لنفرض إن في جريمة صارت و وصلتكم أدلة مختلفة و الكثير جدًا من المتهمين ، شلون راح تقدرون تربطون الدليل المعين بالمتهم المعين عن طريق الـDNA؟?⚖️!
المهم كان عندي لاب إسمه " التحليل الجنائي للأدلة البايولوجية، يابو لنا عينات من جريمة حقيقية و " لٰكن "من دون أي معلومات شخصية خاصة عنها غير إنها كانت " إعتداء " + الجريمة انتهت و تم إغلاقها، الفكرة كانت شلون راح نربط الأدلة و نتايج الـ DNA و نعرف إذا الدليل من نفس الشخص أو غيره!
أول شي ، وصلتنا عينات متنوعة ، بين عينات دم مختلفة و زقاير و مسحة لعاب ، كان من نصيبي دليل الـ ? ، طبعًا أول شي راح راح تنشال بس مقدمة الزقاير بحيث إن ناخذ الـ DNA إلي موجود فيه ، طبعًا راح تمر بـ procedure طويل عشان نعزل الـ DNA و يصير pure بدون أي شي ثاني.
المهم الحين العينات إلي عندنا :
- دم من الضحية ✅
- دم من المتهم ✅
- دم من الأم ?
- دم من الأبو ?
- مسحة لعاب ⚠️
- زقاير ⚠️
- دم جاف موجود علىٰ كلينكس ⚠️
ليش دم من الأم و الأبو ؟ عشان نتأكد الضحية هل فعلاً بنتهم أو لا ، ليش ⚠️ ؟ لأن إهما مجهولين المصدر إلي راح نقارنهم بـ✅
- دم من الضحية ✅
- دم من المتهم ✅
- دم من الأم ?
- دم من الأبو ?
- مسحة لعاب ⚠️
- زقاير ⚠️
- دم جاف موجود علىٰ كلينكس ⚠️
ليش دم من الأم و الأبو ؟ عشان نتأكد الضحية هل فعلاً بنتهم أو لا ، ليش ⚠️ ؟ لأن إهما مجهولين المصدر إلي راح نقارنهم بـ✅
بسم الله الحين نبدي شوي نتعمق، شلون الـ DNA ممكن يساعدنا و شلون ؟ و شلون راح يخلينا نفرق بين مصدر العينة و نقول إنها بالذات تنتمي حق هالشخص ؟
نركز الحين و نتعمق زيادة ، كلنا عندنا كرموسومات حلو ؟ حلو ، كل كروموسوم في منطقة إسمها Locus اعتبروها مناطق تعبر عن عدد معين من الأحرف إلي إهما (A-C-G-T) هٰذي المناطق راح نستخدم منها حق الأدلة الجنائية 16 منطقة يعني = 16 loci
ليش" 16 " منطقة بالذات ؟ لأن ممكن نتشابه كبشر بـ 15 منطقة بس " غصبًا علىٰ الـ DNA و أحرفه يختلفون بالمنطقة رقم 16، إنزين شنو في هالمناطق ؟ و ليش بنستخدم الـ 16 شنو المميز فيهم ؟
في شي بالـ DNA إسمه STR = Short tandem repeats ، باختصار إهيا خاصية التكرار ، شنو يعني ؟ يعني مثلاً الـ DNA يتكون من أحرف ACGT ، كل شخص فينا تتكرر الأحرف بنمط معين بعدد مختلف شلون ؟ مثال :
لنفرض عندنا : [ AGAT ] في منطقة معينة ، راح تشوفون إن هٰذا النمط المتكون من أربع حروف مختلفة تكراراته بين كل شخص يعني مثلاً آنا ممكن تكون متكررة ٧ ؟ غيري ١٢ مرة عنده متكررة ، هٰذا الاختلاف ممكن نستخدمه لصالحنا بالأدلة.
![لنفرض عندنا : [ AGAT ] في منطقة معينة ، راح تشوفون إن هٰذا النمط المتكون من أربع حروف مختلفة تكرارات...](https://pbs.twimg.com/media/ECRh6bqW4AEQ16D.jpg)
إنزين النمط لازم 4 أحرف ؟ لا ممكن يكون لي 10 أحرف بترتيبات مختلفة ، بس إحنا بالأدلة نستخدم النمط إلي يتكون من 4 أحرف بالذات لأن مو منتشر بشكل كبير بين الناس و لا نادر نحتاج شي متوسط عشان لا ياخذ منا وقت عالفاضي و احنا نحلل ، 4 إهوا الرقم المثالي.
إنزين بعد ما عرفنا إن راح نستخدم 16 منطقة و كل منطقة راح يكون فيها تكرارات مختلفة بينا ، شلون راح تكون شكل النتايج بعد ما نعزل الـ DNA و نقرا الـ STR ?
راح تكون ورقة النتايج بهالشكل : طبعًا هٰذي حق دليل الزقاير ، راح يكون في ١٦ مستطيل أخضر يمثلون الـ ١٦ منطقة كل وحدة لها ID مختلف و تحت كل مستطيل أخضر راح يكون فيه يا ( قمتين ، أو قمة ) تحتها مربعين ، راح ناخذ الرقم إلي فوق و نكون نمط بحيث إن كل منطقة من الـ ١٦ راح تتكون من رقمين
عقب ما ناخذ الأرقام ، طبعًا مع الأخذ بعين الاعتبار إذا طلعت قمتين بالصورة إلي طافت راح يتكرر الرقم مرتين، و في منطقة إسمها : AMELOGENIN راح تكون مسؤولة عن تحديد الجنس سواء كان ذكر XY ، أنثىٰ XX ، بچي راح يكون كل دليل له خريطة أرقام مميزة جدًا خاصة فيه مثل هٰذي :
الحين نبي نقارن بين الأدلة و نتايجهم :
- راح تلاحظون أرقام دم الضحية = الدم الجاف إلي موجود علىٰ الورقة ، و دم المتهم أرقامه = عينة اللعاب :
- راح تلاحظون أرقام دم الضحية = الدم الجاف إلي موجود علىٰ الورقة ، و دم المتهم أرقامه = عينة اللعاب :
انزين عينتي الفقيرة شصار عليها؟ طلعت أرقامها ما تنتمي لا حق المتهم و لا الضحية رجل آخر تمامًا ممكن يكون هم إهوا هم متهم مو نفسه إلي صادوه و خذوا منه عينة الدم، أرقامه ما تشابه و لا رفرنس من إلي خذيناه :
عاد أنا شوي تفلسفت و سويت شي خارج المطلوب ، تحريات محقق كونان يعني .. المهم بمساعدة خالي العزيز قدرنا نطلع ماركة الزقاير و طلعت ماركة رخيصة أغلب إلي يستخدمونها الوافدين من الجنسية : هندية ، بنقالية إلى آخره .. عاد رحت تليقفت عند المعيدة و قتلها إذا يعرفون جنسية المشتبه الحقيقي :
و قالتلي هندي الي معتدي علىٰ بنت و إن لقافتي كانت بمحلها مع إن مو مطلوبة باللاب، نفهم من هٰذا الفضول إن الـ DNA يساعد و الفضول يقلص مجال البحث بجنسيات معينة ، و طبعًا لكل قاعدة شواذ ..
الحين نستخدم أرقام الـ DNA مالت نتايج الأم و الأبو و البنت ( الضحية ) عشان نتأكد إنها بنتهم ، إسمه paternity test :
راح تكوم بهالطريقة ، نفس الشي ١٦ منطقة ، بما إن نصنا من الأم و نصنا الآخر من الأبو فـ راح يكون الوضع چنه لعبة أرقام ، لازم الرقمين إلي إحنا نتكون منهم : يكون واحد أصله من الأم و الثاني من الأبو ، في حال كانوا الـ ١٦ منطقة تثبت هالقاعدة ، يثبت إن البنت تنتمي حقهم✅ :
تمت بحمدلله?⛓، عاد يقولكم إلي عنده علم بشغلة معينة لا يخشها بس حق نفسه⚰️??♀️???، عمومًا: " لا كَنزَ أنفَعُ مِنَ العِلمِ " - الإمام علي (ع)
جاري تحميل الاقتراحات...