مورجان روبرتسون كتب رواية اسمها Futility بتحكي عن أضخم سفينة اتعملت في التاريخ،السفينة الغير قابلة للغرق،في أول رحلة ليها اتخبطت في جبل تلج في المحيط الأطلسي في إبريل،هتقولي بيتكلم عن تايتنك يعني هقولك صح بس الغريب إن الرواية ديه اتكتبت قبل غرق تيتانك ب14 سنة
الغريب إن الرواية فيها تفاصيل كتير زي الحقيقة بالظبط السفينة في الرواية كان اسمها تيتان مش تايتنك،السفينة برضو مكنش فيها قوارب نجاة كتير وأغلب الناس معرفتش تنجو،حتي غرقت في نفس الشهر،اللي خلي السلطات بعدها تتهم مورغان إن هو اللي رتب لغرق تيتانك بس كان تبريره إن كان مجرد تنبأ
في نظرية منتشرة ألا وهي إن تايتنك مكنتش مجرد غرق سفينة صدفة بل هي كانت جريمة قتل مترتبة كويس ومترتبة عشان تبان حادثة،وفي نظرية تانية بتقول إن السفينة غرقت بسبب لعنة الفراعنة، ف خلوني احكيلكوا القصة من أولها
سنة ١٩١٠ اجتمع سبعة رجال أعمال في جورجيا عشان ينشئوا بنك سموه النظام الاحتياطي الفيدرالي برئاسة جون بيربونت مورجان صاحب أكبر بنك في انجلترا حاليًا،المهم تلاتة منهم اعترض وهددوا بسحب أموالهم واستغلال نفوذهم عشان يوقفوا المشروع ده
بعدها بسنتين شركة وايت ستار لاين(بتاعة جون بيربونت) تبعت دعوة للتلاتة دول لتجربة أول سفينة غير قابلة للغرق وأضخم سفينة في العالم تايتنك،التلاتة راحوا عادي وماتوا في الحادثة بس الغريب إن قبل ما السفينة تتحرك بلحظات جون بيربونت قال إنه تعبان ومش هيقدر يحضر وقالهم يتحركوا من غيره
بعد الحادثة بسنة تم إنشاء النظام الفدرالي وبعدها بسنة كمان حصلت الحرب العالمية الأول و ديه كانت الخطة يعملوا البنك ده عشان يمول الحرب وكمان لإشعال الثورة الروسية،من الحاجات الغريبة كمان إن بعد غرق تايتنك بكام شهر لقوا كاتب الرواية مورجان روبرتسون مسموم في أوضة الفندق
الموضوع ليه علاقة بالماسونية وإن ده مخطط للسيطرة علي العالم بس مش هندخل في الموضوع ده،يُقال إن من ضمن الحاجات اللي علي السفينة مومياء لأميرة فرعونية،عاشت قبل الميلاد ب15 قرن،ودفنت فى الأقصر وفضلت هناك لحد ما تم اكتشافها وبيعها فى سنة 1890، وفي الأخر وصلت للمتحف البريطانى
أمين المتحف البريطاني كان بيقول إنه كان بيسمع صوت عياط جاي من الأوضة اللي الموميا فيها كمان أي حد كان بيحاول يمسح التراب من علي التابوت ابنه كان بيموت بالحصبة بعد 7 أيام ف كانوا عايزين يتخلصوا منها ف بعتوها لنيويورك وده عن طريق تايتنك بس موصلتش.
جاري تحميل الاقتراحات...