كلنا (بدون استثناء) بنقع في مغالطات منطقية و تحيزات معرفية (cognitive biases) بدون ما نشعر بيها و بتأثر على قراراتنا اليومية.
دقيقة.. مغالطة منطقية يعني شنو اساسا و تحيز معرفي دا شنو؟
*يطقق اصابعه*
اقرا الكلام دا طيب:
دقيقة.. مغالطة منطقية يعني شنو اساسا و تحيز معرفي دا شنو؟
*يطقق اصابعه*
اقرا الكلام دا طيب:
المغالطة المنطقية دي يعني خطأ في التسلل المنطقي او الاستنتاج. يعني المنطق الاستخدمناهو عشان نصل لي استنتاج معين فيهو خلل.
طيبلي ادوها الاسم الغبي دا؟ لي ما قالو خطأ في المنطق و انتهى الموضوع؟
لانو المغالطات المنطقية عندها انواع كتيرة اكتر من 300 نوع بالمناسبة...
طيبلي ادوها الاسم الغبي دا؟ لي ما قالو خطأ في المنطق و انتهى الموضوع؟
لانو المغالطات المنطقية عندها انواع كتيرة اكتر من 300 نوع بالمناسبة...
و عشان لمن ارفض استنتاج لخلل في المنطق اقدر اوضح الخلل وين بالزبط. كدة السامع و المتكلم حيستفيدو و يحاولو يتجنبو الوقوع في الخطاء دا تاني.
طيب التحيز الفكري دا شنو؟؟
دي اخطاء في التفكير الحيادي و المنطقي متكررة عند الناس و دايما بتكون مرتبطة بي جزو نفسي او emotional بالنسبة للزول
طيب التحيز الفكري دا شنو؟؟
دي اخطاء في التفكير الحيادي و المنطقي متكررة عند الناس و دايما بتكون مرتبطة بي جزو نفسي او emotional بالنسبة للزول
اوكي طيب دا هسي رغي كتير. دايره امثلة!
طيب قبل ما نشوف الامثلة حقتنا مفروض نعرف انو المغالطات المنطقية مقسمة لي نوعين اساسيات:
مغالطة صياغية و مغالطة غير صياغية (حتلقاها في ويكبيديا مغالطة رسمية و غير رسمية) انا بصراحة ما بفضل المصطلح دا لانو بيلخبط :ناتج من ترجمة formal fallacy
طيب قبل ما نشوف الامثلة حقتنا مفروض نعرف انو المغالطات المنطقية مقسمة لي نوعين اساسيات:
مغالطة صياغية و مغالطة غير صياغية (حتلقاها في ويكبيديا مغالطة رسمية و غير رسمية) انا بصراحة ما بفضل المصطلح دا لانو بيلخبط :ناتج من ترجمة formal fallacy
المغالطة الصياغية هي البيكون فيها خلل في صياغة الحجة. بغض النظر عن مضمونا.
مثال بسيط:
فرضية 1: كل الطيور لها مناقير
فرضية 2: الحيوان (أ) له منقار
استنتاج: اذا (أ) طائر
عشان نحلل المشكلة في الاستنتاج دا احسن حاجة ممكن نعملا انو نرسم اشكال فن الادونا ليها في الرياضيات زماااان...
مثال بسيط:
فرضية 1: كل الطيور لها مناقير
فرضية 2: الحيوان (أ) له منقار
استنتاج: اذا (أ) طائر
عشان نحلل المشكلة في الاستنتاج دا احسن حاجة ممكن نعملا انو نرسم اشكال فن الادونا ليها في الرياضيات زماااان...
بنلقى انو عندنا مجموعتين هنا: مجموعة الطيور و مجموعة الاشياء العندها منقار. الفرضية قالت انو مجموعة الطيور محتواة كلها داخل مجموعة الاشياء العندها منقار. لكن ما قال انو كل الاشياء العندها منقار هي طيور. كدة كان حيكون استنتاجنا صح. لكن بنلقى انو المجموعة الكبيرة داخلة فيها ...
مجموعات تانية ما بتتقاطع مع مجموعة الطيور.
اي الكلام لحدي هسي شكلو هلامي و شطح في حتة ما عندها علاقة بالموضوع. لكن بس حبيت اوضح الصورة البنشتغل بيها في تحليل الفرضيات البتقول (كل (أ) هي (ب)) او (بعض (ج) هي (ه)) او (كل (و) ليست (ز))
و حجيب مثال اقرب للواقع في الحاجات دي:
اي الكلام لحدي هسي شكلو هلامي و شطح في حتة ما عندها علاقة بالموضوع. لكن بس حبيت اوضح الصورة البنشتغل بيها في تحليل الفرضيات البتقول (كل (أ) هي (ب)) او (بعض (ج) هي (ه)) او (كل (و) ليست (ز))
و حجيب مثال اقرب للواقع في الحاجات دي:
فرضية: كل العرب مسلمون (اي عارفة ما صاح بس نفترض صحتا للمثال دا)
فرضية: كل الايرانيون مسلمون (نفترض انها صح)
استنتاج: كل الايرانيون عرب.
حتى لوالفرضيتين صح الاستنتاج غلط. لانو اتجاهلنا انو مجموعة المسلمين اكبر من مجموعة العرب و الايرانيين.
اوكي طيب اكتر واحدات الناس بتقع فيهم شنو
فرضية: كل الايرانيون مسلمون (نفترض انها صح)
استنتاج: كل الايرانيون عرب.
حتى لوالفرضيتين صح الاستنتاج غلط. لانو اتجاهلنا انو مجموعة المسلمين اكبر من مجموعة العرب و الايرانيين.
اوكي طيب اكتر واحدات الناس بتقع فيهم شنو
1. strawman fallacy: او مغالطة رجل القش:
وت؟
اي اتسمت كدة لانو الزول البيقع فيها بيتجنب الحجة الاساسية الاتعرضت عليهو و يقوم يألف واحدة قريبة منها (دا رجل القش زاتو) لكن ساهل انو يدحضا. و يقوم يدحض الحجة الالفا دي بدل الحجة الاساسية.
مثال:
وت؟
اي اتسمت كدة لانو الزول البيقع فيها بيتجنب الحجة الاساسية الاتعرضت عليهو و يقوم يألف واحدة قريبة منها (دا رجل القش زاتو) لكن ساهل انو يدحضا. و يقوم يدحض الحجة الالفا دي بدل الحجة الاساسية.
مثال:
-مفترض نزيد التمويل للتعليم
-يعني عايزنا نفضل بلا جيش و من غير دفاع و القروش كلها تمشي للتعليم؟
(المستمع عايز يهدم حجة انو احسن نقعد بدون تمويل للدفاع مع انو المتكلم ما ذكر الموضوع اساسا) دا هنا رجل قش.
-يعني عايزنا نفضل بلا جيش و من غير دفاع و القروش كلها تمشي للتعليم؟
(المستمع عايز يهدم حجة انو احسن نقعد بدون تمويل للدفاع مع انو المتكلم ما ذكر الموضوع اساسا) دا هنا رجل قش.
2. مغالطة المنحدر الزلق: slippery slope:
في دي الزول بيفترض انو اذا صدقنا حاجة او سمحنا بي حاجة حتفتح الباب لانو نصدق اي شي او من الضروري تحصل حاجات سيئة بسببا: مثال
-اذا فتحو بارات في السودان الناس كلها حتسكر و تبدا تسرق و تغتصب بعض.
البارات هي المنحدر النهايتو تفشي الجريمة.
في دي الزول بيفترض انو اذا صدقنا حاجة او سمحنا بي حاجة حتفتح الباب لانو نصدق اي شي او من الضروري تحصل حاجات سيئة بسببا: مثال
-اذا فتحو بارات في السودان الناس كلها حتسكر و تبدا تسرق و تغتصب بعض.
البارات هي المنحدر النهايتو تفشي الجريمة.
3. ad hominem: ضد الشخص.
يعني بدل ما امسك الكلام القالو الزول احاول ادمر مصداقيتو او اقول انو انسان سيء عشان كدة ارائو غلط. مثال:
- كاتب المقالة دي اسرائيلي عشان كدة ارائو ما صح وما حصدق البيقولو.
جنسية الزول ما عندها علاقة بمضمون كتاباتو. حاول ادحض الكلام الكاتبو بدل تهاجمو هو.
يعني بدل ما امسك الكلام القالو الزول احاول ادمر مصداقيتو او اقول انو انسان سيء عشان كدة ارائو غلط. مثال:
- كاتب المقالة دي اسرائيلي عشان كدة ارائو ما صح وما حصدق البيقولو.
جنسية الزول ما عندها علاقة بمضمون كتاباتو. حاول ادحض الكلام الكاتبو بدل تهاجمو هو.
4. المغالطة او المنطق الدائري:
محاولة اثبات صحة الشيء بنفسو مثال:
-الساعة دي مزبوطة 100%
-عرفتا كيف؟
-زبطتا بساعة اخوي.
-طيب عرفت ساعة اخوك مزبوطة كيف؟
-هو زبطا بساعتي.
مثال2:
محاولة اثبات صحة الشيء بنفسو مثال:
-الساعة دي مزبوطة 100%
-عرفتا كيف؟
-زبطتا بساعة اخوي.
-طيب عرفت ساعة اخوك مزبوطة كيف؟
-هو زبطا بساعتي.
مثال2:
-داير منك 5 مليون.
-كيف الكلام دا؟
-مكتوب في الورقة دي انو انا داير منك 5 مليون
-منو القال الكلام دا صح؟
-مكتوب في الورقة زاتا انو الكلام المكتوب فيها كلو صح.
-كيف الكلام دا؟
-مكتوب في الورقة دي انو انا داير منك 5 مليون
-منو القال الكلام دا صح؟
-مكتوب في الورقة زاتا انو الكلام المكتوب فيها كلو صح.
5. مغالطة الحالات الخاصة: special pleading:
فيها بنسثني الحاجة البنتكلم عنها من القاعدة العامة او من فرضيات الكل (كلام المجموعات) بنستثني الحالة حقتنا دي عشان هي "حالة خاصة":
- من كرامات الشيخ الفلاني انو طار بعنقريبو.
-كيف الكلام دا ماف بشر بيطير ساي كدة.
-اي ما لكن دا شيخ.
فيها بنسثني الحاجة البنتكلم عنها من القاعدة العامة او من فرضيات الكل (كلام المجموعات) بنستثني الحالة حقتنا دي عشان هي "حالة خاصة":
- من كرامات الشيخ الفلاني انو طار بعنقريبو.
-كيف الكلام دا ماف بشر بيطير ساي كدة.
-اي ما لكن دا شيخ.
6. الاستعانة بالسلطة: appeal to authority:
فيها بنقول انو النقطة حقتنا دي صحيحة لانو في زول معين قال الكلام دا و مفروض نسمع كلامو.
المثال للحاجة دي محاولات تبرير الجنود في الجيش النازي لافعالم الشنيعة بانو "سمعنا و اطعنا".
او ...
فيها بنقول انو النقطة حقتنا دي صحيحة لانو في زول معين قال الكلام دا و مفروض نسمع كلامو.
المثال للحاجة دي محاولات تبرير الجنود في الجيش النازي لافعالم الشنيعة بانو "سمعنا و اطعنا".
او ...
انو المتكلم يذكر اسم خواجة و يقول قبالا (كما قالا العالم الفلاني...) و كدة خلاص معناتو الكلام صح.
العلماء في حد ذاتم ما سلطة و كلامهم ما منزل. في الحتة دي بنرجع لي (اتفاق العلماء).
العلماء في حد ذاتم ما سلطة و كلامهم ما منزل. في الحتة دي بنرجع لي (اتفاق العلماء).
7.مغالطة عدم القدرة على التصديق: argument from incredulity:
الزول عشان ما بقدر يتخيل انو الحاجة دي ممكن تكون حقيقية تبقى ما حقيقية مثال:
-ما قادر اصدق انو فلان ممكن يسرق. مستحيل يكون فلان سرق ما حنفتح فيهو بلاغ لانو ما ممكن يكون هو.
-ما قادر اتخيل كيف في 11 بُعد. مافي 11 بُعد
الزول عشان ما بقدر يتخيل انو الحاجة دي ممكن تكون حقيقية تبقى ما حقيقية مثال:
-ما قادر اصدق انو فلان ممكن يسرق. مستحيل يكون فلان سرق ما حنفتح فيهو بلاغ لانو ما ممكن يكون هو.
-ما قادر اتخيل كيف في 11 بُعد. مافي 11 بُعد
8. مغالطة السبب الخاطئ false cause fallacy
و دي مفروض ننتبه ليها شديد لانها كتيرة شديد. الزول بيفترض فيها انو اذا حدثت حاجة بعد التانية معناتا الاولى سبب في التانية. مثال:
-المطرة تصب بعد ما قبيلة معينة ادت رقصة المطر بتاعتا. الاستنتاج: رقصة المطر ادت لنزول المطر.
مثال 2:
و دي مفروض ننتبه ليها شديد لانها كتيرة شديد. الزول بيفترض فيها انو اذا حدثت حاجة بعد التانية معناتا الاولى سبب في التانية. مثال:
-المطرة تصب بعد ما قبيلة معينة ادت رقصة المطر بتاعتا. الاستنتاج: رقصة المطر ادت لنزول المطر.
مثال 2:
- اكل السكر بيخلي الاطفال مهيبرين. او ييؤدي لي زيادة نشاطم. (الكلام دا خطاء)
مثال 3:
-كل ما الاقي الزول دا اليوم بيتعكس علي. دا زول شوم خلاص.
مثال 4:
- فلانة كانت جميلة شديد و كل الناس بتعاين ليها في الحفلة. اليوم البعدو: فلانة مرضت. الاستنتاج: ادوها عين.
مثال 3:
-كل ما الاقي الزول دا اليوم بيتعكس علي. دا زول شوم خلاص.
مثال 4:
- فلانة كانت جميلة شديد و كل الناس بتعاين ليها في الحفلة. اليوم البعدو: فلانة مرضت. الاستنتاج: ادوها عين.
9. non-sequitur: لا يتبع:
دي بيكون فيها الاستنتاج ما عندو علاقة بالفرضيات. او ما بيتبع التسلل المنطقي للفرضيات. يعني خارجية. مثال:
-اذا كان البشر اتطورو من القرود لي لسة في قرود؟
-كنت مرتبطة بي واحد طلع زبالة. الاستنتاج: men are trash
-this:
دي بيكون فيها الاستنتاج ما عندو علاقة بالفرضيات. او ما بيتبع التسلل المنطقي للفرضيات. يعني خارجية. مثال:
-اذا كان البشر اتطورو من القرود لي لسة في قرود؟
-كنت مرتبطة بي واحد طلع زبالة. الاستنتاج: men are trash
-this:
10. ad hoc: لاجله:
في المغالطة دي المتكلم بيخترع اعذار عشان تمنع دحض نقطتو. "لاجله" يعني مفصل عشانو. في كتاب كارل سيغان The Demon Haunted World: في مثال جميل جداً للمغالطة دي:
قال جا زول قال لي والله في تنين في غرفتي. قلت ليهو زيت حصدقك لمن نشوفو. مشينا الغرفة ما لقيناهو. قام قال
في المغالطة دي المتكلم بيخترع اعذار عشان تمنع دحض نقطتو. "لاجله" يعني مفصل عشانو. في كتاب كارل سيغان The Demon Haunted World: في مثال جميل جداً للمغالطة دي:
قال جا زول قال لي والله في تنين في غرفتي. قلت ليهو زيت حصدقك لمن نشوفو. مشينا الغرفة ما لقيناهو. قام قال
لا هو غير مرئي (لأجله1). قلت ليهو طيب لو غطينا مساحة الغرفة بي قطعة قماش كبيرة مفروض معالمو تظهر. قال لي لا هو اثيري الملاية حتمر من خلالو (لاجله2). سكت مسافة و قلت ليهو: طيب لو جبنا منظار اشعه تحت الحمراء مفروض نقيس حرارة طالعة من جسمو. قال لي لا هو ما بيطلع حرارة (لاجله3)...
لحدي ما في النهاية بقت فرضية التنين لا يمكن اثباتها او نفيها. و دي بتدخل في حتات مافي ليها وكت هسي. لكن الفهم العام وصل اتخيل لي.
المغالطات الذكرتها دي ملخبطة: صياغية و غير صياغية و في انواع داخلة في انواع و التقسيم شائك شديد عشان كدة ذكرت اكتر واحدات بيمرو بينا و بس.
المغالطات الذكرتها دي ملخبطة: صياغية و غير صياغية و في انواع داخلة في انواع و التقسيم شائك شديد عشان كدة ذكرت اكتر واحدات بيمرو بينا و بس.
نجي للتحيزات المعرفية: و دي شائعة اكتر كمان و برضو حذكر بس اكتر واحدات بتمر علينا و اهم واحدات مفروض نتجنبا.
1. conformation bias: تحيز التأكيد:
دي بتحصل لمن الزول يكون عندو استنتاج في راسو و يحاول بفتش على ادلة ليهو. و لمن يلقاها خلاص بيتأكد انو الكلام الفي راسو صح 100%
مثال:
1. conformation bias: تحيز التأكيد:
دي بتحصل لمن الزول يكون عندو استنتاج في راسو و يحاول بفتش على ادلة ليهو. و لمن يلقاها خلاص بيتأكد انو الكلام الفي راسو صح 100%
مثال:
-انا شايف انو فلان زول كعب. بقوم اسـأل الناس البيكرهوهو انو يحكو لي حاجات كعبة عملا. و كدة بتأكد من استنتاجي الاول.
-انا شايف انو نظرية التطور خاطئة عشان كدة بقرا كتاب اذان الانعام و الكتب البتنفي التطور و الدلائل الفيها كفاية عشان تثبت انو كلامي صح.
طبعا الصحيح انو..
-انا شايف انو نظرية التطور خاطئة عشان كدة بقرا كتاب اذان الانعام و الكتب البتنفي التطور و الدلائل الفيها كفاية عشان تثبت انو كلامي صح.
طبعا الصحيح انو..
الزول يقارن الحجج المع الفرضية و الحجج الضدها و يشوف ايها اقرب للصواب. و تذكر ايها الطالب النجيب: لمن تقرا كلام بيأكد الحاجة الفي راسك اساسا ما عرفت حاجة جديدة ولا استفدت. لمن تقرا كلام مخالف ليهو لو ما هداك للصواب, بيسلحك عشان تقدر تدافع عن موقفك لانك بتكون عارف الحجج الضدو كلها
2. تحيز الخيار: choice bias:
في الحاجة دي الزول بيكون عندو ارتباط عاطفي بالحاجة لانو هو اختارا و بيلقى ليها اسباب بتخليها احسن من باقي الحاجات (طبعا الحاجة دي بتحصل من غير ما الزول يكون واعي بيها و لا بيكون قاصد انو يخدع نفسو) مثال:
في الحاجة دي الزول بيكون عندو ارتباط عاطفي بالحاجة لانو هو اختارا و بيلقى ليها اسباب بتخليها احسن من باقي الحاجات (طبعا الحاجة دي بتحصل من غير ما الزول يكون واعي بيها و لا بيكون قاصد انو يخدع نفسو) مثال:
اخترت اشيل تلفون ماركتو X. لو جا زول شنفو لي حطلعو احسن موبايل و لو زول داير يشتري موبايل حنصحو بي X لانو رهيب و كمرتو نضيفة و بطاريتو كويسة شديد و شكلو وجيه شديد طبعا و و و ... مع انو ممكن يكون النوع Y احسن مواصفاتا منو في اطار السعر.
3. The Dunning-Kruger effect:
دا حاجة لاحظو ليها بعض الباحثين في علم النفس في استبيانات عملوها عشان يعرفو مدى قدرة الشخص على تقدير معرفتو بالحاجة المعينة و ثقتو بي المعرفة دي مقابل المعرفة الحقيقية العندو.
لقو انو كلو ما الزول يكون عارف اقل ثقتو في المعرفة دي بتزيد و بيتخيل انو..
دا حاجة لاحظو ليها بعض الباحثين في علم النفس في استبيانات عملوها عشان يعرفو مدى قدرة الشخص على تقدير معرفتو بالحاجة المعينة و ثقتو بي المعرفة دي مقابل المعرفة الحقيقية العندو.
لقو انو كلو ما الزول يكون عارف اقل ثقتو في المعرفة دي بتزيد و بيتخيل انو..
خبير في الموضوع و ممكن يألف كتب عنو. و بالمقابل كل ما الزول قرا اكتر عن الموضوع بيكتشف انو معرفتو ضحلة و انو الموضوع اكتر من كدة بي كتير و الشويتين الهم عارفم ديل ولا حاجة. لحدي ما معرفتو تصل لي الخبرة, بعد داك ثقتو في كلامو بتزيد شوية.
الحاجة الفي راسي هسي طبعا:
الحاجة الفي راسي هسي طبعا:
انتي شغالة بتكتبي مقالات و ترغي و عاملة فيها ابو العلوم زاتا. مش الكلام دا بينطبق عليك؟؟
*sigh*
بصراحة اي. انا ما عندي خبرة كدة في الكلام دا ولا قريتو بي تفاصيلو كلها. بس الحاجة العندي ثقة فيها انو بقدر اشرح.. بقدر اصيغ الكلام المليان مصطلحات هلامية بي لغة بسيطة و ادي امثلة..
*sigh*
بصراحة اي. انا ما عندي خبرة كدة في الكلام دا ولا قريتو بي تفاصيلو كلها. بس الحاجة العندي ثقة فيها انو بقدر اشرح.. بقدر اصيغ الكلام المليان مصطلحات هلامية بي لغة بسيطة و ادي امثلة..
و في نفس الوكت بحب اقول و اعيد دايما: لو في زول عندو تصحيح ما يتردد يكتبو. الهدف بس انو اقول كلام الناس تستفيد منو (بغض النظر لو قلتو انا ولا غيري) :)
4. مغالطة المقامر: Gambler's fallacy:
من اسمها واضح انها مرتبطة بخطاء في تقدير احتمال حدوث شيء معين.
عشان نفهم المغالطة دي. نتفق انو في رمي اي قطعة نقدية احتمال انها تطلع صورة 50% (طبعا هي ما 50% لانو في عوامل كتيرة بتقرر الحاجة دي زي كمية الكتابة, النقش, شكل الحد الفاصل, الخ..)
من اسمها واضح انها مرتبطة بخطاء في تقدير احتمال حدوث شيء معين.
عشان نفهم المغالطة دي. نتفق انو في رمي اي قطعة نقدية احتمال انها تطلع صورة 50% (طبعا هي ما 50% لانو في عوامل كتيرة بتقرر الحاجة دي زي كمية الكتابة, النقش, شكل الحد الفاصل, الخ..)
المهم المغالطة بتجي في انو الزول لو رمى العملة 3 مرات و طلعت كتابة. حيتخيل انو لو رماهما المرة الرابعة احتمال تطلع صورة اكبر من احتمال تطلع كتابة. مع انو الاحتمال ما اتغير. لسة 50%. بس بيتخيل لينا.
برضو الزول لمن يكون بيلعب في لعبة حظ و يخسر. كل ما يخسر حيحس انو احتمال فوزو..
برضو الزول لمن يكون بيلعب في لعبة حظ و يخسر. كل ما يخسر حيحس انو احتمال فوزو..
في المرة الجاية اعلى مع انو الاحتمالات ياها ما اتغيرت.
زول يذكرني اتكلم عن ال law of large numbers and base rate fallacy يوم تاني لانو دا ما وكتو هسي.
زول يذكرني اتكلم عن ال law of large numbers and base rate fallacy يوم تاني لانو دا ما وكتو هسي.
5. مغالطة الاستثمار:
في دي الزول ما بيقدر يتخلى عن حاجة او مشروع فاشل لانو تعب فيهو و اجتهد. حتى لو تمسكو بالمشروع دا حيأدي لانهيارو و مزيد من ضياع الزمن و الجهد. طبعا الحاجة ما لازم تكون درامية كدة عشان تنطبق عليها التحيز دا. مثال:
في دي الزول ما بيقدر يتخلى عن حاجة او مشروع فاشل لانو تعب فيهو و اجتهد. حتى لو تمسكو بالمشروع دا حيأدي لانهيارو و مزيد من ضياع الزمن و الجهد. طبعا الحاجة ما لازم تكون درامية كدة عشان تنطبق عليها التحيز دا. مثال:
الدفع حق تذكرة السينما و خش الفلم, من اول نص ساعة لقاهو ضارب و ماجايب حقو حيصعب عليهو يطلع و مايكملو عشان دفع قروشو مع ان حيضيع ساعة و نص زيادة والقروش ضاعت ضاعت.
او عدم القدرة على التخلي عن علاقة ما ناجحة بس عشان لينا 5 سنين سوا.
او عدم القدرة على التخلي عن علاقة ما ناجحة بس عشان لينا 5 سنين سوا.
6. عقلية القطيع: Herd mentality or Bandwagon bias:
او تحيز الجماعة:
عادة لمن الناس تعمل الحاجة عشان الناس كلها بتعملا او بترفضا عشان المجتمع رافضا. او تتحجج بصحة الحاجة عشان كل الناس بيعملو كدة. مثال:
صحباتي كلهم عرسو وولدو عشان كدة انا دايرة اعرس و اجيب اولاد...
او تحيز الجماعة:
عادة لمن الناس تعمل الحاجة عشان الناس كلها بتعملا او بترفضا عشان المجتمع رافضا. او تتحجج بصحة الحاجة عشان كل الناس بيعملو كدة. مثال:
صحباتي كلهم عرسو وولدو عشان كدة انا دايرة اعرس و اجيب اولاد...
مع انو ممكن تكون الزولة دي ما مستعدة نفسيا للعرس و تربية الاولاد لكن شنو دايرة تبقى زي باقي الناس.
او البيلقى ناس متلمية في زول و بتضرب فيهو و يخش شمال و يضرب معاهم بعد داك يسأل الحصل شنو.
او البيلقى ناس متلمية في زول و بتضرب فيهو و يخش شمال و يضرب معاهم بعد داك يسأل الحصل شنو.
7.wishful thinking:
دي غلبني اترجما. الفهم انو الزول عشان نفسو العالم يكون بي صورة معينة او عايز حاجات تكون حقيقية بتخليها حقيقية:
ما بقدر اعيش في عالم غير عادل فيهو الظالم ما حيتحاسب و الناس بتموت قهر. لا يبقى في عدل و حاخد حقي في النهاية...
دي غلبني اترجما. الفهم انو الزول عشان نفسو العالم يكون بي صورة معينة او عايز حاجات تكون حقيقية بتخليها حقيقية:
ما بقدر اعيش في عالم غير عادل فيهو الظالم ما حيتحاسب و الناس بتموت قهر. لا يبقى في عدل و حاخد حقي في النهاية...
اي معاك انو العدل جميل و ياريت يكون موجود. بس عشان ما بتقدر تواجه واقع و دنيا ما عادلة ما معناتو يبقى موجود. الكون ما بيرتب نفسو عشان تقدر تنوم مستريح بالليل.
this took a dark turn>.>
المهم. في كتاااااااار ما اتكلمت عنهم و يمكن لي قدام اعمل part 2. لكن بس امنيتي انو يوم نقدر كلنا نتناقش بمنطق سليم و حيادية عشان الناس ما تزعل و تبدا تنبذ بعض و نقدر نصل لي نقطة مفيدة بدل ما تبقى كلها مناوشات ما بتقدم ولا تأخر.
تسلمو على القراءة❤️
المهم. في كتاااااااار ما اتكلمت عنهم و يمكن لي قدام اعمل part 2. لكن بس امنيتي انو يوم نقدر كلنا نتناقش بمنطق سليم و حيادية عشان الناس ما تزعل و تبدا تنبذ بعض و نقدر نصل لي نقطة مفيدة بدل ما تبقى كلها مناوشات ما بتقدم ولا تأخر.
تسلمو على القراءة❤️
جاري تحميل الاقتراحات...