ثريد ... "اختفاء الهنود الحمر"
من المعروف ان الهنود الحمر هم السكان الاصليين لقاره امريكا، وان سكان امريكا الحاليين ما هم الا مستعمرين اولاد مستعمرين، بس عمرك سألت نفسك الهنود الحمر راحو فين؟، هل اختفو زي الديناصورات كده بشكل طبيعي، ولا اختفائهم كان مدبر وليه ابعاد سياسيه!
من المعروف ان الهنود الحمر هم السكان الاصليين لقاره امريكا، وان سكان امريكا الحاليين ما هم الا مستعمرين اولاد مستعمرين، بس عمرك سألت نفسك الهنود الحمر راحو فين؟، هل اختفو زي الديناصورات كده بشكل طبيعي، ولا اختفائهم كان مدبر وليه ابعاد سياسيه!
البدايه كانت سنه 1492 لما خرج المستكشف كريستوفر كولومبوس ف رحله بحريه بحثا عن طريق تجاري جديد للصين والهند، وبالصدفه يوصل لامريكا الشماليه اللي اعتقد انها جزر تابعه لقاره اسيا واطلق عليها اسم "الهند الغربيه"
اما بالنسبه لشعبها اللي لقاهم عايشين هناك، اطلق عليهم اسم "الهنود الحمر" لان بشرتهم كانت بتميل للون الاحمر، ولكن كولومبوس فضلت معرفته بامريكا مقتصره علي انها جزر تبع اسيا، ومأدركش انها قاره منفصله
لحد سنه 1499 لما اثبت Amerigo Vespucci اللي هو بالعربي بيتنطق امريكو فسبوتشي، ان المكان الجديد اللي اكتشفه كولومبوس مش تبع اسيا، ولكنه قاره منفصله مكنتش معروفه قبل كده، وبعدها اتسمت امريكا نسبه لاسم امريكو فسبوتشي، وكولومبوس اللي اكتشف المكان اصلا مخدش ساندوتش كبده حتي
طيب شخص ذكي يسأل سؤال ذكي برضه ويقول: هم الهنود الحمر وصلوا لقاره امريكا ازاي اصلا؟ لان علي حد معرفتنا، بدايه البشريه كانت ف افريقيا واسيا واوروبا، غير كده كلها كانت اماكن تخلوا من البشر.. يبقي اكيد الهنود الحمر ناس هاجرت من القارات دي لامريكا!!
سؤال ذكي عزيزي القارئ احب احييك لان مستوي ذكائك بدأ يزيد كل ثريد عن اللي قبله، قبل الاف السنين من اكتشاف كولومبوس لامريكا، هاجر الهنود الحمر عن طريق "مضيق بيرنج" وده اللي بيربط بين اسيا وامريكا الشماليه، وعاشوا ف امريكا حياه بسيطه بدائيه جدا
اعتمدوا ع الزراعه والصيد، واتعاملوا بالمواثيق الشفهيه، يعني الراجل ميرجعش ف كلمته، وده بيفسر تعظيم الهنود الحمر للصدق، واهتمامهم بالجانب الروحاني اللي وداهم ف داهيه، وهفهمك ليه بقول وداهم ف داهيه
لو حد سأل نفسه، هم الهنود الحمر لما لقيوا كولومبوس والناس اللي معاه جايين القاره بتاعتهم عملوا ايه؟، هل هاجموهم؟ مع العلم ان الطبيعي انهم يهاجموهم لان دول ناس جايه تدخل بيتك بالقوه، لكنهم مهاجموش المستعمرين وده بسبب الجانب الروحاني اللي قولتلك عليه، طب ليه برضه مش فاهم؟
الهنود الحمر كانوا مؤمنين ببعض الاساطير ف معتقداتهم الدينيه، اللي كانت بتقول ان الالهه هتيجي تنقذهم من الشرور عبر المحيط، وكانوا بيجمعوا الدهب طول عمرهم عشان يقدموه قرابين للالهه دي عند وصولها، وكان فيه ناس كل وظيفتها انها بتراقب الشط مستنيه وصول الالهه
المعتقدات دي كانت سبب كفيل ف اعتقاد الهنود الحمر ان كولومبوس وال معاه هم الالهه المنتظره، ف استقبلوهم بالورود، وادوهم كميات كبيره من الدهب، وهنا زادت اطماع المستعمرين ف المكان، عالم جديد فيه شعب بدائي سهل التخلص منه، هتلاقي فين مكان احسن من كده عشان تبني مركز قوه للعالم "امريكا"
ولما ادرك الهنود الحمر ان مش دول الالهه المنتظره، دارت مجموعه من الحروب الغير متكافئه بين المستعمرين الاوروبيين اللي عندهم خبره حربيه وعسكريه ومعاهم احدث الاسلحه، وبين الهنود الحمر بادوات الصيد البسيطه وخبره معدومه ف الحروب، وطبعا الهنود الحمر مقدروش يستمروا ف مواجهه المستعمرين
وبدأ المستعمرين عمليات الاباده للهنود الحمر، وقتلوا النساء والاطفال والشباب، وحرقوا محاصيلهم عشان يموتوا م الجوع، وسمموا آبار الميه وحطوا فيها ادويه تسبب العقم عشان ينهوا وجود الهنود الحمر تماما، وارتكبوا ابشع المدابح ف حق الاف من الهنود الحمر
زعماء القبائل من الهنود الحمر بعد م حسوا ان كل حاجه بتروح منهم، وان شعبهم بينتهي، طلبوا يعملوا معاهدات سلام مع المستعمرين، بهدف حمايه اراضيهم وشعبهم
طبعا المستعمر اتبسط، هعمل معاهده سلام واتساوم علي حاجه مش من حقي اصلا، يبقي كده عظمه، المهم ان المستعمرين حددوا اماكن معينه يسيبها الهنود الحمر خالص، لان المستعمرين هيزرعوها او هيبنوا فيها مصانع
المصيبه بقي حصلت ازاي، مع كل معاهده واتفاقيه كانت بتتم بين المستعمرين والهنود الحمر، كان المستعمرين عشان يبينوا حسن نيتهم، بيهدوا الهنود الحمر بطاطين، ايوه فين المصيبه بقي
المصيبه ان البطاطين دي جايه من المصحات الاوروبيه محمله بالامراض والجراثيم زي الجدري والطاعون والدفتريا والحصبه والسل والكوليرا، عشان اللي مماتش بالبنادق يموت بالمرض بدون اي مجهود من المستعمر، وكانت الخطه دي بدايه لنوع جديد من الحروب اسمه "الحروب البيولوجيه"
الحرب البيولوجيه قدرت تقضي علي ٨٠ % م الهنود الحمر، وبعدها السلطات الاستعماريه رصدت مكافئه لكل اللي يجيب راس شخص م الهنود الحمر، سواء رجل او امرأه او حتي طفل، والجوايز كانت عباره عن ١٠٠ جنيه استرليني لراس الرجل، و ٥٠ لراس المرأه او الطفل
لك ان تتخيل عزيزي القارئ وحبيب قلبي، ان الصيادين كانوا بيلاقوا صعوبه ف نقل الرؤوس ف العربيات بتاعتهم من كترها، ف عشان يخففوا الحموله بدل م كان مطلوب منهم يجيبوا الراس، اكتفوا بفروه الراس، يعني يسلخوا الدماغ!! وكده يقدروا يحملوا كميات اكبر ف العربيات
الموضوع وصل لطريقه وحشيه جدا، لدرجه ان الصيادين بدأوا يصنعوا هدومهم من جلود الهنود الحمر
السفاح الانجليزي "لويس وتزل" بيقول ان غنيمته من فرو راس الهنود الحمر كانت تقريبا ٤٠ فروه راس ف الطلعه الواحده!! يعني بيقتل ١٢٠٠ شخص ف الشهر!! وطبعا عاش سنين كتيره هناك ف تخيل قتل لوحده قد ايه، بالمناسبه "وتزل" دلوقت يعتبر من ابطال التاريخ الامريكي
الموضوع تطور وبدأوا يعملوا حفلات سلخ وتمثيل بالجثث، "جورج روجرز كلارك" وهو احد ابطال التاريخ الامريكي برضه!! ف حادثه شهيره عمل حفله سلخ ل ١٦ هندي وطلب من الجزارين يتمهلوا ف السلخ عشان المشاهدين يستمتعوا بشكل الهنود الحمر وهم بيتعذبوا
الرئيس اندريه جاكسون اللي صورته موجوده ع ورقه العشرين دولار، كان احد عشاق حفلات السلخ، وكان بيحب جدا يقطع انوف واذان الضحايا زي م شريف النمس كان بيحب يحتفظ بصوابع اللي بيقتلهم، وتمت احد اكبر حفلات السلخ برعايته، تم فيها سلخ اكتر من ٨٠٠ شخص
المستعمرين بكل وضوح سرقوا اراضي وارواح الهنود الحمر، عمليات اباده جماعيه راح ضحيتها اكتر من ١١٢ مليون شخص، وف خلال ١٥٠ سنه ينقص عددهم عشان يبقي ربع مليون ف اخر احصاء اتعمل ف سنه 1900
الابشع من ان امريكا "القوي العظمي" اقامت حضارتها علي جثث الهنود الحمر، انهم شايفين ان عمليات الاباده دي مجرد اضرار بسيطه، وكانت ضريبه صغيره لنشر الثقافه والتحضر!!
١٥٠ سنه من القتل والاضطهاد مارسها المستعمر ضد الهنود الحمر، استعمل فيها ابشع طرق الاباده، ولما بتبص ع الافلام الخياليه وتشوف ايه اكتر شخصيه مشهوره كانت بتدعم فكره الاباده، هتلاقي ثانوس ف افنجرز يعتبر اشهر مثال
ولك ان تتخيل ان حتي ف احداث الخيال، ثانوس كان عايز يمحي نص الوجود بس والنص التاني يعيش ويعمر الكون من جديد، ولكن المستعمرين كانوا اكثر شرا من ثانوس، كانوا عايزين يمحوا الوجود كله، ويبدأوا من جديد!! عزيزي القارئ اشرار الواقع قد يكونوا اكثر سوءا من اشرار السينما
"ريشه الاوزه البيضاء"
السؤال ال اكيد بيلح عليك دلوقت، هل لسه فيه هنود حمر عايشين؟، الاجابه ايوه، عايشين ف امريكا ف محميات محدده تفتقر للخدمات التعليميه والصحيه، وبتمارس ضدهم العنصريه باسوأ الطرق، والمحميات ال موجودين فيها، موجود جنبها مناجم الزئبق ال بتسمم ال عايشين حواليها
السؤال ال اكيد بيلح عليك دلوقت، هل لسه فيه هنود حمر عايشين؟، الاجابه ايوه، عايشين ف امريكا ف محميات محدده تفتقر للخدمات التعليميه والصحيه، وبتمارس ضدهم العنصريه باسوأ الطرق، والمحميات ال موجودين فيها، موجود جنبها مناجم الزئبق ال بتسمم ال عايشين حواليها
طب هم ليه مبينزلوش ف الاماكن العامه ويطالبوا بحقهم، الفكره ان المستعمرين زمان راحوا لاحد رؤساء القبائل "بلاك هوك" وخلوه يمضي علي وثيقه بتنص علي تنازله عن قريته وانتقاله لاماكن محدده "محميات" ،وتم التوقيع علي المعاهده من خلال ريشه الاوزه اللي هي بتبقي فوق دماغ الهنود الحمر
الفكره انه اصلا مكنش بيعرف يقرأ، وقال بعد م عرف محتوي المعاهده، ان كل اللي عمله انه لمس الورقه بريشه الاوزه ومكنش عارف انه بكده تنازل عن قريته، ولغايه النهارده الهنود الحمر محبوسين وبيعانوا بسبب .. ريشه الاوزه!!
ف النهايه حابب اقول ان مفيش حد سوي يحب او يقبل تعذيب غيره، الا الكيانات الحقيره اللي بتفتقد للتاريخ، زي الكيان الصهيوني مثلا اللي بيحاول يعمل ف فلسطين زي م المستعمرين عملوا مع الهنود الحمر، بس لو الهنود لونهم احمر، ف اسرائيل ليلتها سوده، ولنا عوده يا عره العالم
حقيقي لو قرأت ف التاريخ هتلاحظ ان فيه تشابه بين احداث دلوقت واحداث زمان، وبرضه لو بصيت علي ثريد الثريد اللي ف اول تويته علي صفحتي وشوفت الثريدات اللي فاتت هتلاحظ ان فيه تشابه برضه لان انا اللي كاتبهم تخيل، مفاجأه مش كده، شكرا
المصادر
وشكر خاص للكاتب "بدر عبد الله" اللي استفدت جدا ف الثريد ده من احد مقالاته
وشكر خاص للكاتب "بدر عبد الله" اللي استفدت جدا ف الثريد ده من احد مقالاته
جاري تحميل الاقتراحات...