أنت عايزه فيها ، تعرف إمتي تنسحب و إمتي تكمل و إمتي تسكت و إمتي تتكلم و هكذا ، و ده اللي كلنا عايزينه
- أما إنك تحرم نفسك منها ده مش تحكم في المشاعر إطلاقاً ، أنت كدا لسه خايف و كمان هيسببلك حالة من تبلد المشاعر و هتحس إن قلبك حجر ، لا بتفرح و لا بتزعل ، و الحالة دي للأسف هتوصلها لما تتقن إنك تتحكم في مشاعرك لفترة طويلة بدون ما تطلعها لحد
- المشكلة عند أغلب الناس إنهم مش مقدرين قيمة مشاعرهم و بالتالي بيدوها لناس متستحقش ، و بعدين يرجعوا يزعلوا و للأسف ياريت بيتعلموا و يرجعوا يدوها تاني لناس متستحقش ، لحد ما بـ تتبلد المشاعر عندهم
- يمكن في الثريد ده ركزت أكتر عن العلاقات ، لكن التحكم في المشاعر تقدر تطبقه علي أي حاجة في حياتك عايز تتحكم فيها ، زي إنك تكون بارد و متتعصبش ، خصوصاً لو أنت عصبي الموضوع ده هيفرق معاك ، من الحاجات اللي هتفرق معاك في موضوع العصبية تمارين الإسترخاء و التنفس عود نفسك عليها
- في مشاعر غصب عنك متقدرش تتحكم فيها ، زي مثلاً إنك تحب أو تكره حد ، يعني هتلاقيك بتقول ده أنا بكره فلان ده لله في لله ، إكره أو حب زي ما أنت عايز لأن دي حاجة صعب تمنعها ١٠٠٪ زي ما قولنا ، لكن التحكم هنا في مشاعرك إنك تعدل و تفصل بين كرهك له و تعاملك معاه
- عشان كدا ربنا بيقول [ وَلَا يَجْرِمَنَّكُمْ شَنَآنُ قَوْمٍ عَلَىٰ أَلَّا تَعْدِلُوا ] = يعني متخليش كرهك لـ قوم [ شخص ] يخليك تظلمه أو تعامله وحش ، يمكن العواطف ملناش حكم عليها ، لكن أفعالنا لنا سيطرة كاملة عليها و هنا لازم تفصل بين العاطفة و الفعل
- من الحاجات المهمة اللي تخليك تقدر تسيطر علي مشاعرك إنك تشغل نفسك بحاجة أهم ، بمعني إن تخلي عندك أولويات ، يعني مثلاً الوقت ده مش مناسب ليا إني أرتبط أو أحب ، فأنت تشغل نفسك ناحية الأولوية و هي الشغل مثلاً وقتها هتلاقي إن مفيش وقت مشاعرك تفكرك انك لازم تحب
- فمش هيكون عندك فراغ عاطفي عايز تطلعه و يصعب عليك انك تتحكم في مشاعرك ، لما يجي الوقت المناسب إنك تعمل الحاجة دي [ إنك تحب ] ، هتعرف توجه مشاعرك لها و تتحكم فيها زي ما أنت عايز ، يعني الخلاصة انك ترتب أولوياتك عشان تساعدك في التحكم في مشاعرك و تعرف أنت عايز ايه
- من وجهة نظري إن الحب الحقيقي إنك تحب بعقلك قبل قلبك ، أحياناً القلب بيكون خادع يعني ممكن تتعلق و يبان إنك بتحب لكن مشاعرك دي كلها مش حقيقية و بعد فترة هتكتشف ده ، لكن إنك تحب بعقلك ده عشان أنت عايز تحب الشخص ده و تديله مشاعرك
- أخيراً : مفيش حد بيتولد و هو بيقدر يتحكم في مشاعره ، كل ما المواقف زادت في كل ما هتكون قادر إنك تتحكم في مشاعرك أكتر ، لأن كتر المواقف و الصدمات هيدي لعقلك ححج كتير يستخدمها في تبرير الخوف و الحذر ، الناس نوعين لما يتصدموا ، و النوعين بيقفلوا علي نفسهم بعد الصدمة
- في نوع بعد كدا بيفتح علي نفسه و يرمي نفسه في الدنيا تاني و ده اللي بيقدر يتحكم في مشاعره ، و نوع بيقفل علي نفسه أكتر و ده اللي بيحرم مشاعره و يكبتها .. المواقف هي معيار خبرتك و نضجك في الحياة ✅
- عقلك الباطن لما تبرمجه علي التحكم في المشاعر و حد يهتم بيك
=
عقلك الباطن : ولا ولا حاسب الخازوق يالا ?
=
عقلك الباطن : ولا ولا حاسب الخازوق يالا ?
- متنساش تعمل لايك لـ بيدج الفيسبوك : facebook.com
- لو عندك أي Feedback إبعته هنا : curiouscat.me
- - - -
⭕️ تقييمك للـ Thread ؟ ⭕️
- لو عندك أي Feedback إبعته هنا : curiouscat.me
- - - -
⭕️ تقييمك للـ Thread ؟ ⭕️
- عشان تقدر تحدد مشاعرك ، شوف الـ Thread ده
- لو إديت مشاعرك لحد غلط و حبيت من طرف واحد ، شوف الthread
- أما بقا لو عايز تتعافي و تـ Move On من الخوازيق ، شوف الـ Thread ده
- ليه بنختار غلط ؟ شوف الثريد ده
..
جاري تحميل الاقتراحات...