رتبها

في هذه السلسلة بتكلم عن نصائح تساعد في جعل سفرك اكثر أريحيه و نقاط يغفل عنها الكثير و دائما تسبب ارق في السفر و عن تجربة .. 😅

١-عشان تتفادى بهذلة التفتيش لا تلبس جزمة فيها حديد و انت بكرامة عشان ما تضطر تشيلها
٢-البس جزمة قماش عشان التهوية لقدمك و للشراب ، بتقضي وقت طويل اثناء السفر لابس الجزمة لذلك اريح الجزم في السوق وعن تجربه Go walk 4 من شركة سكيتشرز و خياري المفضل ultraboost اديداس مريحه جدا

٣-اذا بتلبس ثوب ، البس ثوب بدون كبك عشان وقت التفتيش ما ياخذ منك وقت او يضيع عليك !

٤-اذا بتلبس بنطلون لا تلبس حزام عشان تمر من التفتيش بشكل اسهل !
٥-البس سروال خفيف (ترينق رياضي ) زي الصور او سروال مريح لك لان بالسفر اهم شيء راحتك خصوصا السفر الطويل و بالأخير انت مو رايح عزيمة شيل هم راحتك بنسخ وتناسب مع ذوقك الخاص

٦- الشاحن المتنقل ضروري تخليه قريب منك هو والسلك لذلك لا تخليها في العفش عشان ما تتورط ! 😅
٧-خذ معك شنطة صغيرة اذا ما تحب استخدام الشنط الظهرية زي اللي في الصورة و حط أغراضك فيها مثل خاتم زواجك ساعتك او جوالك و المتنقل قبل التفتيش عشان ما تطيح من الصندوق و توصل لها بشكل اسرع

٨-اذا مسافر للخارج ضروري يكون معاك كبس عالمي يعني يركب على اي فيش في اي دولة ، اجود نوع عن تجربة موجود بالصورة
٩-ضروري ويفرق في راحتك كثيييير ونومتك خصوصا بالرحلات الطويلة وجود سدادات الأذن و غطاء للعين اهم من شاحن جوالك بالذات اذا تحب تنام بالطيارة 😅

١٠-لا تضع الاب توب في الشنطة اللي معاك في الطيارة لانك بتضطر تفتح الشنطة و تطلع على التفتيش لوحده بسبب عدم وضوح تفاصيله عند المرور على جهاز التفتيش ❌، احرص على حمله لوحده او بشنطتك الظهرية و اذا ما عندك خليه فوق بالشنطة اللي بالطيارة بحيث يسهل وصولك له عند فتح الشنطة!

١١-اخيراً بالنسبه للشنطة اللي تطلع الطيارة معاك شركات الطيران تمنع دخول الشنطة اذا وزنها اكثر من٧ كيلو ولازم ما يتجاوز ارتفاعها ٥٥ سم و عرضها ٣٥سم و عمقها ٢٥ سم ! ❌
١٢-لذلك اي شنطة تشتريها تأكد من ابعادها و وزنها الفعلي لان شركات الطيران بالخارج تدقق اكثر من هنا عشان تضطر تدفع!

تابع ١٢- عشان تضطر تدفع مبلغ للشحن و غالبا يكون عااالي و تتورط ! شركات الطيران المحلية تمشي الوزن اذا كان اكثر من ٧ كيلو طالما ان حجم الشنطة في حدود المسموح به
١٣-الصورة الاولى للحجم المناسب و الثانيه فرق بسيط بالحجم ولكن يمشوها غالبا المهم تأكد من وجود العبارة اللي جنبها علامه

١٤-الشنطة اللي معك بالطيارة خذ وحدة بكفرات وتكون فايبر لسهوله التنقل بها بالذات في المطارات الكبيرة ، افضل ماركة و ضمان مدى الحياه عن تجربه شخصية هي Herschel و ايضا لجميع مستلزمات السفر

١٥-خذ معك لبان او حبوب المص او سواك لإنعاش الفم و اعطاءه رائحه طيبة ✨
١٦-خذ معك بنادول احتياط لو صدعت 😅
١٧-خذ معك لوزين تصبيرة و سنكرز يسد جوعتك لان السعر في الطيارة او المطار دبل ❌

١٨-احجز مقعدك بجانب الممر او بجانب الطاقة بحيث تتكئ عليها اذا بتنام لانها الأريح ، تجنب لبس أشياء معدنيه لانه بتتعبك بالتفتيش ، او قبل التفتيش خليها بالشنطة الصغيرة اللي فوق صورتها 👍

و اخيراً ، رحلة سعيدة و توصلوا بالسلامة يا رب 💁🏻‍♂️♥️🛫

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة