رتبها

تعالوا نقول كلمتين مهمين شويه
#التطعيم
اسئله مهمه عن التطعيم
التطعيم مهم؟؟
ليه ابنى/بنتى بيسخنوا؟؟
لو اتكرر التطعيم ده فيه ضرر؟؟
وبعد مااخلص اى حد عاوز يسأل حاجه يسأل وهجاوب على قد معرفتى!!

#التطعيم
ايه هو التطعيم؟؟؟
بالبلدى كده احنا بنطعم الاطفال ضد فيروسات معينه زى #شلل_الاطفال
#الالتهاب_الكبدى_الوبائى
#الحصبه
#الدرن

ازاى بنطعمهم؟؟؟
احنا بنجيب الفيرس ونديه للطفل??
فى صوره اسمها #inactive_form
يعنى ايه الكلام ده؟؟
يعنى نجيب فيرس ونخليه خامل مش نشط ونديه للاطفال.
فبكده الجسم بيشوف حاجه غريبه عنه قوم ايه الجهاز المناعى يشتغل..قوم ايه يتعرف على الفيرس..قوم ايه يهاجمه

طيب يامتعلمين يابتوع المدارس هو كده الجسم اخد مناعه من الفيرس؟؟؟
طبعا مش 100% ليه بقى??
لأن الفيرس بيغير شكله وتركيبه الجينى ف الفيرس دحلاب☺️? كل ساعه بشكل وحال ولأن الفيرس بيتركب من RNA مشDNA فمالهوش شكل ثابت او ترتيب جينى ثابت

اووووومال ليه بنطعم العيال??? ها؟؟
علشان الجسم بيكون فى جهازه المناعى زى داتا كده بيحفظها عنده ولما يجى الفيرس يهاجم الجسم يبقى الجسم سهل انه يقاومه مش بياخد وقت

هل ده معناه ان اولادنا مش هيجيلهم الامراض اللى طعمناهم ضدها؟؟؟
طبعا مش بالظبط لكن نقدر نقول انها اما تيجى الجسم بشويه ادويه صغيرين هيعرف يتعامل مع الفيرس زى فكره تطعيم الانفلونزا مش معناه ان ابنى او بنتى مش هياخد الانفلونزا بس معناه انى بساعد الجسم انه يقاوم.

ابنى/بنتى سخن? بعد التطعيم??؟
من وجهه نظرى انا ان التطعيم اللى مايحصلش بعده سخونه يبقى الجسم مااتعرفش ع الفيرس صح لأن السخونه معناها ان الجسم بيقاوم الفيرس وبيحاول يعمل اجسام مضاده ضده

لما يسخن ابنى/بنتى بعد التطعيم اديله مضاد حيوى؟؟
دى اكبر مصيبه ممكن تعملها واكبر ضرر انك تدى مضاد حيوى ?? لأنك كده بالبلدى بتقول للجهاز المناعى اركن انت ع جنب وانا هتعامل
اولا مش هتعرف تتعامل لأننا عاطين فيرس مش بكتريا?☺️
ثانيا ضريت ابنك/بنتك وجهازه المناعى

اعمل ايه لو طفلى سخن؟؟
راحه تامه وادويه سخونه فقط وكمادات
ويفضل ال paracetamol مش ال brufen

ايه اللى هيحصل لو معطتش طفلى التطعيم؟؟
هتزود فرص اصابه طفلك بالفيرس ده ??‍♂️وهتقلل فرص الجهاز المناعى انه يقاوم لو الفيرس اصاب طفلى

لو حصل وطفلى اخد التطعيم مرتين???
ولا اى حاجه
هو اكيد الافضل انه مايحصلش تكرار لكن لو حصل مافيش اى مشكله

ايه هى اشكال التطعيم؟؟
ممكن نقط فى الفن
وممكن حقن عضل
او حقن تحت الجلد

#نصيحه_مهمه_جداً_جداً
اوعى..اوعى..اوعى..اوعى
تطعم طفلك وهو تعبان او واخد دور برد لأكتر من سبب
اولا الجهاز المناعى بيكون مشغول مع فيرس تانى وبكده بنرهق الجهاز المناعى جداً.
بتخطلت اعراض السخونه اللى ناتجه عن التطعيم مع اعراض دور البرد.
فبنبقى مش عارفين هو سخن بسبب مين فيهم؟

#انتهى
شفانا الله وشفاكم وعفاكم

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد