رتبها

ثريد : كيف تبني كمبيوترك ؟ من الصفر , بإذن الله مرجعكم لتجميع الكمبيوتر بإختصار

فكره انك تبني في الزمن هذا صارت أسهل من الماضي , لكن قبل لا تبني كمبيوترك وتدفع فلوسك لازم أول شي تحدد ميزانيتك + تحدد احتياجك للكمبيوتر ايش ؟ هل هو ألعاب ؟ أو تصميم ؟ أو هاردوير ؟

بعد ما تحدد إحتياجك للجهاز تجي وتجمع الجهاز حقك بسهولة لانك قررت وش راح يكون احتياجك للجهاز .. نجي الحين لـ أنواع التجميعات وراح أقسمها لـ 3 أقسام في التغريدة الجايه

تجميعه الأداء المنخفض : تبي تتصفح ؟ تبي تشوف يوتيوب بس ؟ أفلام .. الخ هذي بسيطه جدا تجميعتها ولا تاخذ منك المبلغ الكبير لأنك راح تدفع قيمه بسيطه على كمبيوتر بسيط !
وراح يتراوح سعر الكمبيوتر من 900 ريال الى 1700 ريال !

تجميعة أداء متوسط : أنسب تجميعة للغالب تقريبا وتشغل ( بعض ) الالعاب بصوره مناسبة معدا الالعاب القوية طبعا 😅
وتختلف الميزانيه حقتها من 1500 ريال الى 2500 ريال !

تجميعه الاداء العالي : طبعا من أسمها تعرف انها حقت كل شي سواء تصميم او العاب او مونتاج او تصفح او اي شي يخطر في بالك وطبعا ميزانيه هذي التجميعه تحددها انت بنفسك لأن مالها أسعار محدده !

طيب ايش هي القطع ؟ او ايش هي التجميعه ؟ تقريبا أقدر اقولك تعريفها بشكل بسيط ( كل شي يحتاجه كمبيوترك عشان يشتغل ) بالعامي يعني كذا وفي التغريدة الجايه راح أشرح لكم القطع بالتفصيل

المعالج Proccesor : هذا هو مخ الكمبيوتر بكل إختصار , المعالج يساعدك على سرعه تصدير الفديو او سرعه تعديل الفديو او الصور او الخ .. ويعتبر المعالج من أهم القطع في الكمبيوتر , طبعا تختلف أسعار المعالجات حسب أداءه

اللوحة الأم ( Motherboard ) : برضو من أهم القطع , هو الي توصل فيه كل قطعه في جهازك سواء المعالج او كرت الشاشه او الهاردسكات او كرت الصوت بإختصار هي القاعدة الأساسية للقطع وتختلف اللوحة حسب قوتها !

صندوق الكمبيوتر ( Case ) : طبعا واضح , هو الي يقوم بجمع قطعك بالكامل ويختلف من كيس الى كيس , من ناحيه الشكل و الحجم و المراوح ويوجد منه 3 أنواع تقريبا أشهرها
mid tower
full tower

ذاكرة الوصول العشوائية ( RAM ) : الرام وظيفته يقوم بتخزين بيانات كمبيوترك , هو المتحكم بسرعه تشغيل البرامج - الالعاب ويساعدك في تشغيل اكثر من برنامج مع بعض بدون تعليق , طبعا على حسب عدد الرامات الي تحتاجها !

كرت الشاشة ( Graphics Card ) : هو المعالج للجرافيكس وهو الي توصل شاشتك فيه , وهو الي تحتاجه للالعاب القويه او المتوسطه او الضعيفه

القرص الصلب ( Hard Drive ) : كلنا نعرفه اكيد هو ذاكره التخزين في الجهاز , سواء صور او أفلام او اغاني او العاب ما يحتاج له تعريف أكثر

وحدة تزويد الطاقة ( power supply ) : هو مزود الطاقه للكمبيوتر بشكل عام يعني , اذا كان جهازك قوي جدا ومن الفئة العاليه راح تحتاج power supply من فئه قويه جدا

في التغريدات الجايه ان شاء الله راح أحط لكم بعض المواقع و الاماكن الي تقدرون تشترون منهم قطع الكمبيوتر والموضوع بسيط جدا ..

@ibrshm ابشر بس ماخلصت الثريد للحين

@helloworld6365 @ArReddit ابشر

الـ SSD : تعريفه بسيط , أسرع من الـ HDD بكثير , عمره الافتراضي اكثر من الهارديسك العادي , وتميز بسرعه القراءة , سريع في فتح الملفات او الالعاب او الخ بنسبه 30% , الحجم أصغر من الـ HDD , التغريده الجايه تبين سرعه تشغيل الجهاز والفرق بينهم

الفرق واضح , مو بس بشتغيل الجهاز , حتى في تشغيل الالعاب القويه الي فيها Loading !

@Moath482 عادي بس اهم شي الويندوز يصير على الـ ssd

نستكمل الثريد اليوم ان شاء الله , وراح احط لكم المواقع المضمونه لطلب القطع , سواء كانت محلية ولا خارجيه , عطوني اقتراحتكم او اسألتكم وراح ارد ع الجميع

مواقع شراء قطع الكمبيوتر الخارجية :
1- الموقع المشهور أمازون amazon.com
2- موقع NewEgg موقع الماني شهير ومضمون newegg.com
3- موقع memoryx.com يدعم الشحن المباشر , حقيقي ماجربته !
4- موقع microcenter.com ممتاز لكن ما يدعم الشحن

مواقع شراء قطع الكمبيوتر المحلية :
1- طبيب الكمبيوتر pcd.com.sa ( يعتبر الافضل بالسعر)
2- موقع electroon.com ( جيد لكن الاسعار نار )
3-سوفت لاند softland.com ( كويس لكن الاسعار برضو نار النار)
هذي اشهر 3 محليا ..

pcd.com.sa

electroon.com

softland.com

طبعا يا اخوان انا للاسف اقولها يعني , ما أنصح بالشراء المحلي أبد أبد وذلك بفرق الاسعار , ما أحب اقطع رزق أحد لكن بوضح لكم شي , هذا الفرق بين السعر المحلي والخارجي !في امازون سعر الكرت 2800 ريال , والمحلي 3700 ! الفرق واضح جدا

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد