كلنا صارلنا موقف بدراستنا انا حصلي موقف خلاني اعيد حسابي ببعض الامور
كان عندي امتحان لماده بعد اسبوعين وكنت مقرره ان هاليوم ببدأ دراستها لانها مره دسمه وانا جالسه بالمحاضره شفت بنت تدرسها بجديه وكأن عندها امتحان ماعرف شلي خلاني اسألها وقالتلي ان الامتحان اليوم😳

وطلع ان الامتحان بعد اقل من نص ساعه😂
طبعا انا جلست افكر شسوي رحت دورت عالدكتوره ولقيت غيري٣بنات مادرسو وهي قالت لنا في امتحان بعد ساعه وفيه بعد ساعتين ونص اذا تبون هذا حدكم وماعطتنا مجال نناقشها😂😭
ماكان قدامي الا ساعتين ونص وورقي كان ناقص حق المنهج وانا ماعمري درستها

اخذت نسخ من المكتبه وجلست عالارض باحد الزوايا من زحمه الاماكن بالجامعه ولان ماعندي وقت حطيت الورق قدامي كان مايقارب ١٥٠ صفحه من قوة الخوف صرت اقرأ بكل تركيز بالرغم من الازعاج ماكنت اسمع الا صوتي وبالرغم الزحمه كنت ماشوف غير الورق
خلصت وبقت ٢٠ دقيقه وكل مامرت وحده دعتلي

دخلت الامتحان وجبت ١٥من٢٠
الشي الصادم ان في الامتحان الثاني درست قبلها باسبوعين وجبت ١٤من ٢٠
الي صارلي خلاني استوعب ان طول وقت الدراسه مايحكم قدرتك على الفهم الي يحكمك مدى جديتك وتركيزك وعدم تقطع افكارك
او ربما هرمون الخوف(الادرينالين)زاد القدره الاستيعابيه😄
حكوني ايش صارلكم؟