اذا تبغى تستمر في ممارسة الرياضة، الذهاب للجم مثلاً، لازم يكون عندك العزيمة والارادة وراح تحقق هذا الشي. كم واحد سمع هذا البولشت واشترك في النادي وراح متحمس لمدة كم يوم وسحب للابد؟ صديقي ساعة وسحب. الاستمرار في ممارسة شي معين له "سر" اعمق من التحفيز المؤقت والي هو فورة وتنتهي.
ايش الفرق بين الشخص الي يشترك في النادي ويروح كم يوم ويبطل وشخص يستمر سنوات؟ هل هو الفرق في قوة العزيمة او الارادة؟ ممكن ولكن فيه شي اعمق والي هو ببساطة الاستمتاع.! واحد قدر يستمتع والاخر ماقدر يوصل لهذي الحالة من الاستمتاع. ولكن ماهو الاستمتاع اساساً؟. هنا يكمن السر.
ربط الفيلسوف آلان واتس الاستمتاع بكلمة Discipline الانضباط وهذا هو السر حتى توصل للاستمتاع بشيء ما. لكل فن قواعد والاستمتاع هو ان تلتزم بهذي القواعد Discipline حتى تستطيع القيام باداء هذا الفن كما ينبغي.
طبخ،رسم،رياضة،كتابة،قراءة، بزنس،الخ. جميع هذي الامور لها قواعد تحكمها.
طبخ،رسم،رياضة،كتابة،قراءة، بزنس،الخ. جميع هذي الامور لها قواعد تحكمها.
بالعودة لمثال الجم والفرق بين الشخص الي يستمر والشخص الي يومين ويبطل. الاول عرف وتعلم قواعد اللعبة وانضبط معاها واصبح اتباع قواعد اللعبة بشكل "تطوعي" من الشخص نفسه شي ممتع، على عكس الثاني الي راح للجم وهو مايعرف ايش يبغى ولاقدر يستوعب اللعبة وقواعدها.
في بداية العشرينات حاولت تعلم الموسيقى وقطعت شوط لابأس به ولكن ما استمريت لظروف عديدة، الشاهد من التجربة اني عرفت عن قرب قد ايش تحتاج انضباط عشان تقدر تتعلم الموسيقى، ساعات طويلة كل يوم من العزف حتى تتمكن من اتقان الآلة الي تبغى تعزف عليها وتحتاج صبر وهنا تطبيق قاعدة لكل فن قواعد
تعرف انت لمن تسمع لنغمة جميلة او اغنية حلوة، انت تسمع لساعات وسنوات طويلة من العمل الشاق من الملحن ومن العازف ومن المغني، لن يصلوا لصناعة النغمة الجميلة بدون الانضباط والعمل الجاد. جرب تسمع عزف عود من شخص تعلم قبل شهر( تلوث ضوضائي) وجرب تسمع من فريد او عبادي او السنباطي.
الكتابة ايضاً، بدون القراءة والبحث والعمل على نفسك لسنوات طويلة، لن تستطيع اجادة هذا الفن وصياغة الافكار بطريقة تجذب القارئ. في جميع الفنون تحتاج لتعمل لتنجز، امتلاك الموهبة ماهو كافي، الموهبة تساعدك في تميز الامور الي تحبها والعمل المنضبط هو الي يمكنك من انك تنجز
فيه شي مهم جداً وهو عامل العمر، هذي الامور جميعها تتعلمها في سن مبكرة، لسبب بسيط انه عندك الوقت الكافي للتعلم، كل ماتقدمت في العمر كل ماصار صعب انك تلقى وقت وتتعلم وحتى لو عندك موهبة راح تندفن مع تقدم العمر اذا ماكتشفتها وطورتها في سن مبكرة.
ايش تسوي في حياتك؟ فيه اي شي تعمله في حياتك يحتاج انضباط وساعات طويلة من العمل؟ اخشى اذا كانت الاجابة لا، انك الى حد الان ماكتشفت جزء من شخصيتك، كل انسان ينولد بموهبة. اسعد البشر هم الي يقدرون يكسبون من عمل هم يحبون يعملونه، فنان/لاعب/ممثل/كاتب، لكن هذي فرص نادرة.
معظمنا يعمل في اشياء لولا المال والكسب ماراح نعمل فيها وهذا شي طبيعي في كوكب مزدحم وفرص قليلة للكسب، ولكن اهمال موهبة تمتلكها هذي خسارة، حتى لو تأخر الوقت، ان تصل متأخر خير من ان لا تصل. حياتي فراغ مافيه شي اسويه!؟ معقول؟! هذا تفسيره الوحيد انا لسا ما اعرف مين انا.
جاري تحميل الاقتراحات...