سعد طحيطح
سعد طحيطح

@Saad_Tahaitah

16 تغريدة 279 قراءة Sep 07, 2019
سلام عليكم
بسولف لكم اليوم عن تصويري وعلاقته بابويه واذكر لكم اللحظات اللي وثقتها معاه
من سنة ٢٠١٣ إلى يومكم هذا
و ببدأ من التغريدة التالية ..
في البداية كانت هذي تجاربي في التصوير في أول سنة بديت فيها وهي سنة ٢٠١٣
وكأي ردة فعل والدين لأي شي جديد يشغلك عن الدراسة هو الرفض و التوصية على الدراسة وجعلها أهم من كل إهتمام لك
.
لكن العجيب ان بعد ما شاف صورة البيبسي
قرر انه يشتري لي كاميرا ?
وكانت كاميرا Canon D600
كان أول ظهور له معي في لحظة كان يدعي فيها تحت المطر
الدعاء و ذكر الله ما ينقطع من ابويه طوال اليوم
وكانت هذي أول مره أصوره يدعي فيها وما كان يدري ولا زال ما يدري اظن إلى يومكم ?
وفي ٢٠١٦ كانت أول تمشية أطلعها أنا وابويه لحالنا بعد أمطار غزيرة على الديرة
وكانت الجولة في الشاص حقنا
وصلنا لقمة جبل ( مومة ) الي يطل على قرى قنطان وتقدم ابويه للحافة و وقف الوقفة التأملية هذي واللي هي وقفة خاصة بالمدرسين الشيبان ?
ابويه مدرس علوم متقاعد على الطاري
يتبع ..
هذي الصورة من قوة انتشارها وإعجاب الناس فيها خلت ابويه يؤمن في تصويري بشكل ما تتصورونه
.
فشكراً لكل شخص أبدى إعجابه بها ❤️
بعد مرور سنة كنا ناخذ مشوار يومين ورا بعض من النماص لسبت العلاية عشان نطلع لي رخصة
وكانت أول مره اشغل ابو نوره وابويه معي وما يقول شي ?
وهذي الصورة كانت في إنتظار مدرسة القيادة مع بداية شروق الشمس وكانت لحظة جميلة ومهمة جداً بالنسبة لي ❤️
في نفس السنة بديت مشروع : حصن
والي اهتميت فيه اوثق حصون النماص وتنومة
جلست اصور المشروع حوالي الشهر
وما كان ابويه ابداً واقف في وجهي بالرغم اني كنت اطلع بشكل شبه يومي واروح لأماكن مهجورة ، وبعد عرض المشروع في قرية المفتاحة
كان ابويه وامي من أول الحضور و الداعمين❤️
و هنا كان ثاني ظهور له معي في الفيديو
وكان في فلم يوم في قريتي
أشياء كثير يسويها ابويه تهمني بعضها كان في الفلم زي اللي في الفريمات الي شايفينها :
- قراءة القران
- سقي الزرع في حديقة البيت الصغيرة
و بعض الأشياء الثانية الي ماهي في الفلم بوريكم اياها بعد هذي التغريدة ..
صوت قراءة ابويه في مسجد القرية اعتبره اعذب صوت اسمعه في حياتي
احسه ينور كل القرية من أسفلها لقمة جبلها
والثانية هي للغداء العظيم اللي يكون في بلكونة بيتنا
والثالثة هي ليوم عزيمة مميز في بيت جدي طفي فيها الكهرب و جلس ابويه يعطينا سوالف قديمة تضحكنا بالرغم اننا سمعناها كثير ?
ابويه وجدتي أقرب و أحن علاقة عرفتها في حياتي
حب ابويه لأمه يفوق كل شي حياته
فتوثيق زياراته لها كان شي مهم تداركته متأخر للأسف في اخر سنتين
قبل سنة من الآن وثق فيني وسمح لي أخذ مشروع تصوير فلم في الحج ، وهذي مكالمة الفيديو كانت في صباح يوم ميلادي يوم عرفة ❤️
سأل فيها عن التصوير وكالعادة يقول كلمته الشهيرة : كان قعدت في البيت ?
بعد الترم الأول في الجامعة ، جاني مشروع تصوير فلم وثائقي طويل على مدى ٤ شهور
اضطريت فيه احذف الترم الدراسي
وجلست في الرياض ٤ اشهر
قالي اعتمد على نفسك ما راح اعطيك شي
وبالفعل استاجرت شقة وكنت اصرف على نفسي وهذا الشي زرع فيني اعتماد حقيقي على النفس
صورة مع عقد الإجار ? :
رجعت للأهل ولابويه قبل رمضان بعد ما انتهيت من التصوير
خلال رمضان جاني مشروع تبع شركة BOSS
كلمت ابويه وقلت له ابغاك تطلع معي في الإعلان لأن دايم ريحة العود مرتبطة بك
.
وهذا كان رده : لاعاد تنشبنا واجد ابشر بي ❤️
.
وهذا هو الإعلان :
بعد تصوير هذا الإعلان وثق فيني مجدداً و خلاني اروح لبريطانيا لحضور مهرجان شيفلد للأفلام الوثائقية
يعني ابويه اللي كان ما يبغاني اروح اصور في وادي تنومة قبل ٥ سنوات ، اليوم يسمح ويشجعني اسافر بريطانيا عشان مهرجان أفلام
وكانت فيه معاناة في إخراج الفيزا وكان واقف معي خلالها ❤️
أول ما رجعت بديت مشروع بالتعاون مع فندق شدا وكان أول مقطع اصوره عن الريحان
طلبت ابويه ان يكون معي في المقطع وبدأنا
.
صورنا نص المقطع في بيت جدتي
والنص الثاني في القرية القديمة اللي عاش فيها ابويه
فتلاحظون المشاعر في كل مشهد من المقطع ❤️
في الختام
رفض ابويه لتصويري في البداية
ومشاركته حالياً لي في مشاريع التصوير
هو شيء يسعدني جداً بشكل ما ينوصف
نعمة عظيمة ان يكون أبوك داعمك في أكثر شي تحب تسويه
.
.
أحبك يا ابويه ❤️

جاري تحميل الاقتراحات...