مصطلح أغرب من الخيال، إتعمل مخصوص عشان القصة دي..
في فيلم مشهور وبحبه جدًا أسمه Ghost Ship.. كان بيتكلم على شخص ما بيسافر على مجموعة سفن عشان يقتل الركاب بطرق مأساوية وبعدها ياخد أرواحهم.. كُل ما سفينة تاريخية تختفي في ظرف غامض أو تغرق، بيكون هو الوحيد دايمًا الناجي منها او أحد اللي تم إنقاذهم وبعدها يسافر على سفينة تانية وهكذا.
تعالى أعرفك على John Priest وإللي كانت شُغلته الوحيدة هو عامل حرق على غلايات أو أفران البخار. بمعنى انه كان احد العمال اللي بتحط الفحم في المحارق عشان يتولد بخار ونار ويدور المكن.. دي كانت شغلته هو و150 واحد كمان طول الرحلة صباحًا ومساءًا وكان اسمهم (العصابة السوداء) نظرًا لجسمهم
ووجهمهم المغطى بالفحم دايمًا لأنهم بياخدوا راحة نوم تحت السطح ويرجع يشتغل تاني بدون اهتمام بالنظافة الشخصية لنهاية الرحلة.
في سنة 1907، كان من ضمن العمال على متن السفينة HMHS Asturias وهي لسه طالعة في أول رحلة تجربة ليها.. سفينة ملكية الأولى من نوعها معمولة لتوصيل البريد، وأثناء أختبارها في الماية، إصطدمت في الميناء وعدد كبير من العاملين تحت السطح ماتوا لأنهم ماقدروش يهربوا منها وهي بتغرق، إلا هو نجا
في سنة 1911، كان شغال لسه نفس الوظيفة لكن المرة دي على سفينة RMS Olympic وإللي كانت فخر البحرية البريطانية وتقريبًا قائدة الأسطول كله ومعروفة بقوتها.. للأسف أثناء رحلتها الخامسة وجون على متنها، إصطدمت بالمدمرة الحربية HMS Hawke وإللي كان هيكلها مُصمم بطريقة تخليها قادرة تدمر
اي سفينة بسهولة لكن لحسن حظ الركاب، حصل فيها صدعين بس أدوا لغمر مكانين كبار بالماية وعدد كبير تم جرحه وأوشك على الموت، الا جون ماحصلوش ولو حتى خدش بسيط.
في سنة 1912، كان من ضمن عمال الأفران على متن السفينة الشهيرة Titanic وإنت عارف طبعًا حصل فيها إيه السفينة دي، ولك أن تتخيل إنه من كل العمال اللي كانوا عليها، كان هو الوحيد اللي ركب قارب النجاة 15 إللي تم إنقاذه بالكامل فعلًا :"|
**بعد كل الحوادث دي، بدأ كل العمال واللي بيشتغلوا معاه، يخافوا يركبوا معاه اي سفينة ظنًا من انه فأل شر عليهم، او مشعوذ بشكل ما..
في فبراير سنة 1916، كان أحد العاملين بردو على متن السفينة الشهيرة RMS Alcantara أحد عمالقة الحرب العالمية الأولى.. أثناء عودتها للميناء بعد احد المعارك، مر في البحر جمبها سفينة سويدية تجارية عادي، فطبيعي وقت الحرب لازم يتأكدوا، وبمجرد ما القنطرة عدت جمبها، رفعت السفينة التانية
العلم الألماني وفتحت ضرب عليها لغاية ما عطلت معظم المحركات والباقي فقدوا السيطرة عليه، فأمر الكابتن انه جميع العمال يخلوا باطن السفينة وغرفة المحرك عشان هيغمروه بالماية ويوقفوا المحركات عشان يقدروا يهربوا بطوائف النجاة، لكن كل الإتصالات بغرفة المحرك وقفت، واتغمرت والعمال جواها
تخيل من ضمن الـ50 واحد اللي ماتوا هناك، جون كان أحد الناجيين :"|
في نفس سنة 1916 ولكن في شهر نوفمبر، كان هو أحد عاملين الأفران بردو على السفينة العظيمة HMHS Britannic (تيتانيك وأوليمبك وبريتانيك كانوا أشهر 3 سفن عملاقة أخوات في الأسطول الملكي) والمفروض كانت تلاقي أضعاف نجاحها كمان
لكن للأسف أصطدمت بـ لغم مائي أدي لغرقها في حوالي 50 دقيقة وقتل العمال اللي كانوا في الغرفة السفلية بالقرب من مكان الإنفجار، الا جون كان الوحيد منهم إللي نجى :"|
في سنة 1917، كان أحد العاملين على سفينة SS Donegal وإللي كانت عبارة عن عبارة ضخمة شغاله كعربية اسعاف للمصابين والموتى من أماكن المعارك لبيوتهم مرة تانية.. كانت شايله حوالي 610 جندي مصاب بجروح طفيفة و70 عامل على متنها من ضمنهم جون..
واثناء مرافقتها لوجهتها الأخيرة، رصدتها غواصة ألمانية فضربتها بطوربيد أدى لمقتل حوالي 15 واحد من طاقم العمل بتوعها و30 جندي..
طبعًا جون من ضمن كل اللي كانوا في الحُجرة بتوعه، هو الوحيد إللى نجى :"|
طبعًا جون من ضمن كل اللي كانوا في الحُجرة بتوعه، هو الوحيد إللى نجى :"|
من بعدها قرروا يبعدوه نهائي عن العمل في البحر وخد مجموعة من الميداليات نظير خدمته الوفية للبحرية الإنجليزية وقت الحرب ومعاها خد لقب "Unsinkable"، عالأقل هو قدر ينجوا فعلًا على عكس تايتانيك صاحبة الأسم الأصلية
**توفى جون في منزله في سنة 1937 في ظروف غامضة.
#MTM_Spread_Science
#MTM_Spread_Science
جاري تحميل الاقتراحات...