_ في هالتغريدة راح أخبركم عن المواقف اللي صارت لي في غرفة العمليات كمريضة?♥️
أول عملية سويتها كانت تاريخ ٢٠١٧/١/٣ وكنت متنومه في المستشفى بعد آخر اختبار فاينل ف السنة الثالثة في الجامعة تاريخ ٢٠١٧/١/١ وجلست انتظر دوري ف العلميات يومين لأنه صار في زحمة طواري .. ف كل يوم كنت أصوم احتياط من اللليل لين العصر عشان اذا جات فرصة تتسوى عمليتي أكون جاهزة وصايمة
تاريخ ٢٠١٧/١/٣ صار في فرصة لعمليتي الساعة ٥ العصر وكنت جداً خائفة من فكرة دخولي لغرفة العلميات بحكم القصص اللي سمعتها في التخصص عن حالات للأطباء والسوكليات الغير أخلاقية، بمجرد ما دخلت وفارقت اخواني عن باب العلميات بدأ مخي يشتغل ويفكر ف كل سيناريو سيئ ممكن يصير لي وأنا في العملية
أول ما تدخل غرفة العلميات يخلونك ف ممر لتبادل الأسرة واستيلام المرضى وتسجيل الحالة وتأكد من مطابقة المريض مع الجدول المحطوط وانه نفس المريض المطلوب للعملية التالية، خلوني وقت انتظار كبير ف هالممر وأذكر كان في مريض توه مخلص عمليته ومخلاي ف غرفة الإفاقه والغرف مفتوحة ع بعضها ف تقدر
تشوف وتسمع شو يصير بين الممر وغرفه الافاقة ، كان الرجال تحت تأثير المخدر وتوه بادي يصحى ، والله الصراخ اللي سمعته منه كأنه ولد صغير وضعيف وينادي أبوه??، ويقوله ليش خليتني وبعدها عرفت إنه رجال كبير بسس كان يتألم واستوعبت إنه الإنسان مهما كبرت بيظل ضعيف ومحتاجة أهله وأحبابه
أنا من سمعته يصرخ قمت أصيح مكاني??،، لأنه خوفني زيادة وعور قلبي كيف كان ينادي أبوه. بعدها شافتني ممرضة الممر وراحت تنادي الدكتور إنه هالبنت تصيح ، أذكر لما جاء عندي وجلس يسألني ليش تصيحي وخبرته انه من الصراخ كيف يخوف ، ف راحو نقلوا الرجال مكان ثاني لأنه المفروض أفاق ولازم يرجع
بس التنشيقه والصياح ما مع حد أنا ههههههه ، بعدها جلس يسألني الدكتور ويحاول ينسيني الموقف وإنه الموضوع عادي الله يجزيه الخير ، وبعدها جاء دكتور عراقي وجلسوا يخبروا بعض ليش أصيح?? ،، ف هالأثناء أنا أسمع حد يغني وصوته جميل ما شاء الله ، بعدها جاء دوري عشان أنتقل لغرفة العلميات
سبحان الله طلع اللي بينقلني واحد منهم اللي يغني والله صوته جميل طول الدرب للغرفة وهو يغني أحسني نسيت الوجع وأنا ف الدرب ، المهم وصلنا لغرفة بيضاء وليتات ضخمممة ف النص وسرير أخضضر ?? الرعب الحقيقي ، انتقلت من سرير النقل ل سرير العملية وكانت عمليتي المغرب ونص الدكاترة متفرغين
فـ دخل ف عمليتي ٥ دكاترة رجال من حنسيات مختلفة?? ودكتورة وحدة بنت للتخدير هنا زاد الخوف ٢٠٠ درجة، وبدأ دور الصياح مره ثانية ???... ف انتبهوا عليّ ف كانوا يحاولوا يهدوا الموضوع ويسألوني عن الجامعة وكيف التخصص وإني قانون ف لازم ما يغلطوا معي والا برفق عليهم قضية ههههه كله عشان
أضحك وأنسى الصياح ??، بس ما شيء فائدة ، بعدها الدكتورة انتبه لنظرتي لهم إنه فيها خوف ورعب ف قالت لهم سكتوا أنتو تخوفوها زيادة??( الله يجزيها الخير) ف جات عند أذني وقالت لي لا تخافي أنا بكون معك لين تخلصي وما بخليك بروحك?♥️،، جداً فرحت بكلامها وكيف طمنتني (الله يرزقها الجنة)
جلست ف العملية تقريباً ٤-٥ ساعات وطلعت الساعة ٩ بالليل ولأنه التخدير قوي ع جسمي انخفضت درجة حرارتي بقوة ، واضطروا يحاولوا يرفعوها بسرعة ، ومن غير الإرجاع والحالة??، ومن صيحت رجعوني لغرفتي وكانوا اخواني ينتظروني ، اذكر كنت ابى ماي والدكاترة مانعين يغطوني شيء لا ارجع زيادة
جلس أخوي ينازعهم وميف ما تعطوها ماي وهي عطشانه وتصيح???، المهم اختي هربت لي ماي بدون لا يدرون وبعدها قدرت أنام ب سلام وصحيت اليوم الثاني بألم كبير مكان العملية بس خفنع المهدئات والحمدلله صرت أحسن وبس هذه قصتي مع العملية الأولى بعدين بخبركم عن العمليات الثانية بس جد عندي أمنية
أتمنى أشوف دكتورة التخدير مره ثانية وأشكرها من كل قلبي ع كلامها اللي ما أنساه لحد الحين♥️♥️ ربي يوفقها يا رب
@Rattibha رتبها!
جاري تحميل الاقتراحات...