ثريد قصير على هامش اللاشيء
شخصية د. رفعت إسماعيل في ما وراء الطبيعة هي تقريبًا أكتر شخصية روائية عربية متعوب في تصميم تفاصيلها ودواخلها النفسية وعصبيتها ولامبالاتها وفلسفتها في الحياة، وبتلعب ع الحد الفاصل بين العدمية والتدين الشبه شعبوي
شخصية د. رفعت إسماعيل في ما وراء الطبيعة هي تقريبًا أكتر شخصية روائية عربية متعوب في تصميم تفاصيلها ودواخلها النفسية وعصبيتها ولامبالاتها وفلسفتها في الحياة، وبتلعب ع الحد الفاصل بين العدمية والتدين الشبه شعبوي
شخصية اتغزلت بمهارة وبطء وتؤدة على مدار أكتر من 20 سنة مر بها مؤلفها بمختلف الخبرات الحياتية، وحط فيها من روحة وحياته وهوا بيصنعها عشان تبقى حية على الورق وفي وجدان القراء اللي فعلًا بيتعاملوا معاها على هذا الأساس
شخصية بهذا التعقيد بالإضافة للشخصيات الأخرى زي هاري، د. لوسيفر، سام كولوبي، عادل، ماجي، هن تشو كان والآخرين محتاجة ممثلين تبقي هيا دي أدوارهم الملحمية، اللي بتركب عليهم زي كيڤين سبايسي في دور فرانك أندروود في مسلسل House of cards أو هيو لاري في House M. D
الأهم إن دي سلسلة معمولة في أكثر من دولة فهتحتاج ميزانية تقيلة + ميزانية الجرافيكس لأن ده مسلسل رعب وهتعوز كذا سيناريست صايع يظبط الحوارات العربي -باللهجة المصري-، الإنجلش واللغات التانية.
سياق الرواية نفسه هيبقى من منظور شبه house of cards مثلًا والكادر كل شوية يقف ورفعت يستطرد ولا هيبقى طبيعي، وهل هتجيب اتنين ممثلين واحد رفعت وهوت كبير وواحد رفعت وهوا صغير ولا إيه؟
تسؤلات كتير مخلياني مش متفائل بالمسلسل وشايفه أكبر حرفيًا من أي منتج أو مخرج مصري، ده مش رواية عابرة لأحمد مراد هتتعمل فيلم.. دي سلسلة أكتر من 80 عدد محتاجة تتعمل بتاع 80 حلقة باحترافية رهيبة وتبقى مخدومة كويس، وراكبة على الزمن لأن السلسلة اتكتبت على مدار عقدين.
وفعليًا مش شايف أي بشائر تخليني أتفائل وشايف إن العمل ده لو هيتعمل ملوش حل غير إن شركة إنتاج أجنبية تعمله.
أتمنى أكون مخطئ يعني، بس حتى الآن لس أعتقد هذا.
جاري تحميل الاقتراحات...