متى تعرفي انك تاثرتي بالفكر النسوي (النسويات) لما تحسي ان نفس الاهل اللي تحبينهم بالامس صرتي تكرهينهم اليوم، لما تحسي نفسك ساخطه على الدين لما تتغير نظرتك لابوك واخوك وامك، راجعي نفسك وسوي كنترول! واعرفي ان اهلك هما هما ماتغيروا بس نظرتك بسبب التحريض عليهم تغيرت،
ترى نحنا بشر نخطي ونصيب محنا ملائكه انت تخطي انا اخطي ابوك يخطي امك تخطي بس في فرق بين اننا نمسك على الوحده وفي فرق اننا نعرف انه مانتعامل مع ملائكه مع بشر ويمكن اخطائنا عليهم اكثر بس مانحس وممكن نشوف شي سووه لنا غلط بس بعد فتره نكتشف انه صح وكان لمصلحتنا
تعرفي ايش الفرق اليوم انك كنتي اول عارفة انها اخطاء بشريه وكنتي تفوتي الغلط لانك عارفه انه مو مقصود وانه الخطا الواحد اللي يسوونه قدامه مليون صح سووه عشانا بس صرتي ماتركزي على الايجابيات الكبيره اللي سووها عشانك وبالمقابل تركزي على السلبيات مهما كانت بسيطه،
لاتستهيني بالتحريض ابدا لو ماكان التحريض عامل مؤثر ما كان اعتبر التحريض جريمه بكل دساتير العالم لاتستهيني بالتلاعب بالعواطف اللي اثر باصلب الرجال واقواهم واذكى البنات وافطنهم العوامل الخارجيه دائما تاثر على الانسان والتحريض على الدين والاهل والمجتمع مو شي عفوي شي مدروس
عشان فجأه تلقين نفسك وحيده في عالم مادي قذر فيه اكبر نسب اغتصاب واضطهاد وتفكك اسري في العالم عالم الغرب اللي خلوه ملاذك الوحيد بعد ما شوهوا كل صوره لك في عالمك وظلموها واول ناس راح يتخلوا عنك في غربتك هما نفسهم اللي حرضوك على الغربه وعلى اهلك
هما نفسهم اللي حرضوك على ان الزواج عبوديه وخضوع وبعد فتره تكتشفي انهم تزوجوا وعايشين بين اهلهم وازواجهم وانت مشرده ودمروا حياتك وابعدوك عن اهلك .
جاري تحميل الاقتراحات...