هذا الthread راح أحط فيه معلومات ونصائح متعلقة بالبحث العلمي والنشر، تعلمتها من أبحاثي في جامعتي (Penn State)، جامعتي الحالية للدراسات العليا (KAUST) وجامعة (Cambridge)، بالإضافة للمنح البحثية من (NASA)، وراح أضيف عليه كل فترة معلومات جديدة ❤️. بسم الله:
(١) في بداية الأبحاث، مهم جداً اختيار المجموعة البحثية الممتازة، لكن فيه خطأ كبير يقع فيه الطلاب الجدد وهو البحث وراء أسماء كبيرة في المجال. ليش هذا قد يكون غير مناسب؟ غالباً هذي المجموعات يكون فيها تنافسية عالية + البروفسور يكون مشغول جداً بأشياء أخرى فالمتابعة والتعلم تكون صعبة
(٢) المناسب ومن تجربتي، اختيار المجموعة البحثية بحيث يكون البروفسور فيها عنده خلفية جيدة في مجاله (potential) لكن بنفس الوقت يكون صار له سنتين إلى ١٠ سنوات، فيكون يصنع له اسم ومتواجد مع الطلبة للإشراف والمتابعة (mentorship)
(٣) في وقت التقديم والمقابلة، من حقك تسأل مين رايح يشرف عليك؟ هل البروفسور مباشرة؟ هل فيه post-doc (أبحاث ما بعد الدكتوراه)؟ أو طالب أكبر منك،يحضر الدكتوراه مثلاً؟ هذا يعطيك انطباع عن كيفية عمل المجموعة.شخصياً أفضل إشراف اpost-docs لأن عندهم خبره وهم جوا عشان ينشرون فراح تتعلم صح
(٤) في بداية الأبحاث، خلك عندك مرونة وحتى لو حسيت إن الشخص اللي يشرف عليك ممكن قاعد يخليك تسوي قياسات وتجارب هو المفروض يسويها، عادي وبالعكس أفضل لك. كلها خبرة لك مقابل إشرافه (المجاني)، وكلما كررت الشي تعلمت أكثر وزي ما يقول المثل Practice makes perfect ??
(٥) أسأل، أسأل، أسأل كثيير. هذا النقطة مهمة جداً. إذا شفت إن المعادلات اللي تستخدمها غير اللي تعلمتها في الكلاس، أسأل ليه؟ إذا كانت خواص المادة تختلف عن اللي قريت عنها، أسأل ليه تغيرت؟ إذا طُلب منك تحتفظ بالعينات في مادة معينة، أسأل عشان ايش؟
(٦) في حالة سؤالك، راح تستفيد بأنك تصحح معلوماتك وتضيف لها، أو تصحح الطريقة المستخدمة. تذكرون قصة البنت اللي سألت أمها ليه تقطعين رأس السمكه في الطبخ، والأم سألت جده، قالت لها لأن القدر ماكان يكفي؟ هذي دايم تصير في الأبحاث، أكثر مما تتخيليون. كثير أشياء يسوونها بس لأن تعلموا كذا
(٧) نجي لتوثيق الأبحاث في وقت الشغل. أذكر البروفسور الحالي وقت المقابلة قالي إن أكثر شئ ممكن يزعله لما أسوي تجربة بس ما أقدر أعيدها. خل معاك دفتر في المعمل مناسب لشغلك ووثق بنفس وقت الشغل، القياسات، الوحدات، درجة الحرارة، كل شيء، حتى التجارب الفاشلة وثّقها. وكل يوم أكتب التاريخ!
(٨) إذا كنت تشتغل على عينات ومواد، صوّر موادك ومراحل تكوّنها، خذلك صور جيدة لأن ممكن تستخدمها للنشر ولا تعتمد إنك إذا نجحت التجربة بتعيدها وبتصور بعدين، لا! ممكن تكون المادة او العينة في المرة الأولى أجمل أو أفضل ?
(٩) استخدم الفيديو لتوثيق التجارب الطويلة إن أمكن، راح تستفيد منها جداً وقت البرزنتيشن وفي المؤتمرات العلمية وحتى الأبحاث المنشورة، تحطها في ال(supporting information). هذا الفيديو مثلاً من مجموعتنا يوضح طريقة جديدة (عام ٢٠١٥) لتكون البروفسكايت،صار مشهور?
youtu.be
youtu.be
(١٠) كل بروفسور عنده طريقته في كتابة وإرسال التقارير، أسبوعية مثلاً أو شهرية. شخصياً أفضّل استخدام PowerPoint أنزّل فيه الصور مع الطريقة ونتائج القياسات، أشارك "الملاحظات" أو الأشياء الغريبة اللي صارت وقت التجربة، هذي الملاحظات قد تكون أهم من التجربة نفسها
(11) هذي أمثلة لتقاريري الأسبوعية. في الشريحة رقم ١ نزلت الصور لمحاولات (فاشلة) لصنع thin film. في الشريحة رقم ٢ حاولت أفسّر سبب عدم وجود XRD peaks من خلال مقارنتي لنتائجي بالأبحاث المنشورة ورقم ٣ دايم أختم التقرير بمهام الأسبوع القادم!
(١٢) تقبل النقد ولا تشخصن المواضيع. أرجوك don't take it personally. إذا كان التعليق على طريقة عمل شئ معين، احتياطات السلامة، أسلوب الكتابة، التعليق على البرزنتيشن. راح تقابل ناس بالذات إذا كانوا أكبر عمراً نقدهم جارح. ما يخالف اسكت. مره سمعت دكتور كبير يقول لزميله غبي قدام طلابه!
(١٣) نجي الحين لو اكتشفت شيء جديد أو طلعت موادك أو نتائجها مذهلة. اصبر. لا تروح تمشي وتقول للكل،ولا تقول للبروفسور. اول شئ عيد التجربة، وهل مره وثّقها زين للتأكد وحفظاً لحقوقك،تأكد إنك حريص في كل خطوة. حط كل شئ في تقرير،بلّغ المشرف عليك إذا كان غير الدكتور وأرسل للدكتور،وبشّرنا?
(١٤) خلك مطلع على الأبحاث باستمرار. في البداية راح تحتاج تقرأ أبحاث وكتب كثيره عشان تفهم، وممكن تحس الضياع. عادي! وإذا في شي صعب عليك، تناقش مع زملائك والمشرف عليك. بعد فتره يمكن سنة -حسب- تصير خلصت الأوراق المشهورة ويصير وقت القراءة أقصر، وتقدر بنفسك تحكم على جودة بعض الأبحاث ??
(١٥) فيه عادة جميلة في مجموعتنا البحثية. إذا كان فيه بحث جديد منشور أو حتى قديم ومفيد، نتشاركه على طول! نحطه في ايميل أو Slack ونتشارك ونعلق عليه.. هذا يخليك فاهم التوجه الجديد في الأبحاث وما تكررها، خصوصاً لو البحث نُشِر من أسماء كبيره في المجال
(١٦) أحياناً في نص البحث اللي تشتغل عليه تلاقي طلعت ورقة نفس شغلك وتصير scooped. في هالحالة أول شي إقرا المقالة اللي تحت،بعدين أقرأ البحث اللي اتنشر زييين ويمكن تلاقي أشياء مختلفة،أو تقدر تضيف على بحثك وتستمر عليه. لا تنسحب بسهولة! كلنا قد صارت لنا، عادي?
timeshighereducation.com
timeshighereducation.com
(١٧) طبعاً مشاركة الأبحاث المنشورة، المشاريع الجديدة في القروب أو حتى الفعاليات داخل وبرا الجامعة،انسى مره يعلمونك او يساعدونك لو ما صرت صديقهم! كيف الطريقة؟ طبعاً بالإضافة لأنك تكون محترم، لازم تكون متعاون، ومتعاون جداً. وخلك خفيف نفس ولا تزعل. شارك معهم أبحاث تفيدهم ولاتنقل حكي
(١٨) نجي الحين للنشر في المجلات العلمية. طبعاً المجلات أنواع وأفضلها هي المجلات المحكمة(peer-reviewed journals). في هذي المجلات،بعد تسليم البحث للمجلة، يتم إرساله إلى عدد من الدكاتره المختصين في هذا المجال (غالباً ٣)وما تقدر تعرف مين هم (anonymous) وهم يقيمون البحث ويرسلون للمحرر
(١٩) كيف يتم تقييم مستوى المجلة في الأوسط العلمية؟عن طريق الimpact factor أو معامل التأثير. كيف يُحسب؟ عدد مرات الcitations(الاستشهاد بالبحث) مقسوم على عدد الأبحاث المنشورة في المجلة العلمية خلال فترة زمنية محددة.كلما ارتفع الرقم طبعاً صارت المجلة أقوى وأكثر صعوبة في قبول الأبحاث
(٢٠) في كل سنة شهر June - July تنشر JCR (Journal Citations Reports) تنشر التقييم الجديد للمجلات على صفحتهم على محرك البحث Web of Science.. طبعاً يعتبر حديث الأوسط العلمية وقتها ?
(٢١) هل هذا يعني الimpact factor هو العامل الوحيد لاختيار المجلة؟ طبعاً لا. مهم أيضاً أخذ المجلة المناسبة لمحتوى البحث بعين الاعتبار. فإذا كان بحثك عن ال Nanotechnology ليش ترسل بحثك لمجلة متخصصة في السيراميك؟ سيتم رفض بحثك وإذا قُبل ماراح يلقى الاهتمام المناسب ??♀️
(٢٢) طيب ايش أنواع الأبحاث المنشورة؟ غالباً تكون Articles وهو بحث أساسي يحتوي على معلومات جديدة (original).فيه أيضاً (short letters) أو(communications) وهي مقالات أقصر تحتوي على معلومات مهمة لكن يكون الموضوع واضح ومايحتاج إسهاب ولها عدد كلمات معين. للمزيد:
springer.com
springer.com
(٢٣) لكل مجلة علمية قالب معين للكتابة موجود على صفحتهم ويجب الالتزام فيه. بعضهم يحدد عدد الfigures أو عدد الكلمات. لذلك مهم تحدد المجلة اللي بترسل لها قبل ما تبدأ الكتابة النهائية. هل كل المعلومات تنحط في الورقة العلمية؟ لا. المعلومات الثانوية تنحط في الsupporting informatio file
(٢٤) كيفية ترتيب أسماء الباحثين. صاحب الفكرة واللي كتب غالباً هو الباحث الأول (first author)،وإذا فيه شخص اشتغل معاه بالتساوي يصير كلهم(equal contributors) وينحط على اسمهم علامة. باقي المشتركين ترتب أسماهم حسب دورهم. هل مهم الترتيب؟ طبعاً. بعض المؤتمرات تشترط أن تكون الباحث الأول
(٢٥) بعد إرسال البحث للمجلة، يقرر المحرر إذا كان الموضوع مناسب للمجلة وفي حالة كان مناسب، يرسله لعدد من الprofessors المختصين في نفس الموضوع. يتم الرد خلال ٣ أسابيع إلى عدة شهور في بعض المجلات. كيف تكون الردود؟ أما ينشر مع تعديل بسيط، ينشر مع تعديل جذري، لاينشر، تهزيئ ? أمثِله:
(٢٦) طبعاً الوسط العلمي ليس وسط مثالي. زي أي مجال، ممكن تلاقي تصفية حسابات، واسطة، وعرقلة لنشر الأبحاث من اللي يراجعون البحث، وفي حالات ممكن تلاقي ورقة نفس بحثك طلعت بعد ما سلمت البحث للمجلة، فتشك إن أحد المراجعين طلب من مجموعته البحثية يسوون زي بحثك. لا تصير زيهم أبد. أبد. أبد.
(٢٧) نجي للتعاون البحثي. ممكن يكون داخلي مع مجموعتك أو مجموعة ثانية في الجامعة، أو خارجي مع جامعات ثانية. طبعاً جداً مفيد إذا تم بشكل صحيح. متى يكون غير صحي؟ إذا كانت مشاركتهم في قياسات أو تجارب إنت تقدر تسويها بس كنت كسلان، أو كان دورك زي الوسيط تجيب الناس يشتغلون وانت تحط اسمك
(٢٨) التعاون البحثي الجيد يكون مثلاً لاستخدام مواد أو أجهزة غير موجودة عندك. من خلال تجربتي، غالب الناس تحب تتعاون مره لأنك تفتح آفاق وتطبيقات جديدة لأعضاء المجموعات المتعاونة. وبعض التعاونات تتطلب إرسال أحد الباحثين وبعضها بس المواد أو العينات. وكذا أيضاً تكوّن صداقات خارج محيطك
(٢٩) محركات البحث والdatabases. مهم جداً إنك كباحث تعرف وين وكيف تحصل المعلومة،ومو كل شي موجود على Google. كل تخصص له محركات بحث مشهوره تحتوي على أبحاث،رسائل دكتوراه وملخصات مؤتمرات. تعرّف على محركات البحث واسأل مجموعتك البحثية..بعضها توفر خدمة الإشعارات للأبحاث الجديدة اللي تهمك
(٣٠) محركات البحث قد تتطلب اشتراك. الجامعات غالباً توفر الاشتراك بشكل مجاني للطلاب والمنتسبين لها. أيضاً مكتبات الجامعات توفر كلاسات لاستخدام محركات البحث وكيف تستفيد منها بشكل أكبر. زور مكتبة الجامعة واسألهم عن الخدمات هذي
(٣١) توثيق الاقتباسات أو الcitations. جداً مهم إنك ترتب كل الأبحاث اللي حصلتها في محركات البحث في مكتبة رقمية تقدر ترجع لها+ تستخدمها في الكتابة. وزي ما قلنا قبل،لا تعتمد إن بيصير عندك وقت بعدين إذا بديت تكتب إنك تبحث من جديد. شخصياً استخدم EndNote وأحمل الcitationلكل ورقة بوقتها
(٣٢) إنشأ لك Research profile. الحين السائد للباحثين إنشاء Google Scholar Profile. وهي صفحة شخصية تضيف لها كل إسهاماتك البحثية من أوراق علمية، مؤلفات، براءات اختراع وغيرها. أيضاً توضح لك الh-index والi10-index. وتقدر تتابع باحثين آخرين وتشغل الإشعارات لأبحاثهم. الخدمة مجانية ??
(٣٣) يعتبر ResearchGate الFacebook حق الباحثين. هو موقع يتيح للباحثين نشر نتائجهم وإنشاء مشاريع وتحديثها باستمرار. ميزة الموقع هو إنك تقدر تتواصل مع كل الباحثين وتقدر تكتب أسئلة في تخصصك أو تجربتك ويجاوبونك عليها. وأيضاً يسوي لك إحصائيات لمنشوراتك ويقارنها بالأعضاء الآخرين.
(٣٦) اخرج زكاة علمك. أفضل طريقة إنك تفهم شئ بعمق هو من خلال شرحه للآخرين. بيجونك طلاب كثير أصغر منك أو حتى أكبر لكن ما عندهم نفس علمك، اقتطع من وقتك شوي وعلمهم.. حاول تساعد الطلاب المبتدئين وتحببهم في البحث. شخصياً هذي من أعمال التطوع والpay back المفضلة.. بتشوف البركة فشغلك.
(٣٥) بتحتاج قاعدة correlation doesn't mean causation أكثر مما تتخيل. بس لأنك وجدت مركبات معينة أو بروتين معين في مادتك لا يعني أبداً أنها السبب. أحياناً ينشغل بعض الباحثين في إثبات فكرة ويغفل عن الصوره الكليه اللي قد تكون أهم من نظريته المبدئيه. إذا كنت reviewer انتبه لهالنقطة.
جاري تحميل الاقتراحات...