رتبها

السلام عليكم ورحمة الله
اليوم موضوعنا راح يكون عن السيرة الذاتية وبناءها بشكل قوي ابتداءً من سنوات الكلية الاولى 🤓
راح اتكلم عن الاساسيات الي لازم تكون عندك و ترتيب الشهادات العلمية والانشطة الا صفية والتوصيات، ومن فين تقدرون تحصلون على شهادات معتمده وقويه
📋✨

كثير جداً من الاشخاص يهملون بناء سيرتهم الذاتية وتلاقيهم لم يتخرجون من الجامعه السي ڤي حقهم ابيض مافيه الا المعدل على امل يقدرون يعبون السي ڤي انجازات في سنه الامتياز او حتى بعدها وهذا شي غلط☹️

خلال سنوات الكلية الاولى اتعرف على الانديه الطلابية في جامعتك وبالذات الاندية الطلابية الصحية راح تلاقيهم يعملون مشاريع تطوعيه كثير تقدر تشارك معاهم وتكتسب خبره في العمل التطوعي وتحصيل المعلومات وكمان تحصل على شهادات من هذي المشاريع تقدر تحطها في السي ڤي حقك 👌🏼

تقدر كمان تشارك باعمال تطوعيه خارج نطاق الجامعه زي مثلاً من تجربتي الشخصية شاركت في التطوع الاسعافي في الحرم النبوي 🙏🏼❤️

الفوائد لا حصر لها تساعد الناس وتكتسب خبره عمليه في التعامل مع الحالات الميدانيه والطارئة وتكسب دعوات طيبة وكمان تحصل على شهاده ولكن ارجوكم لاتكون الشهادات اهم عندكم من مساعده الناس وخدمه المجتمع بعلمكم 😔🙏🏼❤️

طالماً انكم في المجال الصحي تابعوا تواس @TWAS_ksa فكرتهم عباره عن مجموعات في مختلف التخصصات تنشر معلومات تثقيفيه في نفس تخصصك بنفس الوقت يعلنون عن مشاريع واعمال تطوعيه كثير منها الاقيهم يعرضون تقديم شهادات وبعض المشاريع هذي فيها شهادات من وزاره الصحة✨انت دور القروب حق تخصصك😂🤝

وزارة الصحة نفسها تنزل اعلانات عن دورات ومؤتمرات برعايتها دوبي من فترة قريبة حضرت دورة منها، خليكم على اطلاع فيهم اول بأول👍🏻

شيك على نفس جامعتك راح تلاقيهم يعملون دورات مهمه بنفس تخصصك من فتره للثانيه 👌🏼

في حسابات كثير على تويتر تعمل اعلانات لاهم المؤتمرات سواءً على مستوى السعودية زي
@cmeinksa @MedConf_KSA
👌🏼

كمان راح تلاقون موقع يقدم دورات مجانية الكترونية رهيييبه جداً في المجال الصحي اسمه
Futurelearn
وكمان
Alison.com
تابعوا كمان حساب
@ArabAcademia
دايماً يجيب معلومات ودورات رهيبه تهم الاكاديميين وكمان مفيده في بناءً السيرك الذاتية👌🏼

Alison.com

نجي لسيرتنا الذاتية بكبرها كيف نبدأ نرتبها ؟ 🤔
تقدرون تكتبون في البداية
📍Personal statement
تتكلمون فيه عن نفسكم وشخصيتكم بشكل جداً جداً مبسط وغير مبالغ فيه.

📍Educational
زي مثلاً شهاداتكم الاكاديمية بترتيبها الاجدد للاقدم
المعدل التراكمي بعد التخرج
شهاده انجلش ودرجتها سواءً
TOFEL, ILETS, STEP
الدورات التعليمية

📍conferences
شهادات المؤتمرات الي شاركتم فيها او حضرتوها ولازم تذكرون ايش دوركم مشاركين او حضور☝🏼
📍researchs
لو سبق وشاركتم بأبحاث وتم نشرها تكتبونها تحت الخانه هذي
📍EXtracurricular
هنا تكتبون الاعمال التطوعيه

📍Administrative experience
لو عندكم شهادات في مراكز قيادية ✨
📍References
تكتبون اسماء الدكاتره الي اعطوكم رسائل توصية ومعلومات التواصل معاهم زي رقم التلفون او الايميل عشان الجهه المعنيه الي قدمتم عندها السي في يقدرون يتواصلون مع الدكاتره ويسألونهم عنكم 🤝

في الصفحة الاولى من السي في لازم تذكر اشياء زي معلوماتك الخاصة
(العمر، الجنسية، تاريخ الميلاد، اللغات الي تتحدثها)
هواياتك زي مثلاً الرسم التصوير القرائة التجارة التدوين وهكذا وياحبذا لو عندك شهادات توثق فيها هواياتك 😍✨

مثلاً شاركت بحملات استخدمت فيها هوايتك وحصلت على شهاده تثبت ذلك
او اخذت دورات بشهادات في نفس مجال هوايتك في حال لو طُلب منك اثبات (لو سمحت لا تألف اشياء او هوايات مو حقيقية عندك😂)

معلومات التواصل معاك رقمك وايميلك وبالنسبه للايميل يفضل يكون بروفيشونال وبإسمك عشان يعطي انطباع لجهه العمل انك شخص جدي 🤝

اتذكروا دايماً ترتيب الشهادات يكون من الاحدث الى الاقدم ☝🏼

وقت انشاءكم لقالب السي في حقكم حاولو يكون بتصميم ابداعي وانيق عشان يلفت انتباه الاشخاص الي راح تقدم عندهم وتعطي انبطاع انك شخص ذو فكر ابداعي ومرتب في شغلك 👌🏼✨
فقط اكتب في قوقل
Cv template
او
قوالب للسيرة الذاتية