رتبها

بما اني فالدوام بسوي ثريد ع المواقف والناس الي تتصل على الاسعاف لأسباب مالها داعي 😰😂

طبعا المواقف كثير وهذي بعضها
١- جاني اتصال حريق فمقهى معسل. بأسرع وقت ومشغلين السفاتي والأصوات وكل شي. لما وصلت مالقيت حريق لقيت ولد جالس يقول انا اتصل ع الاسعاف.. اشبك سلامات. رد/ جاء هدف ومن الفرحة جات جمرة ع رجلي 😭. سالت اذا تحرقة قال اول.. طيب ليش اتصلت قال حرقتني شوي😭😂

٢/ بعض الاتصالات لما نروح لهم يقولوا ضرسي يعورني😭😭 بسم الله عليك بس ايش اسوي لك؟ يقول مدري م تعرفون دكتور الحين😂🙂

٣/الزعل.. اتصالات كثير يكونوا زعلانين من احد. لما اوصل اجلس ساعة اقول ما تسوى الدنيا هدي😭😭😂

٤/ جاني واحد امس بسيارته قريب المستشفى مع أخوه يقول اخوي مصدع قلت طيب هذا المستشفى ليش م وصلته؟؟ يقول السيارة خربانه!! قلت طيب. شوي سال اي مستشفى بلحقكم!! قلت مو سيارتك خربانه قال لا معليك🙂.

٥/ في اشياء كثيره بس خلاص جاتني حالة. المهم الي بوصل له ان بعض الاحيان في ناس تشغل الاسعاف لأسباب م تستدعي الاسعاف وننشغل او نتأخر ع حالات خطيرة! بسبب حالات مو خطيرة وممكن التأخير يسبب وفاة
وبس والله😂 معليش ثريد معوق بس 😭😂

بنهيها بذا الحلو.. امه تعبانه وشلتوا ونام فيدي. المهم اتحداكم ليش امه اتصلت؟🙂😂

الساعة ٥:٥٣: جاني اتصال واحد يبغاني اقنع جدته تأخذ العلاج! المهم انوا رحنا وقلنا لها تأكله بس😭😂😂

تذكرت ذا الموقف.. مره رحت حادث، لما وصلت م لقيت المصاب.. فجاة الناس قالوا شوفه (بعيد)قلت هذا اكيد مات. ولما وصلت لقيته فماصوره كبيره😂منسدح، قلت ايش جابك.. المهم شلته وركبته الاسعاف شوي قام يقول بطني يوجعني. تحمست انا اشيك فبطنه. قام فصخ وبال فالاسعاف ولما خلص قال خلاص بطني طاب😭

@eemaan93 للاسف كلها صح 😂

قبل شوي جيت من مضاربة.. شخص كان يعسل فنفس الغرفة الي مشاركها مع شخص ثاني.. ولما نصحه انه م يعسل عشان الريحة م سمع الكلام... قام كسر المعسل على راسه😭😂😂😂😂
نستفيد من القصة لا تعسل/تدخن فغرفة الجلوس لان في ناس م يحبون الريحة عشان م نكسر المعسل على راسك😒

رحت لواحد ينام بثوب وهابط عنده السكر وبعد م رفعته اقول له انتبه على السكر ولا تسوي كذا غلط لانه يمكن يهبط عليك وانت ساكن لحالك وتموت.. الخ. رد/ تعرف ليش انا انام بثوب؟
عشان اذا جيتو تلاقوني كاشخ ومستعد وم احب اللبس الرياضة!
اقول له بين الحلال خذ علاجك صح قال بنام بثوب! 🙂😂😂😂

نرجع نكمل😂
رحت لوحدة زعلانه وتبكي ومو قادرة تتنفس. اشبك؟ قالت مقدر أتنفس! قلت لها هدي ونفس عميق☺️ قالت يعني انا اتصنع المرض خلاص شكرا معسلامة🤬المهم هديناها وسالتها اشبك؟ قالت كل م اجيب شغاله لامي. امي تشردهم م تعاملهم معاملة كويسة وهيا مشلوله وانا اشتغل ايش اسوي معاها؟
يتبع..

تكمل
انا اروح الدوام الصباح ومافي احد يجلس معاها الا الشغالة وامي تخاصمهم، يلا حل المشكله ياحلال المشاكل😏. قلت اول شي انا اسعاف مو دكتور اجتماعي بس هذي امك واصبري عليها وكذا 🥺 قالت اعرف بس الحين جيب لي حل عشان لو خليتها لحالها يمكن يصير فيها شي واذا جلست فصلوني من العمل!
يتبع

فالنهاية قلت لها الزعل بيجيب لك جلطه وأمرض! قالت احسن خليني انشل وما اشيل هم☺️ قلت ومين يجيب لك شغاله لما تنشلي🤪😂 المهم اوديك المستشفى؟ قالت لا بروح اهلي عشان هما دايما يغلطون وخليه يغلط واموت وافتك 😭😂
وفي النهاية الي مايعرفني
انا محمد، التخصص طوارئ
الشغل مصلح مشاكل عائلية

@Jumanah_223 ترا انا مو صابر عليهم صابر على الفلوس بس 🤬

تعالوا نتناقش..
جاني امس بلاغ حالة عادية. ولما قربت من المكان م رد المبلغ وكانت فيه حالة اخطر جنب المبلغ الأول. فقالوا اسحب ع البسيطة لين يرد وبنرسل اسعاف ثاني. المهم فنص الطريق شفت واحد يأشر. وقفت وقلت له انت اي واحد لان لو الحالة بسيطة بروح للخطيرة وذا ينتظر..
يتبع..

فقلت له اي واحد انت وكان فيه تقريبا ٦ رجال.. وتعالوا شوفوا السب ومدري ايش😂. م كثرت قلت له بتقول اسمك ولا بمشي.. عشان فيه شخص يمكن يموت لو انت مو هوا وضيعت وقت معاك. رد ببساطة خليه #يموت تعال شوف الي عندي!!!!! ي اخوان فيه ناس انانية لذي الدرجة!!!
يتبع...

كلمت العمليات وباشرت الحالة ذي وطبعا طلعت حالة بسيطة بس وحدة زعلت وارتفع ضغطها.. فقلت دامكم كلكم رجال وذي السيارة قدام الباب وصلها بسيارتك عشان اللحق الي جنبك لان الاسعاف لين يوصله بيتاخر.. قال لا خليه مالي دخل فيه!!
تخاصمنا شوي 😂. يبغاني أوصلها عشان تدخل بسرعه!
ناس قليلة ادب😡

اتوقع مع الحظر الثريد ذا بيزيد..
المهم دوبي جاي من طلب جلست نص ساعة عشان اوصل بيت المبلغ... للحالة طلعت وحدة طفلها انجرح في يده وتقول ماعندي لصق ولا شاش ولا شي!!!!! حبيبي ذا لو تخليه ربع ساعة كمان يتقفل 😭😭. ياناس الطلبات مو راضيه توقف وأغلبها تستحي تعلم عليها اخوك!! عيب عليكم

ياناس تعرفون في واحد اتصل علينا ولما وصلنا لقينا معاه شنطة سفر يقول وصلوني الرياض تكفون انتم الوحيدين الي تقدرون تطلعون فالحظر !!!!!!!!

طيب تعرفون ان فيه وحدة اتصلت ع حالة سقوط ولما وصلنا الحارة م عرفت توصل وأخذنا تقريبا ٤٠ دقيقة ندور على بيتها وهيا على الجوال توصف المهم...لما وصلنا طلع فولدها جرح بسسسسيط في اصباعه قلت سلامات وين الإصابة؟ قالت هذي وماعندي لصق والصيدلية مقفله!! ياحبيبي ذا انا اللحسه لو فيني. 💔

طيب خلاص اخر شي.. واحد اتصل علينا اخر الليل ولما وصلنا نزلنا ببطانيه سألناه اشبك؟ قال نمت على يدي وتعورني 😭 واضح أيدك بتعورك دامك نازل الشارع ببطانيه😭

يلا وحدة فريش مالها نص ساعة.... واحد يبغى يروح المستشفى عنده موعد يقول قاعد احاول اوقف سيارة محد وقف لي.. قمت اتصلت عليكم ورحت اشتريت غداء لين توصلون🙁. ركب ومعاه نص حبه ورز وقال ابغى مستشفى عبدالعزيز 😃💔💔💔💔

ياناس الي معاية جاء من طلب (شرب موية وشرق) 😃😂😂 يقول رحت قلت له اححح اح (زي ذاك الي تطلعونه اذا احد شرق) وقرا عليه والحمدلله تعالج 😭

طبعا، الثريد ذا ما بيخلص الا اذا تقاعدت. تخيلو واحد راح مستشفى اهلي واكتشف ان تأمينه منتهي واتصل على الاسعاف عشان نوصله مستشفى حكومي

ياخي طلب يجيك فذا الوقت وانت مكسر بعد ماكرفت طول الليل ولما توصل يقول ابغى دواء كحة الي عندي ينومني وم عجبني😃. قلت وذا سبب يخليك تتصل ع الاسعاف يقول الحكومة حطتكم لنا 😊يارب صبرك والأجر وابعد ذي الطلبات عني

ياناس قبل قابلت عيال فالمستشفى جايبين وحدة خايفة من اختبارها اليوم😭😭😭😭 أعطوها الأسئلة ولا شوفو لها حل.

الساعة ٣ عصر رمضان اروح لمريض يقول حاسس حلقي يابس!! يعني الناس مانعرف ان الصيام ينشف الحلق ولا ايش 😭؟؟؟؟ يابن الحلال شوف لك مرض ثاني دام وصلت يقول حلقي يابس😐. كشفت عليه وأخذت كل شي طبيعي بس حلقه ناشف وم عنده امراض

رحت لواحد صدم وراسه كله دم ومغطي عليه المهم قلت اشوف الجرح الا طلع كبير وعلى بال م اجهز الاشياء عشان اعقم واقفل، نزل منديل من جيبه وقال تبغى ذي ولا ارميها؟ قلت ايش ذي ولما فتح لقيت حاط جلد جبهته فمنديل وحاطه فجيبه صدمني😭😂😂😂

دوبي جاي طلب تحسه اختبار 😭😂😂😂😂😂😂 تخيلو رحت لوحدة مع اختي صباح الله خير، سلامات اشبك؟ قالت بالله شوف فيني اعراض الكورونا؟ قلت فيه شي تشتكي منه؟ قالت لا! طيب سخونه كحة شي؟ قالت لا😐. طيب ليش اتصلتي قالت طيب شوف امي مريضة ضغط يمكن تعبانه😭😭😂😂😂 يالله صباح خير💔💔💔💔💔

اتصل واحد على الاسعاف. ولما وصلت لقيته فالسيارة. قال لا لا تكشف امشي قدامي وشوف اذا فيه تفتيش لين المستشفى!! لايكون تبغاني اسوق سيارتك كمان ي 🤬🤬🤬

والله مدري كيف اقول لكم. بس رحت لواحد الساعة ٦ الفجر... دايخ وتعبان بعد الفحص وكذا سالته قلت له شكلك زعلان ياعم! ايش مزعلك؟ قال ياولدي صليت الفجر وانا راجع لقيت العمارة فاضيه!! فيها ٤٦ شخص كلهم مسافرين! يعني اتصل عليهم ولا ايش

جاني طلب فمكان يبعد ٦ دقايق من المركز.. لما وصلت اتصل علينا قال انا فمركز الاسعاف وينكم؟ يعني لا خلانا ننتظره ولا انتظرنا ولا راح المستشفى. الحين رايحين له انتظرونا

اتصل علينا واحد دوبه ولما وصلت قلت يلا انقلك. قال لا بس ابغى اعرف ايش احسن مستشفى اروح له؟ قلت ليش اتصلت على الاسعاف؟ قال ابغى اصحيكم ادري انكم نايمين.

تخيل معايه تدخل على مريض مغمى عليه وشكله مو طبيعي وتحصل معاه سلاح.
ايش تسوي؟؟؟😧

@shayer2020 **في وضع غير طبيعي***

ياخي مدري كيف اقول لكم بس رحت لعجوز الله يعطيها العافية ولما شافتني قالت: ياسعاد وش ذي الشوشة (سعاد شغالتها)😕💔😭
المهم الحين فالحلاق انتظروا ستايل سعد 😂💔💔💔