بتكلم عن تخصص موارد البشرية Human Resources بشكل سريع
كلامي ممكن ما يغطي التخصص بشكل كامل لانه مو تخصصي بس ان شاء الله اقلها تستفيد لو شوي
التخصص اغلبه نظري، يعني يدرسك كيف تسوي تدريب للموظفين، كيف تحل مشاكل الموظفين وتستقبل شكاويهم، كيف تحدد وش الوظايف الناقصة بالشركة وايش يكون متطلباتها، تكون مسؤول عن اجراءات التقديم على الشركة وتستقبل اللي يجونك وممكن حتى تسويلهم مقابلات
ميزة التخصص انه (بنظري الشخصي انا بس اللي يعني مو شرط صح) ما يفرق كثير لو درسته بالعربي ولا الانجليزي، اكيد الشركة اللي بتشتغل عندها بتفضل انه يكون عندك لغة بس ما يعتبر شي مهم مرة دراستك كانت باي لغة زي المحاسبة مثلا ولا المالية
التخصص اشوفه مو صعب، ومسيطرين عليه البنات بالغالب، فيه ناس يشوفون انه دراسته كله حفظ لانه كله نظريات وافكار وطرق واساليب، بس عادي ترى تقدر تفهم ذي الاشياء كلها وما يحتاج تفهمها لان اغلبها تجيك اشياء بالعقل وتدخل المخ (الا اذا جاك دكتور يشق وجهك)
طيب لو اشتغلت وش بسوي ؟! اشهر شي طبعا انك بتصير تستقبل اللي يقدمون على وظايف بالشركة وتخلص اجراءاتهم من اوراق وغيره ترفعها للادارات، وممكن تسوي مقابلات وظيفية وتحشر اللي قدامك وتخليه يعرق ما يعرف يجاوب
او ممكن تشتغل انك تستقبل شكاوي من موظفين، مثلا واحد اشتكى على زميلة معه انها تحرشت فيه، وش بتسوي؟! كيف ترفع تخلص اجراءات الشكوى وتحل المشكلة خاصة انك متعود على العكس
ممكن تشتغل من ناحية تشوف وش وظايف تحتاجها الشركة وكم مقعد تحتاجون، وهل يكون توظيف مباشر ولا برنامج توظيفي، وايش تكتب بشرح الوظيفة، وايش تكتب وتحدد المطلوب من المتقدم يكون عنده ايش وزي كذا يعني
وممكن تشتغل من ناحية تطوير الموظفين، كيف تجهز كورسات لهم، وين الكورس يكون بأي فندق (موب على كيفك لحالك طبعا) كم كورس المفروض الموظف ياخذ بالسنة، هل فيه كورسات بره المملكة ولا لا واذا ايه ممكن تحتاج تحجزلهم تيكيت طيارة وفندق (بعض الشركات الموظف يحجزله بنفسه ويعوضون له الشركة)
مشكلتنا انه كثير جامعات بالسعودية ما يدرسون التخصص، لانه يشوفون خريج تخصص ادارة الاعمال يقدر يسوي نفس الشغل اللي يسوي خريج الموارد البشرية فما يتعبون نفسهم ويفتحون التخصص بالجامعات
يعني لو بخاطرك التخصص وتحسه يناسبك وما حصلته بجامعتك، خذ ادارة اعمال وتوكل على الله وغالبا بيكون اقرب شي لتخصص الموارد البشرية
طيب هل التخصص مطلوب ؟! اكيد كل شركة تحتاج موظفين HR عندهم بس بنظري الطلب عليه موجود بس مو بكثرة المحاسبة والمالية اكيد، بس لسى يعني اكيد بتحصل وظايف يعني ان شاء الله، عموما اذا ابدعت بشي وتثقفت فيه وركزت عليه بتحصل اللي ياخذك من سوق العمل
وكثير شركات الحين بدوا يتفتحون اكثر وصاروا دايما يبون يطورون موظفينهم ويسوون منظومة عمل وبيئة مناسبة للموظفين، فيعني يحتاجون ناس فاهمين شغلهم بذا التخصص
بالنهاية احب اقولك دايما لا تعتمد على الجامعة بس بأي تخصص، كثير جامعات ما يدرسونك ذا التخصص بضمير ويحفظونك النظريات حفظ، فنصيحة يعني لازم تتطلع وتطور من نفسك بنفسك (لا تسالني عن مصادر لاني ما اعرف وتعلم انك تبحث بنفسك لو كنت صدق تبي تطور ذاتك)
اشياء اضافية ممكن تفيدك، بالرغم اني لسى على رأيي انهم يستقبلون شكاوي واعرف ناس كذا
هذا واحد من الخاص يقول انه التخصص مطلوب بشكل كبير
@ivisiions ما اعرف
واحد يقول انه رواتبهم عالية + الانجليزي مهم
مشاركة مهمة عن الرواتب بالارقام من اقتصاسيات
@__0kay بدرررري عليييك
@__0kay لا تحديني انزلك رواتبنا كم،
@__0kay عشان تدعيلي
اضافة عن الشهادات اللي تقدر تاخذها بعد تخرجك
@__0kay 😂😂😂😂😂😂😂😂😂😂😂😂😂😂😂
جاري تحميل الاقتراحات...