ثريد بحط فيه كل لعبة/مسلسل/فلم/انمي او اي شي ثاني جربته في 2019 واكتب رأيي عنها
اول لعبة هي بداية للجانرا اللي ساحب عليه كليا، لعبة حلوة وقصة زينه وموسيقى روعه، الشخصيات شوي لكن حلوين، بعض البوسز غثيثين وبعضهم ممتازين، لو اني لاعبها بوقتها كنت راح امدحها اكثر لكن اللعبة فيها بعض الاغلاط الغثيثة، بداية حلوة للسلسلة ككل
@1lawer1 عفن، باختصار عفن ولا اقدر اشرح ليه لانه العفن فوق طاقة الشرح لكل انسان، ابعدوا عنها
لعبة رااااااائعة، قصتها افضل واقوى من الثاني والاحداث حلوة وتصدم وتصميم المراحل اسطووري ويشجعك على التجسس، ومدري ليه كنت احس اني العب مجس2 بالمهمة الاخيرة، اتمنى اشوف العاب تجسس اكثر نفس التحفة ديسونورد
لو بكتب 100 تغريدة ماراح اوفيها حقها، متعه حقيقية مع تصميم مراحل روعة وطريقة لعب مستحيل تمل منها، لعبة تصلح للكل وتستاهل تشتري السويتش عشانها بس، مالقيت فيها ولا سلبية غير استخدامهم للموشن اللي ماكان له داعي
#SuperMarioOdyssey
#SuperMarioOdyssey
الجزء الاول لكن افضل من كل ناحية، قصة حلوة مشاهد حلوة قيمبلاي حلو، ومشكلته نفس الجزء الاول فيه اغلاط غثيثة وغبية بسبب عمر اللعبة، ولو اني لاعبها على وقتها كان حبيتها اكثر، بس اهم شي انها حلوة بالاخير وتعوض خياس الثاني وفيرجل هو اكثر شخصية عجبتني في هذا الجزء
مسلسل حلو وخفيف وبدون تمطيط، هذا المسلسل مخصص حق اللي يبي يتابع شي بس مايبيه يكون جدّي بزيادة او يبيله تركيز طول الحلقة، يذكرني في عهد الاصدقاء ودروب ريمي
#AnneWithAnE
#AnneWithAnE
قيمبلاي خارق ورهيييب، القصة لك عليها شوي وما انقذها غير الوحش دانتي، نيرو ما اشوفه سيء بس مايستاهل يكون البطل بدال دانتي، دانتي حبيته اكثر في هذا الجزء، الڤيلين تبن، الشخصيات الباقية يا عادية يا سيئة، الجزء هذا اشوفه يتفوق على الثالث بالقيمبلاي بس، جزء جميل ككل
واييه نسيت اقول ان الكاميرا مع انهم عدلوها الا انه مرات تخرب عليك والlock on متخلف ويرفع الضغط
ريميك اسطووووري رجع متعة اللعبه بدون لا يحذفون اساسيات الجزء الاصلي ورجع ثقتي بالسلسلة، الكاميرا على الكتف ضابطه مع هذا الجزء واجوائه وتنوع الاعداء حلو والشوتنق ممتع بس مشكلته انه عشوائي على الزومبي، صح فيه الغاز بسيطة وممتعه بس تمنيت تكون اكثر
المسلسل حلو والقصة جيدة والقتالات ممتعه، شخصية ديك اكثر شخصية عاجبتني والممثل لايق عليه الدور، بداية المسلسل هي احلى شي لانه من بعده يطيح المستوى شوي، وفيه كم لقطه تحس ماخذينها من مسلسلات رخيصة وحاطينها غصب، مسلسل جيد ككل واتمنى يكون افضل بالمواسم الجاية
مسلسل كرتوني ممتع مع قصة علدية ولا تحاول انها تكون عميقة وجدية وشخصيات تنحب وكوميديا ممتعه
القيمبلاي ممتع جدا وسريع والاوست ممتاز والاعداء والبوسز ممتازين ومنوعين، القصة تبن والشخصيات بس 2 اللي يجي منهم غير بايونيتا، الكرديتس من افضل ماشافت عيني وكقيمبلاي عجبتني اكثر من دمس
جاري تحميل الاقتراحات...