ثريد بتكلم فيه عن أي صاحب مشروع تقني يفكر يفتح مكتب مصر وتجربتي فيه خلال سنه تقريباً وبشرح فيه كل شي جربته ومريت فيه والعيوب والمميزات.
طبعاً فكرة انك تاخذ مكتب في مصر البعض يعتقد انه شي بسيط جدا ومافيه تكاليف لكن للأمانه البدايه جدا صعبه وكثير ناس بدت وفشلت فيه لعدة أسباب.
متوسط الإيجارات تقريبا في مصر ل ١٨٠ متر مختلف من منطقة الى منطقة ولكن إختيار المنطقة شي مهم لأنه هو بيكون على أساسه الموظفين بيجونك او لا ونوعية الموظفين وطبعاً متوسط الايجارات من ١٠ الاف جنيه الى ١٥ الف جنيه شهري يعني ٣٢٠٠ ريال تقريباً في منطقة مثل مدينة نصر
في مصر ليست بالسهولة جداً العثور على مطورين على مستوى عالي تحتاج ووقت وثقة فيك كشركه وايضاً الأهم هل عندك مدير تقني يقدر يدير الفريق من السعوديه او لا ومهم جدا ماتكون مصر هي المركز الرئيسي لك كتطوير الا اذا كان عندك شخص متفرغ وجالس في مصر وتثق فيه برمجيا وخبرته كويسه.
مصر مكلفة في البدايات يعني عشان تاخذ مكتب عندك تكاليف تأثيث وانترنت والخ يعني بتكون متوسط تكاليف التأسيس وسنة كاملة حوالي ٢٠٠ الف ريال. طبعا بالنسبة للمبرمجين غالبا يكون راتبهم في الدولار ومستحيل انك تتوقع بتلاقي مبرمج شاطر في لغته او مجاله وبياخذ ٢٠٠٠ ريال.
عادي توصل بعض الرواتب الى ١٥٠٠ - ٢٠٠٠ دولار. طبعا لو تسألني ليش تروح مصر وماتوظف مبرمج في السعودية. اول شي فيه صعوبة جدا انك تلاقي مبرمج شاطر في السعودية ويقبل يشتغل عندك لعدة أسباب هو مطلب للجهات الحكومية والهيئات او تحتاج انك تدفع راتب علي جدا يمكن يكون فوق قدرة شركتك
طبعاً في مصر افضل شي انك تفتح لك شركة وهذا الاجراء انا مستعد اساعد أي شخص فيه والتكلفة جداً بسيطه توصل الى ٧٥٠٠ جنيه حتى تفتح لك شركه رسمية كمستثمر اجنبي وتحتاج الى محامي شاطر وذكي يعرف يخلص لك الامور.
انا من خلال تجربتي أعتقد أفضل الأماكن للشركات التقنية تفتح مكاتبها فيه هي مدينة نصر ، المعادي الاشياء اللي قريبه شوي من القاهره والطبقة حقتها تعتبر عاليه. بالنسبة للقاهره
على فكرة الشعب المصري شعب جدا خلوق ولطيف ومهما تتكلم عنه مستحيل توفيه حقه أبداً وفيهم مرجلة وكذلك كرم واقدر اقول انهم من الطف الشعوب في الكون ولكن من بعض العيوب انه ممكن يصير عارف كل شي ويعرف كل شي وهو مايعرف فيحتاج انك تكون انت تعرف من تحتاج وتعرف تختبر قدراته
اذا كنت بحاجة مثلا لثنين مبرمجين او ثلاثه بس انصحك تجيبهم للسعودية افضل او توظف من السعودية لأن التكلفة مثل ما ذكرت هناك فيها مصروف حتى اقامتك وتذاكرك وكل شي تعتبر cost
تجربتي انا في البدايه كانت مكتب بإيجار٢٠ الف جنيه في التجمع الخامس وكان من عيوبه السعر والموظفين وصعوبة المواصلات لانها هي اهم شي للموظف وايضا كانت المساحة اكبر من إحتياجي. حرام تاخذ مكتب كبير على مجرد ٦ مبرمجين ولكن الان قررت الانتقال لمدينة نصر وتبعد عن القاهره تقريبا ٣٠ دقيقة
جاري تحميل الاقتراحات...