تربية الأبناء
الصحة
العائلة
الصحة العقلية
تطوير الذات
السرد الشخصي
القصة الشخصية
العلاقات العائلية
التأمل الشخصي
كنت معزومه هذا الصباح على قهوه وكنت متجهزه لين لبست العبايه وجيت بسأل ابوي قبل أطلع "تبي شي" قال أي قلت لبيه قال"لاتخليني"..بلا تفكير رميت العبايه واعتذرت من صديقتي ولأن قلبها واسع قبلت عذري وجلست جنبه وسويت القهوه اللي يحبها وتقهوينا ، قويه قدام كل الخلق ضعيفه وهشه قدام أبوي.
كنت جاهله سبب خوفه لين ما قريت كتاب عن الزهايمر وعرفت ان الخوف سبب من اسبابه وانه نادر ما يثق بأحد ويحس الكل غريب،لكن لطف الله جعله يثق فيني ويمسك يدي من بين كل الموجودين بحياته واذا خاف يناديني"يمه"وأمسك يده واجلس عنده ويرجع لطمأنينته ويختفي خوفه،شعور عظيم أنك تكونين أم لأبوك❤️
كثير من الناس اللي بحياتي يقولون انتي حزينه عشان حال أبوك؟واقول ليش أحزن على قضاء الله؟ الله ما يكسر عبده الا ويجبره والدليل أن أبوي ناسي أني طفلته الصغيره وأحب بناته وصار يشوفني أمه وهذا والله أعظم شي امتلكته بحياتي بعيد عن كل مشاعري انا سعيده أني امان له خاصه أن ابوي عاش يتيم.
" الله يحلل ويبيح كل من أساء الظن بنجد"
حبيت الثناء اللي وصلني صراحه❤️..كوني أصير خدامه للشخص اللي سعى بكل شبابه أنه يعيشنا عيشه طيبه هنيه وبكل مره يوقف على رجوله بالدنيا عشان ما يخلينا نحتاج لأحد وعزنا وماقصر علينا بشي ،هذا شرف لي اني اكون خدامه لعيونه❤️
هذا اللي كنت ابي اوصل له لما كتبت هالتغريده ??❤️?❤️
التغريده صار لها اربع ايام وللحين يجيني تنمر عليها؟ترا والله تنمرتو على الشخص الغلط شخص الله موجود بقلبه كيف تبون تكسرونه؟"من يستمد القوة من الله يكون حتى في أثناء السقوط يشعر بالوقوف"الحياه تمشي والايام تعدي والناس تعمل لأخرتها وانتم بنفس المكانه واقفين ،والله حرام بحق انفسكم.
جاري تحميل الاقتراحات...