رتبها

اليوم موضوعنا عن
طريقة اختيار اللاب توب
المناسب لإحتياجاتك
سلسلة تغريدات تحت بعضها
لعدة ايام:
- شرح مواصفات اللاب توب و وظايفها
- شرح مبسط عن الفرق بين المميزات
- كيف تعرف احتياجك من المميزات
- اماكن الشراء الموثوقه
- نصائح عامة حول الاستخدام السليم

نبدأ اول شي بمعنى كلمة: لاب توب
Laptop معناها "فوق الحضن"
شرايكم بمعلوماتي ?
المقصد هو الجهاز اللي تحطه بحضنك
وانت تشتغل عليه..
نكتفي بهالقدر من المعلومات
ريتويت

خلاص نبدأ الجد..
اختيار اللاب توب المناسب
امر ليس سهلا وللاسف كثير مننا
ما يعرف شي عن اختيار اللاب توب
غير السعر فقط لا غير ، يشوف افضل
سعر مناسب لجيبه ويشتريه
وامكن يكلف نفسه شوي
ويسأل البايع اللي واقف بالمحل
وطبعا البائع اغلب الاحيان
يعطي نصيحه من راسه
بس يبغا الفكه ??‍♂️

من رأيي اكثر نقطه رئيسية
نبدأ فيها هي:
?اختيار نظام التشغيل?
اكثر نظامين منتشرين حاليا هم
- Windows
- Mac
اختيار النظام ليس امرا سهلا
وهو اولا واخيرا اختيار شخصي
لا يوجد افضل او اسوأ بينهم
وخاصة بعد وصول Windows 10
اصبحت السرعه والسلاسة
والتجاوب بين النظامين متقاربة ??

النقطة الثانية
حدد هل انت بحاجة
الى لاب توب عادي او اثنين في واحد
يسموه: 2in1 ، المعنى لاب توب وتابلت
بنفس الوقت.
ويجوا نوعين
الاول: تفصل الشاشة تماما عن الكيبورد
الثاني: تطوي الشاشة بالكامل للخلف
ويصير كانه تابلت لكن ما ينفصل عن الشاشه. (الصور تشرح الموضوع)

مع الاخذ بالاعتبار
▪️ان اللي ينطوي عادة بطاريته
أفضل من اللي شاشته تنفصل
ومع الاخذ بالاعتبار
▪️ان اللاب توبات العاديه
سعرها ارخص +مواصفاتها اعلى
مقارنة بـ فئة 2in1
عموما بعد اختيارك لنظام التشغيل
وتحديد 2in1 او لاب توب عادي
ندخل بعد قليل
بالمواصفات والفروقات المهمه
بين الاجهزة

أولا:
فكر بحجم الشاشة المناسب لك
وهل انت تحب تاخذه معاك طوال الوقت؟
او فقط بالمنزل؟
تنقسم الشاشات الى عدة فئات:
- ١١ الى ١٢ انش ، هذه انحف واصغر واخف اللابتوبات (مناسبة للحمل خارج المنزل)
- ١٣ الى ١٤ انش ، هذه المفضلة بالنسبة لي لانها تجمع صغر الحجم وخفة الوزن
مع شاشه بحجم جيد

- ١٥ انش ، هذه هي اغلب اللاب توبات
وماتناسب الشخص اللي يبغا يحمله معاه
طوال الوقت خارج المنزل لثقل الوزن وكبر الحجم.
- ١٧ الى ١٨ انش ، تناسب اللاب توبات
اللي بتحطها ع مكتبك بالمنزل طوال الوقت
وتناسب اصحاب الالعاب والمصممين الباحثين عن المواصفات الخارقه.

?ثانيا?
اذا كنت من مستخدمي الكتابة كثيرا
وعمل التقارير او الواجبات المنزلية
جرب الكيبورد قبل الشراء.
تأكد انه سلس ومريح بوضعية الكتابة
وان المسافات بين الكيبورد مناسبة لاصابعك.

?ثالثا?
دخلنا بمربط الفرس?
-المعالج
- الرام
- الهارديسك
- المداخل
- كرت الشاشه
- وضوح الشاشات وانواعها
هذول يحتاجوا توضيحات كثيره
بالتغريدات القادمه ?

نكمل حديثنا
ونبدأ بـ ?المعالج?:
أكثر شركتين مشهورتين ??‍♂️
- انتل Intel
- اي ام دي AMD
والاكثر انتشارا هي شركة Intel
لذلك حنسحب على AMD
عشان ما نضيع بتفاصيل مالها داعي

نبذة بسيطة عن سالفة المعالجات:
سنويا شركة Intel
تنزل جيل جديد من المعالجات
نحن الحين بسنة ٢٠١٨ واصلين الجيل الثامن ،طبعا كل سنة الجيل يكون افضل
من الجيل السابق، لذلك حاليا انصح
الكل اذا بيشتري لاب يختار
معالج من الجيل الثامن
طيب كيف نعرف المعالج أي جيل؟

قبل اجاوب ع السؤال السابق
معلومة مهمه:
الجيل الواحد من المعالجات
هو مثل العائلة مكون من ٦ افراد تقريبا
يعني للتوضيح الحين ب ٢٠١٨ نزل
الجيل الثامن من المعالجات (٦ معالجات)
وبعام ٢٠١٧ كان نازل الجيل السابع
(٦ معالجات ايضا)
من هم افراد الاسرة ؟
بالتغريدات التالية

أفراد اسرة المعالجات:
الاول: Intel Core i3-
الثاني: Intel Core i5-
الثالث: Intel Core i7-
الرابع: Intel Core m-
الخامس: Intel Pentium /Celeron-
السادس: Intel Xeon-
كل نوع من هؤلاء السته
يندرج تحتهم فئات اخرى
سيتم ذكرها والشرح اكثر
حول الفرق بينهم

دخلت موقع مكتبة جرير
جبت امثلة على لابتوبات
دخلت على مواصفات الجهاز
وصورت لكن المعالج عشان
يكون الشرح اوضح (شوفوا الصور)
شايفين i7 و i3 ؟
هذه تعبر عن فئة المعالج
اللي تكلمت عنها فوق
وشايفين الارقام 8750
و8130 و 8550 ؟
رقم ثمانية يعبر على ان
المعالج من الجيل الثامن

يعني لو كان المعالج من
الجيل السابع مثلا
بيكون الرقم بدايته 7 وليس 8
ان شاء الله وضحت الفكرة ??‍♂️
طيب شايفين الحرف جنب الرقم؟؟
اثنين منهم مكتوب U و الثالث H
هذه ايضا لها دلالات
يعني على سبيل المثال
لو قررت تشتري معالج i5 الجيل الثامن
ايضا قدامك خيارات
هل تختار معالج U ولا H

ايش هي الحروف المتوفرة
وماهي دلالاتها جنب كل معالج؟
اولا/
H: تعبر عن الأداء المرتفع
K: تتعبر عن انه يمديك تكسر سرعة المعالج (هذه ما تهم المستخدم العادي)
S: أداء متوسط
T: استنزاف طاقه متوسط
X: اداء خارق
والاخير وهو الاكثر انتشارا ??
U: ?أقل استهلاك للبطارية + اداء مرتفع?

طيب نرجع لأفراد اسرة
المعالجات اللي قلنا فوق
منهم i3 و i5 و i7 والخ.
ايش الفروق بينهم ؟
كل معالج يفرق عن الثاني
في ثلاث أمور:
- سرعة المعالج
- سعة ذاكرة الكاش
- عدد الأنوية
الشرح بالتغريدة القادمة
اهم شي مركزين?

نبدا من تحت
ايش يعني عدد الانوية ؟
للتسهيل اعتبر النواه = المخ
مثلا معالج i3 عنده مخين
وi5 عنده ٤ امخاخ
وi7 عنده ٨ امخاخ
كل مازادت الانويه يعني يستوعب شغلك
على الاب توب اسرع
فاللاب ما يعلق مع الكرف
رسمت صورة توضيحية ☺️

طيب ايش يعني
سعة ذاكرة الكاش ؟
شايفين الصورة السابقة
فيها اسهم مكتوب جنبها انها الاوامر
هذه هي اوامرك على اللاب توب
اكتشفوا قبل كم سنة
ان الاوامر اللي تطلبها باللاب توب
تاخذ وقت بالطريق من اللوحة الأم
الى المعالج
فاخترعوا شي اسمه الكاش
وهي ذاكره حطوها جنب المعالج

ليش حطوها جنب المعالج؟
عشان ماتتاخر طلباتك بالتنفيذ
صار الطريق الى المعالج قصير
لان هالذاكره لاصقه بالمعالج.
حاليا كل المعالجات فيها
ذاكرة الكاش ،فلا تهتموا بها
واما سرعة المعالج فهي واضحة
مثل سرعة التفكير واتخاذالقرار بالبشر
وهي تعبر عن سرعة النواه
بمعالجة اوامرك وتنفيذها

خلصنا من شرح المعالج?
الان ندخل بـ ?الرام?:
ماهو الرام؟
يسموها الذاكرة العشوائيه
تخزن البيانات مؤقتا اذا طفيت الاب
تتمسح هالمعلومات.
ايش فايدته ؟
وليش اخترعوه اساسا

اي شخص يشتغل ع اللاب
يعطي اوامر لتنفيذها
مثلا: تبغا تفتح برنامج البوربوينت
رحت ضغطت عليه بالماوس
وش يصير ؟
الامر ينطلق
من الهارديسك
الى المعالج
لكن سرعة الهارديسك
تعتبر جدا بطيئة
قاموا اخترعوا الرام
الرام ذاكره صغيره
سرعتها خارقه
تتخزن فيها الاوامر
بحيث .. يتبع

بحيث اذا طلبت تفتح
البوربوينت يقوم الامر
ينطلق من الرام الى المعالج
بدل انه ينطلق من الهارديسك
عشان كذا المرة الجايه لاحظوا
انكم اذا شغلتم اللاب توب
وجيتوا تفتحوا اي برنامج لاول مره
بيستغرق وقت للفتح
لكن اقفلوا البرنامج
وارجعوا افتحوه من جديد
تلقوه يفتح اسرع بكثير
السبب؟!

السبب ان المره الاولى للفتح
الامر انطلق من الهارديسك الى المعالج
بعد تم تخزين الامر بالرام
واما الفتحه الثانيه انطلق الامر من الرام
للمعالج فكانت عملية فتح البرنامج اسرع
وهكذا ..
احس شرحي صعب
خلاص برب نكمل بعدين?

الزبدة:
اوامرك على اللاب توب
تنطلق اولا من الهاردسك الى المعالج
بعد ذلك اخترعوا الرام
وصارت بعض الاوامر تتخزن بالرام
فتنطلق من الرام الى المعالج
بعد ذلك اخترعوا الكاش
وصارت بعض الاوامر تتخزن بالكاش
فتنتطلق من الكاش الى المعالج
لذلك مهم جدا يكون
الهارديسك + الرام + الكاش
سريعين

ننتقل الى?الرام?
تبدأ من ٢ جيجا, ٤ جيجا, ٨ جيجا, ١٦ جيجا و اخيرا ٣٢ جيجا
اللي يحكم بجودة الرام ليس فقط مساحة التخزين
في امور اخرى مثل:
Frequency: وهي كمية البيانات المنقولة بالثانية الواحدة. وتقاس بالميجا هيرتز
Timing: الوقت المستغرق بين اعطاء الامر وتنفيذه وتقاس بالنانو ثانية

عشان نفهم الرام أكثر
ناخذ مثال
رام حجمه: ٤ جيجا
والfrequency: ١٦٠٠ ميجاهيرتز
والtiming: ٥ نانوثانية
نتخيل ان الرام عبارة عن
غرفه تستوعب ٤ الاف كرتون
والfrequency هي عدد الشاحنات اللي بتنقل الكراتين من الغرفه
والtiming هوالوقت اللي تستغرقه الشاحنات لين تروح توصل الكراتين وترجع?

ف وش الفايدة اذا عندنا
رام حجم كبير لكن الfrequency
قليلة!!
مثل يكون عندنا مستودع كبير
لكن الشاحنات اللي تنقل العفش
عددها قليل ماستفيد شي من حجم
المستودع??‍♂️?

و ايضا وش الفايده
يكون عندي مستودع كبير (حجم رام كبير)
وشاحنات كثيره( frequency مرتفعه)
لكن الشاحنات بطييييئة(timing بطيء)
لين تروح وترجع يرتفع ضغطي?
بالله كيف الشرح
مافي احد صاحي
يمدح شرحي شوي ☺️؟

زبدة الرام:
لازم تاخذ كل العناصر بعين الاعتبار
ماتركز بس على حجم الرام ، لو محتار
بين لاب توبين واحد رامه ٤ والثاني ٦ مثلا
لا تظن ان ال٦ افضل بالعكس ربما ال٤ افضل اذا بحثت عن الfrequency والtiming اللي سبق شرحهم بالأعلى.

ننتقل الى:
? الهارديسك?
حاليا بالسوق نوعين من الهارديسك
HDD
و
SSD
الأول: ارخص ومتوفر بمساحة تخزين اكبر
لكن
الثاني: اسرع بكثير ، اقل استهلاك للكهرباء ، تشغيل الجهاز اسرع ، فتح البرامج اسرع ، ماله صوت ولا ازعاج ولا يسخن.

اللاب توبات الاقل كفائة
يجي فيها هارديسك HDD فقط
واللاب توبات الاعلى كفائة
يجي فيها هارديسك HDD لملفاتك
وايضا مدموج معاه SSD لملفات النظام (عشان يصير التعامل مع التظام والتشغيل والاغلاق سريع)
واللاب توبات الخارقه
يجي فيها فقط SSD لملفاتك وملفات النظام?

جدير بالذكر بعام ٢٠١٧ اخترعوا حاجه جديدة سموها Optane Memory
ليش اخترعوها؟
لان اللاب توبات اللي فيها هارديسك
من نوع SSD تجي غالية
قالوا خلاص نخلي اللاب
بهارديسك HDD الرخيص
لكن نحط هالاختراع معاه
يخزن فيه اهم ملفات النظام
للتشغيل والتعامل السريع باللاب
لكن طبعا الSSD يضل الاسرع

هذا مقطع يقارن بسرعة
تشغيل اللاب توب و
كلهم نفس المعالج ولكن الهاردسكات:
- اول واحد باليسار :SSD?
- وثاني واحد : HDD + Optene memory
- واخر واحد باليمين: HDD ??
youtu.be
هذه هي اهمميية يكون الهارديسك
من النوع SSD
ومكتوب هالشي بالمواصفات
او اسال البائع ??

وصلنا الى
? كرت الشاشة ?
الحين كل شي تشوفوه بالشاشه
عبارة عن نقاط صغيررررره جنب بعض
يسموها بيكسل ، او سويت زوووم قوي
بأي صورة بتشوفها مثل البكسل.
معالج اللاب توب يرسل البيانات
الى كرت الشاشه اللي بصفته يحول
البيانات الى صورة تشوفها انت بالشاشه
مثال توضيحي بالتغريدة القادمة

نعتبر ان المعالج: مدير شركة معينة
ونعتبر ان كرت الشاشه : قسم
الدعاية والاعلان بالشركة
المدير يشرح لقسم الدعاية والاعلان
عن فكرة اعلان معين..
فيقوم قسم الدعاية والاعلان بتنفيذ
التصميم والاعلان ونشره..
هذه هي وظيفة كرت الشاشة?

عندنا نوعين من كرت الشاشة
النوع المعتاد يقولوا عليه:
- كرت شاشة داخلي
النوع الثاني:
- كرت شاشة خارجي
—————————-
اذا كنت لا تسخدم لاب توبك
في:
- الألعاب
- تعديل الفيديو والافلام وال3D
فما تحتاج كرت شاشة خارجي ??

المعنى:
اذا مالك بالالعاب ولا صناعة الافلام
او التصميم الـ3D فلا تكترث لموضوع
كرت الشاشه ولا تفكر فيه اثناء شراء
اللاب توب ، سوي نفسك مجنون ??‍♂️

وصلنا لجزئية مهمه
?المداخل?
مهم جدا تنتبه لمداخل اللاب توب
بعض الاحيان تغيب عننا..
لازم كل شخص ينتبه للفتحات الموجوده
وهل هي تغطي احتياجاته؟
عندنا امثلة
- فتحات اليو اس بي
- فتحة كرت الميوري
- فتحة HDMI لشبك اللاب بالتلفزون
- فتحة السماعة
- فتحة سلك المودم والخ

?البطارية?
وما ادراك مالبطارية ??‍♂️
بطارية اللاب توب اكثر شي (بالنسبة لي)
اهتم فيها..
خاصة اذا الشخص كل استخداماته
خارج المنزل ، يحتاج بطارية تجلس معاه
على اقل تقدير ٦ ساعات ?
ولا تاخذ دعاية شركة اللاب توب بمحمل
الجد ، دائما ابحث عن تجارب الناس
باليوتيوب من ناحية بطارية الجهاز

ماله داعي نتكلم عن انواع
بطاريات اللاب توب قبل كم سنه
خلينا بالمفيد حاليا المتوفر بالسوق
نوعين:
- Li-ion
- Li-poly
الاثنين نفس المميزات
بفروق ما يحتاج المستخدم العادي
يعرف عنها اي شي لانها فروق بسيطه
بالتغريدة القادمة نتحدث عن
امر مشوق جدا ?
" كيف تحسب عمر البطاريه"

طبعا الموضوع مو سهل
وما ينحسب الا عن طريق
التجربة الحقيقيه ولكن
في تقديرات مبدئية تقدر
تسويها قبل تشتري اللاب
طبعا نقدر نعرف
اذا بطارية لاب توب معين
افضل من بطارية لاب توب آخر
عندنا مجموعة طرق
بشرح طريقتين بسيطه وسريعه

اذا جيت تشتري لاب
من موقع او من المحل
ابحث عن الجزء اللي يتحدث
عن بطارية اللاب وابحث عن
المعلومه التالية:
Watt Hours او Whr
بيجيك رقم مثلا
ويؤسفني اقولكم شيكت بأغلب
المواقع العربية زي جرير واكسترا
مو كاتبين هالمعلومه عن البطارية
لانهم يدروا اننا جهلة نشتري بناء ع السعر فقط?

المهم دبروا نفسكم ابحثوا عن المعلومه اللي ذكرتها? هذا موقع اجنبي
لنفس اللاب توب بمكتبة جرير
لكن الموقع الاجنبي ذاكر المعلومه
شايفين بالصورة الرقم 45.2
ناخذ هالرقم ونقسمه على كمية الواط
اللي ممكن نستهلكها اثناء استخدامنا
كيف نحسب هالكمية ؟
بالتغريده القادمة

كمية الواط المستهلكة اثناء
استخدامنا:
- الالعاب الثقيله وصناعة الافلام: 60W
- العاب خفيفه: 50W
- صناعة الافلام والتصميم: 35W
- مشاهدة الافلام اون لاين: 25W
- مشاهدة الافلام بدون انترنت: 20W
- الاستخدام العادي (التصفح والكتابة والطباعة سماع الموسيقى والامور المعتاده: 10الى15W

طيب يلا كيف نحسب عمر البطارية؟
نجيب الرقم هذاك اللي تكلمت عنه قبل تغريدتين اللي طلع معانا 45.2
ونحدد وش استخدامنا للاب بناء ع التغريدة السابقة ، مثلا بختار اني العب العاب خفيفه
اللي هو 50W
ونقول: 45.2/50 = 0.9 ساعه تقريبا ساعه وحدة فقط
طيب ناخذ مثال اخر بالتغريدة القادمه

لو بستخدم اللاب بمشاهدة الافلام
اون لاين اللي هو 25W
نقول: 45.2/25 = 1.8 ساعه تقريبا ساعتين
طيب لو بستخدم اللاب الاستخدام
العادي اللي قلنا انه يستهلك 10الى15W ؟
نقول: 45.2/10= 4 ساعات ونص✌?

طيب نفترض ماحصلنا معلومة الـ Watt Hours اللي قلنا عنها ؟
نبحث بمعلومات البطارية سواء بالموقع
او بالمحل نفتح البطارية ونشوفها من الخلف ونبحث عن المعلومات التالية
- كمية الفولت V
- كمية الملي امبير mAh
مثال بالصورة
فوق ع اليمين
الفولت: 11.1
الملي امبير: 4400
ونقوم بعملية حسابيه

11.1 * 4400 = 48840
نقسمها على الف:
48840/1000= 48.8Watt Hours
وبكذا وصلنا للمعلومه الضائعة ?
ونحسب عمر البطارية مثل ما شرحت
قبل على مثال الـ 45.2Watt hours
شكلنا طولنا بنقطة البطارية?
خلاص ننتقل للي بعده
بالتغريدة القادمة

قبل ننتقل لنقطة جديدة
معلومة مهمه:
ما يحتاج تحسبوا عمر البطارية
فقط دائما اذا بتقارنوا بين لابتوبين
من ناحية البطارية خذوا الرقم الاعلى
مثل بالصورة ال76 افضل من 48
هذه اسرع طريقه ??
واحيانا تحصلوا عمر البطارية محسوب
جاهز بالمواقع المحترمه يكون كذا:
Average battery life = 7 hr

النقطة الاخيرة تقريبا
?قطع الغيار+ الضمان?
-حاول تسال عن سعر البطارية
لان غالبا بعد سنتين تحتاج بطارية جديدة
- حاول تسال عن سعر الشاشه
تحسبا لو كسرتها بالخطأ ?
لذلك لا تشتري شاشه لمس لانها غاليه
- شوف اذا في اي اكسسوارات متوفره
لهالجهاز تقدر تشتريها وتدلع نفسك

- تأكد من الضمان وموثوقية محل الشراء
- تأكد من ان الوندوز اللي مع الجهاز
هو الوندوز الاصلي
- ما انصح تشتري من محلات اللاب توبات
العشوائية بالشوارع
- اسال عن سعر الشاحن وتوفره
- احتفظ بفاتورة الشراء والافضل
تصورها بجوالك لان حبر الفواتير غالبا
بعد ٤-٦ اشهر يختفي

?نصائح عامة ?
تخص استخدام اللاب توبات
?لا تخليه مشبوك بالشاحن طوال الوقت
?حاول ماتنزل البطارية اقل من ٢٠٪ الا وتعيد شحنه من جديد
?حاول اذا وصلت ١٠٠٪ تفصل الشاحن
? لا تحط فوق اللاب توب اي شي ثقيل مثل الكتب
?حاول تشبك الشاحن بالجدار مباشرة
بدل استخدام توصيلة من النوع السيء

?حافظ على برودة المكان اثناء استخدام اللاب توب لاطالة عمر البطارية
?خفض انارة الشاشه قدر المستطاع
?حاول ما يعدي عليه شهر كامل الا وتستخدمه وتشحنه مره ع الاقل
?اشتريله شنطه جيده للحماية
? انتبه تكب القهوه ع الكيبورد ?
? لا تاكل فوقه وفتافيت الاكل تدخل تحت الكيبورد

اخر فقرة بموضوعنا
نصائحي الشخصية
لكل فئة من الاشخاص
ونبدأ مع فئة الأشخاص
اللي استخدامهم خفيف جدا
( تصفح بسيط ومايكروسفت اوفيس وايميلات)
?معالج i3 (الجيل الثامن ومافوق)
?الرام 3 جيجا ع الأقل
? الهاردسك HDD + optane 16gb

فئة الاشخاص
كثيفي الاستخدام
تصفح وبحث كثير وما يحب يقفل
صفحات المتصفح + استخدام الاوفيس بكثره والايميلات واليوتيوب والافلام
? معالج i5 الجيل الثامن او اعلى
?الرام 6 جيجا او اعلى
? الهارديسك SSD 128GB او اعلى
? بطارية جيده
?لو الكيبورد مضيء احلى واحلى
?جرب الشاشه لو مناسبه

فئة الاشخاص
المجانين اللي ما يطفوا
اللاب وألعاب وتحميل
مسلسلات
وكرف..
- معالج i7 الجيل الثامن واعلى
- الرام 8 جيجا واعلى
- الهاردسك SSD 256gb واعلى
- شاشه كبيره
- بطارية خارقه
- كرت شاشه منفصل

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد