رتبها

دى قايمة بالأماكن داخل القاهرة والجيزة اللى ممكن نتفسح ونغير فيها المود لومحبطين ومفلسين 😅😅
حتى لو معاكو فلوس روحو برضو
مصر مليانة أماكن حلوة
ولو عندكم أماكن تانية فى محافظات مختلفة تقدروا تشاركوا بيها فى التعليقات
👇🏼👇🏼
-١

و هنبدأ الأول بالحدائق:
(1)الأزهر بارك
شارع صلاح سالم
مساحة واسعة وكبيرة جدا من المسطحات الزراعية
الفيو جميل
وهتتصوروا صور حلوة وهتبقى ذكرى جميلة
وممكن وأنتم هناك تطلبوا زيارة منطقة آثار الدرب الأحمر و بيكون ليها تيكيت خاصة وبتوصلوا للمزارات بالجولف كار،
هتقضوا وقت ممتع😍
-٢

(2)حديقة الحيوان: فيها متحف في غاية الروعة والأهمية(متحف الحيوانات المحنطة)
زيارة جميلة و كلها متعة
-٣

(3)حديقة الأورمان
بيكون فيه مهرجان الزهور في شهر إبريل
من أكتر الأماكن اللي هتحسوا فيها براحة نفسية عشان كمية الزرع اللي موجودة هناك
ده بيكون معرض كل تجار الزهور بيعملوا عرض لمنتجاتهم في الوقت ده هناك-٤

الحديقة الدولية،، مدينة نصر،، الحقيقة اني مزورتهاش،، بس بيتهيألي هتكون مكان حلو،، أي حديقة بتعيد تجديد النشاط،، العين بترتاح لما بتشوف اللون الأخضر..
-٥

(القناطر الخيرية) : المساحات الخضرا هناك حكاية كمان فيههناكمجموعةمتاحف رائعة من أهمها متحف الطفلاللى اولادكم هايستمتعوا فيه بشكل كبير
-٦

نيجي بقى تاني حاجة للناس المهتمة بالقراءة و بتكمل دراستها،، هنقول على كام مكتبة باذن الله يفيدوا الدارسيين:
(1)المكتبة المركزية،، جامعة القاهرة.
(2)مكتبة مصر العامة.
(3)مكتبة المعهد الفرنسي للاثار الشرقية، المنيرة، السيدة زينب.
-٧

(4)مكتبة المعهد الالماني للآثار،، الزمالك،، شارع أبو الفدا.
(5)مكتبة الدومنيكان،، شارع أحمد سعيد،، ميدان الجيش.
(6)مكتبة الفرنسيسكان،،
-٨

بالنسبة بقى للشوارع الأثرية و المزارات التاريخية:
1 - قلعة صلاح الدين أول ماهاتدخله هاتحس انك فى زمن تانى وياريت كمان تستغل فرصة وجود حفلات ومهرجانات زى مهرجان الطبول علشان تشوف جمال المكان هناك بليل
ومنهاممكن تطلع على شارع الصليبة بالقلعة تشوف بعض القصور والبيوت التاريخية-٩

ممكن كمان شارع المعز،
مليان آثار وأماكن فعلا تستاهل أكتر من يوم، مش يوم واحد
و ممكن تتصوروا كمان بالملابس التراثية هناك وهتكون ذكرى حلوة ومختلفة وفيه محلات هدايا هناك وأسعارها بتكون بسيطة ومعقولة
أهم حاجة بقى فطاطري الحسين
ومتقدرش تنسى طعمه ولا اليوم الحلو والتجربة اللذيذة-١٠

شارع الخيامية،، أفضل وقت لزيارته قبل رمضان و في رمضان،، بس عموما طول السنة لو زورتوا المكان هتحسوا بروايح زمان و الأصالة..
-١١

الجمالية،، و عن جمال الشارع و عراقته..
مسجدي السلطان حسن و الرفاعي،، عظمة المكان تكفي..
وصولا لشارع صليبه،، قريب من السيدة زينب،، هنلاقي هناك جامع ابن طولون و متحف بيت الكريتليه.-١٢

منطقة اثار سقارة: وهناك هاتحس انك انفصلت تماما عن الواقع هدؤ ونقاء فى الجومش طبيعي ومش زحمة بس يستحسن تتراح فى الشتا ...
-١٣

أما المتاحف ،، فحدث و لا حرج::
(1)المتحف المصري،، ميدان التحرير،، حيث الحضارة و التاريخ،، و التصوير هيبقى متاح مجانا بداية من أول أغسطس.
-١٤

(2)متحف الفن الإسلامي،، باب الخلق،، أحمد ماهر،، و قريب من الخيامية،، يعني ممكن نجمع الزيارتين مع بعض في يوم واحد،، و المتحف كمان فيه أنشطة للأطفال،، و بيقام معارض و حفلات داخل المتحف،، و لطلاب الدراسات العليا فيه مكتبة عظيمة داخل المتحف..
-١٥

.
(4)متحف الحضارة في الفسطاط،.
عن المنيل و جمالها :
(1)متحف محمد علي.
(2)مقياس النيل.
(3)قصر المانسترلي.
(4)متحف أم كلثوم.
-١٦

و عن المطرية و آثارها:
(1)شجرة السيدة العذراء مريم.
(2)مسلة سنوسرت.
-١٧

منطقة مصر القديمة و آثارها: بالنسبة لوصولها سهل،، محطة مار جرجس،، خط المرج:
(1)الكنيسة المعلقة.
(2)المعبد اليهودي.
(3)مسجد عمرو بن العاص.
(4)سوق الفسطاط.
(5)مركز الحرف اليدوية.
-١٨

فى النهايةحابة أقولكم ان السعادة مش مرتبطة بفلوس أقل شئ ممكن يسعدنا
المهم اننا ندى فرصة لنفسنا نشوف الدنيا بعين الرضا
اعذرونى لو طولت عليكم
انا اصلى اتكلمت عن حبيبتى اللى كل نسمة هوا فيها بالنسبة لى جمال
بلدنا حلوة وتستحق اننا نتمتع بيها
بلدنا بحبنا ليها
مصر نعمة كبيرة
#تحيا_مصر

@JXX4a4AI584Vcwu اشكرك

@EgyptianSensen شكرًا يا غالية 💕

@EgyptianSensen حياتى I am so blushed 😘❤️
Love you back even more😍

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد