خلال الثريد التالي وتحت هذه التغريدة حأتكلم عن موقع #حطام_تايوتا الموجود في #ساحل_بورتسودان بشرق #السودان وعن كمية من سيارات التايوتا موجودة غارقة في قاع المكان وقصته شنو ,,وقصة السفينة الكانت على متنها الحمولة دي شنو؟
???
#تعرف_على_السودان
#ثريد_الملكة
#sudan
???
#تعرف_على_السودان
#ثريد_الملكة
#sudan
السفينة كان اسمها #بلوبيل ومرات تنطق #بلوبيلت وهي سفينة شحن تتضارب الاقوال عن هويتها بس المرجح انها سفينة شحن مملوكة لسعوديين وهي سفينة شحن ضخمة تم صناعتها واطلاقها سنة 1950 م , السفينة كانت مبحرة من #جدة الى #بورتسودان ومحملة بشحنة من سيارات تايوتا وقطع غيارها ودة سبب التسمية
في يوم 2 ديسمبر 1977 اصطدمت بلو بيل مع الشعاب المرجانية في ساحل بورتسودان تحديدا #شعاب_السعودي على بعد 75 كيلومتر شمال #بورتسودان لخطأ ملاحي من الربان وفي أقوال بتذكر انو اصلا البضائع كانت مهربة بالتالي دخلو بمنطقةعارفين انو ممر ضيق بين الشعب المرجانية بس ما قدروا مكانه بدقة
بعد اصطدام السفينة بالشعاب المرجانية وبداية الغرق حاول الطاقم انهم يخففوا من وزنها وبدأوا بتفريغ الحمولة من السيارات عشان كدة في الموقع بنجد السيارات في القاع مبعثرة بصورة عشوائية منها سيارات واقفة على عجلاتها وسيارات مقلوبة رأسا على عقب بس المحاولات فشلت وما انقذوا السفينةوغرقت
السفينة الضخمة الان تمثل حطام طوله 103 أمتار وقاعدة مقلوبة على منحدر من بزاوية 30درجة وبسبب التيارات القوية قبل كم سنة اتحركت من مكانا وانزلقت للقاع أكتر فاصبح العمق ووضع السفينة لا يسمح بالغطس فيها بالرغم من كدة في ناس بيمارسوا هواية الغطس هناك
موقع غرق بلو بيل او المعروف ب حطام التايوتا الان اصبح موقع مميز مليان كائنات حية نادرة زي القرش ابو مطرقة وانواع مميزة من الاسماك الملونة والشعاب المرجانية والسيارات اتزينت بالشعب المرجانية وبقت مكان يجذب هواة السفن والغطس وفي عروض في اوروبا من شركات سياحة مختلفة بتروج للموقع
السياح وهواة الغطس عندهم صور بيعتبروها تحدي وهي لقطات بيظهر فيها الغواص كأنه بيسوق السيارة الغارقة مع فك عدة الغطس لفترة بسيطة لغاية ما يتصور كجزء من المغامرة
#انتهى_الثريد
?
#انتهى_الثريد
?
جاري تحميل الاقتراحات...