كان قبل فترة قريت انو في ناس بيفتكرو انو نحن عايشين في محاكاة رقمية او بالعربي كدة في برنامج كمبيوتر. طبعا استغربت اول شي, بالذات لانو لمن بحت في الموضوع لقيت انو في ناس فاهمين, علماء و فلاسفة عندهم حجج مثيرة للاهتمام.
عايزة اتكلم في الثريد دا عن الحجج للفرضية دي و الضدها:
عايزة اتكلم في الثريد دا عن الحجج للفرضية دي و الضدها:
لازم اعمل ديسكليمر انو الكلام دا غالبا بس عبارة عن thought exercise و الناس ما تاخد الموضوع بي جدية شديدة, لكن في حاجات interesting و غريبة للدين في الكون بتخلي الناس تسرح في خيالا و تطلع تفاسير و فرضيات غريبة.
1. مافي بشر بيقدر يشوف العالم على حقيقتو.
المقصود بالجملة دي انو نحن كبشر محكومين اننا نشوف العالم مفلتر من خلال الحواس: البصر, السمع, الخ... و بما انو الفلترات حقتنا دي ما دقيقة 100% و الدليل على الحاجات دي الخدع البصرية و السمعية و حتى الحسية.
يعني الحواس مرات بتخدع. مثال:
المقصود بالجملة دي انو نحن كبشر محكومين اننا نشوف العالم مفلتر من خلال الحواس: البصر, السمع, الخ... و بما انو الفلترات حقتنا دي ما دقيقة 100% و الدليل على الحاجات دي الخدع البصرية و السمعية و حتى الحسية.
يعني الحواس مرات بتخدع. مثال:
للمالاقتو الصورة دي قبال كدة, الخداع البصري بيكمن في انها صورة ثابتة لكن مخك بيصور ليك انها بتتحرك.
المهم, الفهم انو العالم النحن شايفينو دا ما هو العالم زي ما هو بالزبط. فما نفتكر انو نحن فاهمين او عارفين العالم الحقيقي كيف.
المهم, الفهم انو العالم النحن شايفينو دا ما هو العالم زي ما هو بالزبط. فما نفتكر انو نحن فاهمين او عارفين العالم الحقيقي كيف.
افلاطون زمان كان فكر فكرة بتشبه الحاجة دي شديد. اللي هو قال لو في مساجين مربوطين في كهف عمرهم كلو و ماشافو العالم البرة نهائي, الظلال الحيشوفوها في الحيطة حيفتكروها هي العالم زي ما هو و مافي اكتر منو. مع انو هي مجرد انعكاس لاجسام ثلاثية الابعاد برة. و حتى لو واحد فيهم طلع..
و شاف العالم و رجع يحكي ليهم عن الالوان و السما و انو الحاجات دي بس ظلال لي حاجات اكبر من كدة بي كتير. ما حيصدقوهو و امكن يفتكروهو مجنون.
بالمقارنة, نحن زي المساجين ديل, ما شفنا العالم الحقيقي و امكن ما نقدر نشوفو اساسا. و عالمنا هو مجرد ظلال لعالم اكبر و اكثر تعقيدا!
بالمقارنة, نحن زي المساجين ديل, ما شفنا العالم الحقيقي و امكن ما نقدر نشوفو اساسا. و عالمنا هو مجرد ظلال لعالم اكبر و اكثر تعقيدا!
2. الموضوع ممكن.
اذا اخدنا بالاعتبار التطور الخرافي الوصلنا ليهو كبشر في خلال كم الف سنة بس, و اقل من مية سنة من ظهور الكمبيوترات, التطورات دي ماشة بي سرعة خرافية و وصلت لحدي ما هسي شايلين اجهزة في جيوبنا امكن لو شافوها الناس الكانو عايشين قبال 200 سنة يعتبروك حاوي او اله حتى!
اذا اخدنا بالاعتبار التطور الخرافي الوصلنا ليهو كبشر في خلال كم الف سنة بس, و اقل من مية سنة من ظهور الكمبيوترات, التطورات دي ماشة بي سرعة خرافية و وصلت لحدي ما هسي شايلين اجهزة في جيوبنا امكن لو شافوها الناس الكانو عايشين قبال 200 سنة يعتبروك حاوي او اله حتى!
طبعا العوالم البنعملا نحن في العاب الكمبيوتر هي اهم مؤشر انو الحاجة دي في حدود المعقول و الفكرة ما شطحة للدرجة دي.
بس محتاجين اول شي نعرف الوعي ممكن يتعمل رقميا كيف, و ما عشان نحن هسي ما فاهمينو ما حيتفهم في يوم من الايام او غير قابل للفهم او المحاكاة الرقمية اساسا. و هسي زاتو الذكاء الاصطناعي وصل مراحل بعيدة و ما معروف متين يصل مرحلة الوعي الذاتي و مرحلة انو يستقل بنفسو و ما يحتاج للبشر تاني
تاني شي محتاجين كمبيوتر بيقدر يحاكي الجزو من الكون البنقدر نتفاعل معاهو, سواء على المستوى التحت الذري او على المستوى حق مجرتنا. الفهم انو العمل البرنامج دا ما محتاج يبرمج الحاجات كلها, ممكن الجزو البعيد من الكون دا يكون صورة ظاهرة لينا بس و ما حقيقية ابدا,
و بالنسبة للمستوى التحت الذري دا بيودينا للنقطة التالتة:
3. ميكانيكا الكم و اثر القياس:
لمن الزول بيلعب في لعبة كمبيوتر فيها عوالم كبيرة, اللعبة بتحمل الجزو الفيهو اللاعب. يعني لحدي ما يصل لي نقطة معينة بتحمل الحتة دي و الحتات البعيدة بتختفي
3. ميكانيكا الكم و اثر القياس:
لمن الزول بيلعب في لعبة كمبيوتر فيها عوالم كبيرة, اللعبة بتحمل الجزو الفيهو اللاعب. يعني لحدي ما يصل لي نقطة معينة بتحمل الحتة دي و الحتات البعيدة بتختفي
الحاجة دي شبيهة شديد بي حاجة في ميكانيكا الكم اللهي اثر القياس.
دي دايره ليها ثريد براها و عن تفاسيرا, لكن الفكرة العامة انو الجسيمات التحت الذرية ما بتكون موجودة زي حبات الرمل او زي اي شي بنقدر نشوفو بي عيننا, بتكون بدلا موجود بس احتمال وجودا في الحتة المعينة في شكل سحابة
دي دايره ليها ثريد براها و عن تفاسيرا, لكن الفكرة العامة انو الجسيمات التحت الذرية ما بتكون موجودة زي حبات الرمل او زي اي شي بنقدر نشوفو بي عيننا, بتكون بدلا موجود بس احتمال وجودا في الحتة المعينة في شكل سحابة
لكن اول ما نبدا نقيس و نكون عايزين نحدد موقوع الالكترون, فجأة بتختفي السحابة و بيظهر في مكان معين.
الحاجة دي اكتشفوها لمن عملو تجربة اطلقو فيها الالكترونات واحد واحد على اتجاه صفيحة فيها فتحتين رفيعات شديد, اللقوهو انو الالكترون بيمر في الفتحتين و يحرف مسار نفسو بنفسو.
الحاجة دي اكتشفوها لمن عملو تجربة اطلقو فيها الالكترونات واحد واحد على اتجاه صفيحة فيها فتحتين رفيعات شديد, اللقوهو انو الالكترون بيمر في الفتحتين و يحرف مسار نفسو بنفسو.
طبعا الحاجة دي حيرتم, فقالو طيب نشوف الالكترون دا مشى في ياتو فتحة بالزبط.. قامو ختو جهاز بيرصد الحاجة دي. طبعا في اللحظة التجربة اتعملت بقياس, الالكترونات احترمت نفسها و خشت بي فتحة واحدة و ظهرت النتيجة دي.
طبعا التجربة دي عملوها كتير و كل مرة بتحصل الحاجة دي. اللي هي انو الجسيمات دي بتغير تصرفا و فجأة تظهر لمن يجي زول يقيسا. الحاجة المهمة بالنسبة لينا هنا انو الحاجة دي بالزبط بتشبه حكاية انو الحتات بتتحمل لمن اللاعب يصل ليها و يتفاعل معاها.
3. الpixelation حقت الكون.
الكلمة دي غلبني اترجما عديل. لكن المقصود منها انو الابعاد حقتنا دي عندها نهاية. يعني في حاجة اسمها اصغروحدة طول و اصغر وحدة زمان اسمهم وحدات بلانك. الحاجة دي طبعا ما بس قررورها كدة وخلاص. رقم بلانك ووحداتو من غيرا ما كان حيكون في فيزياء كم اساسا.
الكلمة دي غلبني اترجما عديل. لكن المقصود منها انو الابعاد حقتنا دي عندها نهاية. يعني في حاجة اسمها اصغروحدة طول و اصغر وحدة زمان اسمهم وحدات بلانك. الحاجة دي طبعا ما بس قررورها كدة وخلاص. رقم بلانك ووحداتو من غيرا ما كان حيكون في فيزياء كم اساسا.
اذا الابعاد ما ممكن تتقسم الى مالانهاية, و عندها وحدات مرصوصة ورا بعض و كدة بيظهر لينا الكون الظاهر لينا smooth وكأنو حاجة واحدة مستمرة. الحاجة دي بتشبه اصغر وحدات عرض في الشاشات اللي هي البيكسل. من بعيد بتظهر لينا الصور كأنها حقيقية لمن نقرب منها بتظهر لينا البيكسلات
4. متناقضة فيرمي:
دي برضو دايرة اعمل ليها ثريد براها, لكن الخلاصة بتاعتا انو لو اخدنا بالاعتابر حجم الكون, 46 ميار سنة ضوئية و ماشي زايد, عدد المجرات الفي الجزو الشايفينو بس ممكن يصل اتنين ترليون مجرة, عدد النظم الشمسية في مجرتنا درب التبانة براها ممكن يصل مية مليار مجموعة
دي برضو دايرة اعمل ليها ثريد براها, لكن الخلاصة بتاعتا انو لو اخدنا بالاعتابر حجم الكون, 46 ميار سنة ضوئية و ماشي زايد, عدد المجرات الفي الجزو الشايفينو بس ممكن يصل اتنين ترليون مجرة, عدد النظم الشمسية في مجرتنا درب التبانة براها ممكن يصل مية مليار مجموعة
عدد الكواكب البتدور حول النجوم دي في المنطقة او البعد بيسمح بالحياة و ما كواكب غازية زي المشترى مثلا بيصل 40 مليون, و احتمال نشوء حياة في اي كوكب من الكواكب دي نعملو 0.1% عشان نكون في السيف سايد, حيبقى 40.000 كوكب فيهو حياة.
المشاهد انو ماف اي اثر لحياة غير في كوكبنا
المشاهد انو ماف اي اثر لحياة غير في كوكبنا
البيستعملو متناقضة فيرمي كحجة لفرضية المحاكاة بيقولو انو الكلام دا بيذكرنا بأنو لمن نجي نعمل لعبة كمبيوتر حنعملا محصورة على منطقة معينة و حنخلي المسافات بين الحتات المفروض يكون فيها عوالم تانية بعيدة لي درجة الشخصيات الفي اللعبة ما حتحلم انها تصل ليها و لا بتقدر تصل ليها ابدا
5. الرياضيات في الفيزياء:
James Gates,استاذ الفيزياء النظرية في جامعة Maryland اتكلم عن انو من خلال دراستو للكون اتضح ليهو انو المعادلات البيستعملا ما بتشبه بس كود الكمبيوتر. لا قال هي كود كمبيوتر عديل. و عموما الناس البتتحجج بالرياضيات بتقول انو الكون دا ماشي بي قوانين معينة..
James Gates,استاذ الفيزياء النظرية في جامعة Maryland اتكلم عن انو من خلال دراستو للكون اتضح ليهو انو المعادلات البيستعملا ما بتشبه بس كود الكمبيوتر. لا قال هي كود كمبيوتر عديل. و عموما الناس البتتحجج بالرياضيات بتقول انو الكون دا ماشي بي قوانين معينة..
@Aktham_Bob , I mean this picture ;)
بنقدر نحسبا و نتوقع نتائج التجارب قبل ما نعملا. دا كلو من معرفتنا للرياضيات بس. و زي ما ممكن الزول يخلق عوالم في الكمبيوتر بمجرد كتابة كود او برامج الرياضيات النحن شايفينها دي هي زاتا لغة البرمجة حقت الكون.
6. الاحتمالات:
قالو اذا نحن جينا نعمل محاكاة او لعبة كمبيوتر, ما حنعمل وحدة بس, حنعمل ميات او الاف زي ما شايفين من كمية الالعاب البتطلع. فأذا في عالم واحد بس قدر يصل لتكنولوجيا زي دي حيعمل منها كميات.
احتمال اننا نكون نكون عايشين في العالم الاصلي واحد على الاف العوالم الرقمية
قالو اذا نحن جينا نعمل محاكاة او لعبة كمبيوتر, ما حنعمل وحدة بس, حنعمل ميات او الاف زي ما شايفين من كمية الالعاب البتطلع. فأذا في عالم واحد بس قدر يصل لتكنولوجيا زي دي حيعمل منها كميات.
احتمال اننا نكون نكون عايشين في العالم الاصلي واحد على الاف العوالم الرقمية
طيب نجي نشوف لي الفرضية دي غالبا خاطئة:
1. الفرضيات الماممكن تبث او تنفى دي دي ما فرضيات علمية و ما مفترض نصدقا من غير ادلة. حتى لو شكلها مقنع و جذاب. نحن علينا بالاثباتات و الدلائل.
1. الفرضيات الماممكن تبث او تنفى دي دي ما فرضيات علمية و ما مفترض نصدقا من غير ادلة. حتى لو شكلها مقنع و جذاب. نحن علينا بالاثباتات و الدلائل.
2. كوننا اننا ما بنقدر نشوف العالم على حقيقتو ما دليل على انو في حاجة تانية وراهو او كمان نقول انو الحاجة دي عبارة عن كمبيوتر, الكلام دا مغالطة منطقية اسمها non sequitur او بالعربي, لا يتبع. يعني حكاية الكمبيوتر دا ما محصلة منطقية لانو نحن ما عارفين حقيقة الكون.
مثال :
مثال :
3. اللانهايات
اكبر عائق بيقيف ضد الفرضية دي هي الارقام الغير منطقية زي باي و فاي و ديل. الارقام الغير منطقية دي هي الارقام الماممكن تتخت في شكل كسر عادي و بتظهر لينا كسلسلة ارقام عشرية غير منتهية و غير متكررة.
طبعا 22 على 7 البنقرب بيها باي دي بس تقريبية يعني ما النسبة الحقيقية
اكبر عائق بيقيف ضد الفرضية دي هي الارقام الغير منطقية زي باي و فاي و ديل. الارقام الغير منطقية دي هي الارقام الماممكن تتخت في شكل كسر عادي و بتظهر لينا كسلسلة ارقام عشرية غير منتهية و غير متكررة.
طبعا 22 على 7 البنقرب بيها باي دي بس تقريبية يعني ما النسبة الحقيقية
باي علاقتا شنو بالموضوع؟
اذا دايرين نعمل محاكاة للكون الظاهر لينا, و باي جزو كبير من معاملاتنا الرياضية في الكون.. و باي ما بتنهي.. طيب حنعبر عنها كيف في البرنامج دا؟ حيخت القيمة اللامنتهية للارقام دي كيف؟ ماف كمبيوتر بيقدر يحسب ارقام باي كلها, اكتر عدد منهم اتحسب كان 2.7 ترليون.
اذا دايرين نعمل محاكاة للكون الظاهر لينا, و باي جزو كبير من معاملاتنا الرياضية في الكون.. و باي ما بتنهي.. طيب حنعبر عنها كيف في البرنامج دا؟ حيخت القيمة اللامنتهية للارقام دي كيف؟ ماف كمبيوتر بيقدر يحسب ارقام باي كلها, اكتر عدد منهم اتحسب كان 2.7 ترليون.
4. مزيد من المغالطات المنطقية:
متناقضة فيرمي دي كمان فيها 2, argument from incredulity & non-sequitur ما عشان ما قادر اصدق انو نحن ممكن نكون برانا في الكون معناتا الكون اتبرمج كدة.
متناقضة فيرمي دي كمان فيها 2, argument from incredulity & non-sequitur ما عشان ما قادر اصدق انو نحن ممكن نكون برانا في الكون معناتا الكون اتبرمج كدة.
و قس على ذلك. كل الحجج البتقول في حاجة في الكون غريبة او ما لاقين ليهم تفسير, عشان كدة simulation مغالطات منطقية و مافي داعي افككم واحدة واحدة.
5. بالنسبة لموضوع الاحتمالات فهي برضو خطأ لانها مبننية على فرضية ما مثبتة. يعني انت حسبت احتمالاتك دي كلها بناء على انو ممكن كون زي حقنا دا ينتج من كمبيوتر. غير كدة, انو في عالم فيهو ناس عندها التكنولوجيا دي و كمان عملت منها الاف. مافي داعي نضيع زمنا في حسابات مبنية على فراغ
في النهاية, حابة اقول انو الافكار و الفرضيات الزي دي مثيرة للاهتمام و مهمة لانو بتخلي الزول داير يعرف و يفهم الناس دي بتقول الكلام ده لي و يحاول يفهم الظواهر دي, و في نفس الوقت يمرن عضلاتو التحليلية و تفكيرو المنطقي... يتعلم ما ينخدع بالافكار الجذابة و ينساق ورا نساجي الكلام...
املي انو الزول القرا الكلام دا حتى لو ما كملو للنهاية, او ما استفاد منو شديد, يكون بس جاهو احساس انو داير يعرف اكتر عن الكون, الفلسفة و المنطق, فيزياء الكم, العلوم عموما.. و حس انو الحاجات دي فيها جوانب كتيرة interesting و بتستحق التفكير فيها.
شكرا على القراءة ❤️
شكرا على القراءة ❤️
links and further reading:
عن نظرتنا للعالم عن طريق الحواس و الطرق الممكن ننخدع بيها:
ncbi.nlm.nih.gov
كلام اكتر عن كهف افلاطون:
faculty.washington.edu
كلامNick Bostromعن الموضوع
simulation-argument.com
الرياضيات و الكون
arxiv.org
او
youtube.com
عن نظرتنا للعالم عن طريق الحواس و الطرق الممكن ننخدع بيها:
ncbi.nlm.nih.gov
كلام اكتر عن كهف افلاطون:
faculty.washington.edu
كلامNick Bostromعن الموضوع
simulation-argument.com
الرياضيات و الكون
arxiv.org
او
youtube.com
تجربة الشقين:
physics.mq.edu.au
مشكلة القياس:
arxiv.org
فكرة عامة عن مغالطة فيرمي:
en.wikipedia.org
بعض الكتب البتتكلم عن المواضيع دي:
en.wikipedia.org
books.google.de
#v=onepage&q=Our%20Mathematical%20Universe%3A%20My%20Quest%20for%20the%20Ultimate%20Nature%20of%20Reality&f=false" target="_blank" rel="noopener" onclick="event.stopPropagation()">books.google.de
physics.mq.edu.au
مشكلة القياس:
arxiv.org
فكرة عامة عن مغالطة فيرمي:
en.wikipedia.org
بعض الكتب البتتكلم عن المواضيع دي:
en.wikipedia.org
books.google.de
#v=onepage&q=Our%20Mathematical%20Universe%3A%20My%20Quest%20for%20the%20Ultimate%20Nature%20of%20Reality&f=false" target="_blank" rel="noopener" onclick="event.stopPropagation()">books.google.de
جاري تحميل الاقتراحات...