رعب ( شمس المعارف)
محدش يجرب اي حاجه من اللي ف الثريد 👌
محدش يجرب اي حاجه من اللي ف الثريد 👌
كتاب شمس المعارف عباره عن ٧ آلاف صفحه بس ده الكتاب الأصلي و لكن اللي موجود حاليا بيحتوي على حوالي ٦٠٠ صفحه أو حاجه قريبه من الرقم ده ، اللي كتب الكتاب ده من الصوفييين و اسمه احمد البوني عباره عن ٤ أجزاء الكتاب ده ، النسخه الاصليه من الكتاب موجوده ف بريطانيا ف مكتبه هناك و طبعا
مش اي حد يقدر يشوف الكتاب ده اما باقي الكتب المنتشره ف هيا جزء بس منه و هوا عباره عن ٤ أجزاء في مجلد واحد و بيقولوا ان فيه نسخه اصليه تانيه زي اللي موجوده ف بريطانيا بس موجوده ف الجزائر بس مفيش تأكيد على خبر زي ده، اي طلاسم أو تعاويز مكتوبه ف الكتاب اللي موجود حاليا ال ٦٠٠
صفحه متحرفه و محذوف منها كتري ف بالتالي مش خطر زي اللي موجوده ف الكتاب الأصلي ف الكتاب الأصلي بس هوا اللي تقدر من خلاله تحضر كائنات من العوالم التانيه و ما تحت الارض و غيره من الكائنات و الأشباح و الأرواح، فيه حوادث كتير جدا حصلت ل ناس كان عندها فضول انها تجيب الكتاب أو أنها
تقرأ و تتعمق فيه و طبعا كانت نهايتهم صعبه و مروعه ف يا ريت محدش يبحث و يدور ورا الموضوع ده لانه خطر جدا وقتها مش هتعرف تفلت من اللي ممكن يحصل لك و مش هتعرف تتلاشى الخطر ده أيا كان هتموت أو هتتجنن أو هتصاب نفسيا ب ازمات نفسيه حاده ممكن متعرفش تتكلم بعدها كأن لسانك مقطوع تماما،
احمد البوني ده كان غرضه من الكتاب تحضير الجن و الأرواح و كانت أغراضه كتير معرفه المجهول و القوه و أشياء كتير جدا اكيد هنختلف معاه فيها بس الحاجات دي مصيرها الموت ، كاتب الكتاب الأصلي كان كاتب ف الكتاب انه لقى ف اهرامات اخميم مخبأ مليان بالبرديات المسحوره و ازاي تحضر الجن منها
و الناس فسرت ده بأن الجن ساعده يتنبأ بالمستقبل كسقوط الدوله الفاطمية و العباسية، اول نسخة تم طباعتها ١٨٩٥ ف بيروت و لكن بعدها تم منعه ف الدول العربية و الإسلامية و بعد كده اتاح نشره مره اخرى بس مفيش حد كان بيشتريه من خوفهم، تحذير : بمجرد م هتنطق الأسماء الموجودة في الكتاب بصوت
الجن هيحضر عشان كده متعليش صوت لو فضولك خلاك توصل لمرحلة انك لازم تقرأ اللي جوا الكتاب، فيه واحده حكت قصة اخوها مع الكتاب انه عنده إعاقة ف رجله و ف يوم دخلت عليه الاوضه لقته بيقرأ ف كتاب و خباه ف لما أصرت تعرف ده اي طلعهولها و قالها متقولش لحد انه بيقراه بس هيا مهتمتش لأنها
قالت إن كل ده خرافات و أي كلام بس تاني يوم سمعت صوت جاي من الاوضه عنده ف دخلت بسرعه قال لها أنه كان بيحلم بس لما ركزت شويه لقت ان هدومه لابسها بالمقلوب و فيه كتابات على جسمه ب خط مش مفهوم ده غير رسومات صعب تتفهم دي عباره عن أي و لما ضغطت عليه عرفت انه قرأ اللي ف الكتاب
و مبقتش عارفه تعمل اي تاني يوم لقت اخوها نايم ع السرير و بينزف من مناخيره و لما خدوه المستشفى كل الدكاتره قالوا انه كويس و دي حاجه بسيطه بس لما روحوا جابوا شيخ قال فعلا انه حضر جن و هوا اللي خبطه على دماغه و خلاه ينزف كده و للأسف اليوم التالت كان اخوها ميت، فيه شخص تاني حكي ا
انه و هوا بيقرأ الكتاب كان النور بيقطع ب طريقه غريبه و ييجي بعد فتره لما اكون خلاص مش مهتم اقرا الكتاب ف الناس فسرت ده ب ان فيه جن بيحكي الكتاب ده، شخص تالت كان عنده فضول و متشوق انه يقرأ حاجه ف الكتاب ده ف قعد يبحث و صادق صفحات من الكتاب على النت ف قرأ تعويذه بصوت منها و بعدها
سافر مع أصحابه تقريبا ف اجازه من اسبوعين ل ٣ اسابيع و لما رجع و نام ف اول يوم كان بيتخيل أشخاص خارجين من الدولاب بس لما فتح النور ملقاش حاجه ف اليوم اللي بعده و هوا نايم فتح عينه لقى قدامه شخص ضخم و لونه ازرق و لما فتح النور برده ملقاش حاجه و فضل السؤال ده ف ودانه طول الليل غصب
عنه مش بارادته و تالت يوم حلم ب بنت شكلها وحش اوي جنب السرير بتاعه و سانده و مسك ايدها و هيا بتقاوم عشان يسيبها بس لما صحي لقى فعلا نفسه ماسك رجل البنت دي ف الحقيقه و انه مكنش حلم و لما رجعت مراته حكي لها و هيا اقترحت عليه انهم يشغلوا القرآن بصوت عالي حتى و هما نايمين بس
لما مراته صحت لقت كدمات زرقا على جسمها و كتابات مش مفهومه على جسمها و لما ناموا اليوم اللي بعده لقى نفس ال ٣ أشخاص خارجين من الدولاب و خرجوا من باب الشقه و هما بيبتسموا ابتسامه خفيفه مريبه ده على كلامه هوا و فين و فين لما اكتشف ان كل ده بسبب اللي قرأه على النت، ده غير ان فيه
ناس بيوتها اتحرقت بسبب اللي قراوه و فيه اللي حس ب أرواح أو أنفاس أو غيره من الأشياء الغريبه و كل ده حصل من النسخه المتحرفه طب اي اللي كان هيحصل لو كان من النسخه الاصليه اللي لحد الان فيه اقاويل بتقول انه اتدقن مع صاحبه يوم م مات أو فيه ناس بتقول ان كبير الجن خفاه و فيه ناس
بتقول مسلمين حرقوه مشكله مش ف كذه المشكله ف ان فيه إسماء جن بمجرد ما بتنطقهم بيحضروا على طول و لو كنت هتقراه ف توقع كل حاجه ممكن تحصل لك، اي حد عادي هيشوف الكلام ده هيقول انه خرافات لكن لو حد متعمق ف علم الروحانيات هيقول انه كلام صح و ليه شروط عشان يتطبق مش هينفع اقول على اي
اسامي جن و مش هينفع اقول اي أجزاء أو أي مقدمات طلاسم حتى محدش عارف اللي هيتقال ممكن يعمل اي و ازاي و أمته يا ريت محدش فضوله يغلبه ف الحاجه دي بالذات.. محدش يقرأ الحاجات دي! هستناكوا هناك ابقوا تعالوا..
متنساش رايك و تعمل ريتويت و انتظر ثريد كل يوم 11 بالليل ..
...
الكتاب موجود منه نسختين ف العالم بس و أي كتاب يباع غرضه الروحانيات ليس اكتر و معظمه محرف و خالي من أي طلاسم خطيره و يذكر انه تم منع نشره ف الوطن العربي ثم بعد ذلك سمحوا بنشره بعد تخريفه و حذف أجزاء كتيره منه..
@Rattibha رتب
جاري تحميل الاقتراحات...