من كام أسبوع طلع عالم انجليزي اسمه سكوت أورينج بنظرية لما قعد يدور في صور ناسا كانت منزلاها لسطح المريخ،النظرية باختصار إن المصريين القدماء أصلهم من الفضاء وبعدها نزلوا عاشوا علي الأرض ف خلوني اكلمكوا شوية عن الموضوع
ديه الصورة اللي ناسا نزلتها للمريخ،لما اورينج عمل زوم لاحظ إن في تماثيل فرعونية وزي توابيت اللي كانوا بيدفنوا فيها نفسهم وكان في هرم برضو،هسيبلكوا لينك الصورة ولينك الفيديو اللي اورينج بيشرح بس خلينا نقلب كده في الذاكرة،ديه مش أول مرة يطلع حد يتكلم عن ارتباط الفراعنة بالفضائيين
ديه أشكال تماثل وتوابيت ورموز تشبه لرموز الفراعنة، راس تمثال أبو الهول كل ديه صور من المريخ برضو اللي خلي ناس كتير مش قادرة تصدق إنها صدفة وإن فعلًا تواصل الفراعنة بالفضائيين حقيقي، اللي خلي كتير منهم يقولوا حتي الأهرامات اللي في مصر اتبنت بمساعدة الفضائيين
لو جينا نبص للموضوع من ناحية الفراعنة هنلاقي إن كان في حاجات غريبة برضو عندهم، مش هتكلم عن التقدم العلمي في كل المجالات لدرجة إن في حاجات لحد يومنا ده مش قادرين نفسرها ونفهم عملوها إزاي زي التحنيط مثلًا، خلونا نتكلم عن حاجات بتقول إنهم كانوا علي تواصل مع الفضائيين
كتابات هيروغليفية ورسومات علي معابد،مرسوم غواصات وطيارة هيليكوبتر ومركبة فضاء اللي يخليني نفكر إن الفراعنةعملوا الحاجات ديه بس لو كان ده حصل فعلًا كنا هنلاقيها في مقبرة حد مثلًا او في تمثال بس مفيش،التفسير الوحيد لده إن الفراعنة مصنوعوش الحاجات ديه هم شافوا الفضائيين بيها ورسموها
طبعًا كلنا عارفين شكل الفضائيين رغم إن محدش فينا شافه بس ده عادي بنشوفها في الأفلام يعني،الغريب إننا نلاقي علي جدران معبد رسمة لفضائيين بالشكل اللي احنا عرفناه بعد 7000 سنة،تاني صورة ديه لعملة اينعم مكتوب عليها بالروماني بس هم لقوها في مقبرة في مصر،عليها برضو كائن فضائي
ديه مومياء علي شكل كائن فضائي كانت في هرم صغير في الفيوم،المومياء كانت لمستشار الملك واسمه أوسيرونت ويعني النجمة «المرسلة من السماء»
ودول بعض المومياوات برضو بنفس الشكل المعروف للفضائيين ومعندناش تفسير للشكل ده
ودول بعض المومياوات برضو بنفس الشكل المعروف للفضائيين ومعندناش تفسير للشكل ده
الصور ديه برضو من علي المريخ،هرم وتابوت، ممكن تبقي صدفة عادي بس في ناس كتير مؤمنة إن العالم اعقد كتير من إن يحصل كل الصدف ديه مرة واحدة وإن أكيد الموضوع أكبر من كده خاصة لما تتكلم الفراعنة واللي لحد دلوقتي بنكتشف عنهم حاجات مش قادرين نفهمها أو مش قادرين نتخيل إنهم وصلولها
جاري تحميل الاقتراحات...