هذا الثريد إهداء إلى @LaBanshy ،،،،،
لأنها كتبت ثريد من فترة عن أفيشات الأفلام وعن إنها معبرة عن الرسالة اللي بيقصدها الفيلم وملهمة إلى حد كبير ،، النهارده حابب اكلمكم عن الأفلام نفسها وعن دورها مش في حياتي بس .. لأ ... يمكن ف حياة جيل كامل
لأنها كتبت ثريد من فترة عن أفيشات الأفلام وعن إنها معبرة عن الرسالة اللي بيقصدها الفيلم وملهمة إلى حد كبير ،، النهارده حابب اكلمكم عن الأفلام نفسها وعن دورها مش في حياتي بس .. لأ ... يمكن ف حياة جيل كامل
بابا الله يرحمه كان في شبابه من الشباب اللي نقدر نسميهم شباب روش جدا وكان مغرم بالسينما وعاش مرحلة شبابه في فترة ذهبية الخمسينيات والستينيات ومكانش بيفووت فيلم أجنبي ينزل السينما غير لما يدخله ،،، ومكانش بيدخل أفلام عربي غير أفلام يوسف شاهين
طبعا بعد ما عاش فترة الروشنة الجامدة دي اتجوز وخلف ودار ف الساقية زي كل الاباء التقليديين بس اشترى تليفزيون في اوائل السبعينيات واحنا اتولدنا لقينا التليفزيون ف البيت وطبعا كان هو الموجه العام لكل اللي بنشوفه ومكانش فيه غير قناتين بس الاولى والثانية
وكان فيه برامج رائعة لعرض الأفلام الأجنبية عالتليفزيون زي ( برنامج نادي السينما ف سهرة السبت عالقناه الاولى وبرنامج أوسكار ف سهرة الخميس عالقناة الثانية ) مكانوش بيعرضوا غير الأفلام القييمة فعلا واللي حصلت على جوائز عالمية ولها قيمة فنية عالية ،،
وطبعا هو كان شاف معظم الأفلام دي في السينما وهو شاب وكان بيخلينا نشوف الافلام دي لما تيجي ف التليفزيون ويشرحلنا ويفهمنا المعنى من الفيلم أو الرسالة اللي بيوصلها وخلق جوانا معنى إزاي نستمتع بالفيلم وبكل عناصره تصوير وديكور وإخراج وسيناريو وكل حاجه
من هنا بدأت ابقى مغرم بالأفلام الأجنبية وأتابعها بشغف ،،، ف التليفزيون طبعا وعنيا فتحت ف صباي على روائع السينما العالمية من أول ذهب مع الريح ومش هاوصف لكم إزاي أنا كمان وقعت ف حب فيفيان لي ثم كازابلانكا وروعة أداء همفري بوجارت ووداعا للسلاح وروك هدسون الوسيم وسبارتكوس كيرك دوجلاس
وكيلوباترا وتيتانيك نسخة ١٩٥٨ و فيلم الاب الروحي الجزء الأول وبلاتون ١٩٨٦ ،، وعشقت كل النجمات وعشت معاهم قصص حب ف خيالي إيستر ويليامز ، وآنا مانياني ، صوفيا لورين ، وانجريد برجمان ، سوزان هيوارد ، وكل النجمات لأني كنت بعيش معاهم قصة الفيلم وأحب البطلات فعلا
دا غير إعجابي بالنجوم الأبطال واللي كان أهم شيء بيميزهم الوسامة اللي تحسها في طلته عالشاشة ،،، لكن الغريب إني محبتش خالص مارلين مونرو ( هي أثارتني آه ) لكن محبتهاش - باتكلم على مشاعري ووجداني - ومتخيلتش نفسي في قصة حب معاها ولا مرة ،، صفي النيه لو سمحت
المرحلة دي ف حياتي شكلت وجداني والأفلام دي كان ليها أثر كبير في تكوين اتجاهات أفكاري ،، ومن أهم الأفلام فيلم الكونت دي مونت كريستو النسخة القديمة خالص بتاعة روبرت دونات ( اللي عمل دور ادموند دانتيس ) وفيلم كازابلانكا والعجوز والبحر ووداعا للسلاح وفيلم شاي وحنان و ذهب مع الريح
بعدها كبرت شويه ودخلت مرحلة تانية واتحولت الاهتمامات بالافلام المثيرة أكتر حركة وجنس وعشنا بقه مرحلة زي اللي شفتوها ف فيلم ( فيلم ثقافي ) والبحث عن افلام الفيديو اللي مبتتعرضش ف التليفزيون وفيها لقطات مثيرة أو ساخنة أو مشاهد إباحية صريحة زي بودي ايفدانس ل مادونا
أو غريزة أساسية ل شارون استون ومايكل دوجلاس والأفلام المماثلة حتى العربي ذات المستوى الهابط لكنها فيها عري وإثارة كنا كشباب مراهق بندور عليها ونجيبها من تحت الأرض ....... وخلصت المرحلة بسلام وزي ما بيقولوا ( كل واحد بيرجع لأصوله ) رجعت بعد النضج أدوور عالأفلام ذات القيمة والمعنى
قيمة فنية كصنعة في حد ذاتها أو قيمة في معنى أو رسالة بيوصلها الفيلم وده في بداية الألفية الثالثة بعد ما أنهيت المرحلة السابقة بفيلم تيتانيك نسخة ١٩٩٧ واللقطة الشهيرة اللي انتم عارفينها ،،،، تصدقوا رجعت تاني أدور عالأفلام اللي شفتها زمان واشوفها تاني ،، وكنت باشتاق ليها فعلا
رجعت اشوف العظماء السبعة يول براينر وملوك الشمس وادور على غزاة الشمال كيرك دوجلاس وبلاتون ومولود ف الرابع من يوليو و السكين الكبير جاك بالانس والقتلة ويوليوس قيصر وافلام جيري لويس ودين مارتن وحسيت قد ايه الافلام دي كانت رائعة وجميلة ونظيفة كمان والله وبتربي الإنسان وترقى بمشاعره
بتكلم عن الفن زمان عموما .. طب تصدقوا إني باستمتع بالأفلام العربي بتاعة زمان اكتر من أي حاجه وطبعا كلنا اتربينا على أفلام فاتن حمامة وعمر الشريف و المخرجين العباقرة زي هنري بركات وصلاح ابو سيف وحسن الامام وغيرهم ،،، عموما بدأت أشوف من بداية الالفية الأفلام ذات القيمة والجيدة بس
ومن أمثلتها ١٢ عام من العبودية وكونستانت جاردنر - وبودي أوف لايز راسل كرو وليوناردو دي كابريو - وسيف هاوس وفلايت ومان أون فاير دينزل واشنطون - الفيلم الرائع V ( ڤي فور ڤينديتتا ) وجرين زون مات ديمون و كل أفلام توم هانكس ( فنان رائع ) وكتييييييير من القيمة قليل من الهلس والسفه
لكن ف النهاية الأفلام اللي اتربيت عليها من صغري ودرجة الوعي اللي خلقتها جوايا خلتني قادر افسر ببراعة كل رسالة بيقدمها أي فيلم برغم استغلاله لعناصر الإبهار والمؤثرات لكن عمره ما يقدر يخدعني ويزرع جوايا قيمة أو يرسخ لمفاهيم ووجهات نظر عاوز يوجهني ليها عكس أخلاقي بقيت قادر افهم صح
زي مثلا فيلم بيرل هاربر ل بن أفليك رغم جودته الفنية العالية ولكن الرسالة اللي عاوز يوصلها إنه يبرر بيها جريمة أمريكا ضد اليابان ف الحرب العالمية التانية
أخيرا
يا ريت يكون الثريد ده مفيد وميكونش دمه تقيل وأكون عرفت أوصل لكم معاني حاسسها وحبيت اشاركها معاكم ...
تحياتي
أخيرا
يا ريت يكون الثريد ده مفيد وميكونش دمه تقيل وأكون عرفت أوصل لكم معاني حاسسها وحبيت اشاركها معاكم ...
تحياتي
أحب أأكد بس على حاجه مهمة
هي إني مش ببراعة ولا مهارة وروعة @LaBanshy في السرد والتشويق لما تكتب ثريد ،،، هي ملهمة 🌹❤️
هي إني مش ببراعة ولا مهارة وروعة @LaBanshy في السرد والتشويق لما تكتب ثريد ،،، هي ملهمة 🌹❤️
جاري تحميل الاقتراحات...